1.سموئيل 28:21 - Muslim Sindhi Bible

²¹ پوءِ اها عورت سائول وٽ آئي ۽ کيس بيحد پريشان ڏسي چيائينس تہ ”ڏسو، توهان جي ٻانهيءَ توهان جي ڳالهہ مڃي آهي. مون پنهنجو ساهہ تريءَ تي رکي اوهان جو چوڻ مڃيو آهي.

Sindhi Bible

²¹ پوءِ اُها زال سائول وٽ آئي، ۽ هن کي ڏاڍو پريشان ڏسي چيائينس تہ ڏس، تنهنجي ٻانهيءَ تنهنجي ڳالهہ مڃي آهي، ۽ مون پنهنجو ساهہ تريءَ تي رکي جيڪي تو مون کي چيو سو مون مڃيو آهي.

1.سموئيل 28:21 ပူးပေါင်းရင်းမြစ်များ

2.بادشاهَہ 6:11

انهيءَ ڳالهہ جي ڪري ارام جو بادشاهہ ڏاڍي ڳڻتيءَ ۾ پئجي ويو. هن پنهنجي سالارن کي گھرائي کانئن پڇيو تہ ”توهان مان اهڙو ڪير آهي جيڪو اسرائيل جي بادشاهہ سان ٻڌل آهي؟“

ايوب 13:14

آءٌ پنهنجي زندگي خطري ۾ ٿو وجھان، هائو، آءٌ پنهنجو سر تريءَ تي ٿو رکان.

قاضين 12:3

پوءِ جڏهن مون ڏٺو تہ اوهان مدد لاءِ نہ ايندءُ، تڏهن آءٌ پنهنجو سر تريءَ تي رکي بني عمون سان وڙهڻ لاءِ پار ويس، تڏهن خداوند مون کي انهن تي سوڀ ڏني. هاڻ ڇو اوهين اڄ مون سان وڙهڻ لاءِ آيا آهيو؟“

1.سموئيل 19:5

هن پنهنجو سِر تريءَ تي رکي وڃي انهيءَ فلستي جالوت کي ماريو، جنهن تي خداوند سڄي بني اسرائيل کي هڪ وڏي فتح حاصل ڪرائي. توهان پاڻ اها ڏٺي ۽ ڏاڍا خوش ٿيا. تڏهن ڇو هن بي‌گناهہ جو رت بي‌سبب هاري اوهين گنهگار ٿيڻ ٿا گھرو؟“

1.سموئيل 28:20

تڏهن سائول سموئيل جي ڳالهين کان ڏاڍو ڊنو ۽ هڪدم زمين تي ڊگھو ٿي ڪري پيو. منجھس ڪابہ طاقت ڪانہ رهي هئي، ڇاڪاڻ تہ هن سڄو ڏينهن ۽ سڄي رات ماني اصل نہ کاڌي هئي.

1.سموئيل 28:22

تنهنڪري توهان پنهنجي ٻانهيءَ جو عرض ٻڌو ۽ مون کي موڪل ڏيو تہ آءٌ ڪجھہ ماني آڻي اوهان جي اڳيان رکان ۽ توهان اها کائو، انهيءَ لاءِ تہ توهان کي ڪا طاقت ملي تہ جيئن توهان سفر ڪري سگھو.“