1.سموئيل 4:18 - Muslim Sindhi Bible

¹⁸ جيئن ئي هن خدا جي عهد واري صندوق جو ذڪر ڪيو تہ عيلي ڪرسيءَ جي پٺئين پاسي دروازي وٽ وڃي ڪريو. جيئن تہ هو پوڙهو ۽ ڳرو مڙس هو سو ڪرڻ سان سندس ڪنڌ ڀڄي پيو ۽ هو مري ويو. هو چاليهن سالن تائين بني اسرائيل جو رهبر رهندو آيو هو.

Sindhi Bible

¹⁸ ۽ هيئن ٿيو تہ جڏهن هن خدا جي صندوق جو نالو ورتو تڏهن هو پٺيرو پنهنجي ڪرسيءَ تان دروازي جي پاسي ڪري پيو، ۽ سندس ڪنڌ ڀڄي پيو ۽ مري ويو: ڇالاءِ جو هو ڪراڙو هو ۽ ڳرو هو؛ ۽ هو چاليهہ ورهيہ اسرائيل جو قاضي ٿي رهيو هو.

1.سموئيل 4:18 ပူးပေါင်းရင်းမြစ်များ

زبور 26:8

اي خداوند! جتي تون رهين ٿو، هائو، جنهن جاءِ ۾ تنهنجو جلوو ٿو چمڪي، تنهن سان آءٌ پيار ڪريان ٿو.

زبور 42:10

منهنجي هڏين ۾ ڄڻ تير ٿا چڀن، ڇاڪاڻ تہ منهنجا دشمن هر وقت مون کي طعنا هڻندي چون ٿا تہ ”تنهنجو خدا آهي ڪٿي؟“

زبور 42:3

رات ڏينهن منهنجا لڙڪ ئي منهنجي خوراڪ آهن. جڏهن تہ مون کان هر وقت پڇيو ٿو وڃي تہ ”ڪٿي آهي تو وارو خدا؟“

زبور 69:9

منهنجي اندر ۾ تنهنجي گھر لاءِ ايتري تہ غيرت آهي، جو جيڪي طعنا تو کي ٿا هنيا وڃن سي مون تي ٿا اچيو پون.

لاوي سرشتو 10:3

تنهن تي موسيٰ هارون کي چيو تہ ”اها ئي ڳالهہ آهي جيڪا خداوند فرمائي هئي تہ ’جيڪي منهنجي ويجھو اچن، سي منهنجي پاڪيزگيءَ جو احترام ڪن، بيشڪ سڀني ماڻهن جي نظر ۾ آءٌ ئي عظمت وارو هوندس.‘“ تڏهن هارون خاموش رهيو.

قاضين 15:20

فلستين جي حڪمرانيءَ وارن ڏينهن ۾ سمسون ويهہ سال بني اسرائيل جو رهبر رهيو.

1.سموئيل 4:13

ان وقت عيلي جيڪو خدا جي عهد واري صندوق لاءِ تمام گھڻو فڪرمند هو، سو رستي وٽ ڪرسيءَ تي ويٺي انتظار ڪري رهيو هو. جڏهن اهو ماڻهو شهر ۾ آيو ۽ اچي اها خبر ٻڌايائين، تڏهن سڄو شهر رڙيون ڪري روئڻ لڳو.

1.سموئيل 4:17

تڏهن انهيءَ ماڻهوءَ ٻڌايس تہ ”بني اسرائيل فلستين جي هٿان شڪست کاڌي ۽ ماڻهن ۾ تمام گھڻي خونريزي ٿي آهي. تنهنجا ٻئي پٽ حفني ۽ فينحاس بہ مارجي ويا آهن ۽ خدا جي عهد واري صندوق بہ کسجي ويئي آهي.“

1.سموئيل 4:19

عيليءَ جي نُنهن، يعني فينحاس جي زال پيٽ سان هئي ۽ بلڪل ويم تي هئي. جڏهن هن اها خبر ٻڌي تہ خدا جي عهد واري صندوق کسجي ويئي آهي ۽ سندس سهرو ۽ مڙس ٻئي مارجي ويا آهن، تڏهن اوچتو کيس ويم جا اهڙا تہ سور اچي لڳا جو هوءَ جھڪي پيئي ۽ ٻار ڄڻي وڌائين.