1.سموئيل 26:15 - Muslim Sindhi Bible

¹⁵ تڏهن دائود ابنير کي چيو تہ ”ڇا تون بهادر مرد نہ آهين؟ ڇا بني اسرائيل ۾ ڪو ٻيو بہ تو جهڙو آهي؟ تہ پوءِ تو ڇو پنهنجي آقا بادشاهہ جي حفاظت نہ ڪئي، ڇاڪاڻ تہ هينئر ئي ڪو ماڻهو تنهنجي آقا بادشاهہ کي مارڻ لاءِ اندر گھڙي آيو هو.

Sindhi Bible

¹⁵ ۽ دائود ابنير کي چيو تہ تون بهادر مرد نہ آهين ڇا؟ اسرائيل ۾ تو جهڙو ٻيو ڪير آهي؟ تڏهن ڇالاءِ تو پنهنجي ڌڻي بادشاهہ تي برابر پهرو نہ ڏنو آهي؟ ڇالاءِ جو ماڻهن مان هڪڙو تنهنجي ڌڻي بادشاهہ کي مارڻ لاءِ گهڙي آيو.

1.سموئيل 26:15 ပူးပေါင်းရင်းမြစ်များ

2.سموئيل 3:38

تڏهن بادشاهہ پنهنجي ماڻهن کي چيو تہ ”اوهين نہ ٿا ڄاڻو ڇا تہ اڄ بني اسرائيل ۾ هڪڙو سردار ۽ مکيہ ماڻهو قتل ٿي ويو آهي؟

دانيال 4:19

تڏهن دانيال عرف بيلطشضر گھڙي کن تائين پريشان ٿي ويو ۽ ڳڻتين ۾ پئجي ويو. تنهن تي بادشاهہ چيس تہ ”اي بيلطشضر! انهيءَ خواب ۽ ان جي تعبير کان تون پريشان نہ ٿيءُ.“ بيلطشضر کيس وراڻيو تہ ”ڪاش، اي منهنجا آقا! اهو خواب توهان جي ويرين لاءِ هجي ها ۽ ان جو تعبير توهان جي دشمنن لاءِ.

متي رسول جي معرفت پاڪ انجيل 26:40

پوءِ هو ٽنهي شاگردن وٽ موٽي آيو ۽ ڏٺائين تہ اهي سمهيا پيا آهن. تنهن تي هن پطرس کي چيو تہ ”ڇا اوهين هڪڙي گھڙي بہ مون سان گڏ جاڳي نہ پيا سگھو؟

1.سموئيل 26:14

پوءِ دائود اتان سائول جي لشڪر ۽ ابنير ولد نير کي واڪو ڪري چوڻ لڳو تہ ”اي ابنير! منهنجي ڳالهہ ٻڌ ۽ ان جو جواب ڏي.“ ابنير ورندي ڏيئي پڇيس تہ ”تون آهين ڪير، جيڪو بادشاهہ کي واڪا ڪري ٿو جاڳائين؟“

1.سموئيل 26:16

سو تو اهو ڪم چڱو نہ ڪيو آهي. خداوند جيئري جو قسم آهي تہ اوهين سڀ موت جا حقدار آهيو، ڇاڪاڻ تہ اوهان پنهنجي آقا، خداوند جي مسح ڪري مخصوص ڪيل بادشاهہ جي نگهباني نہ ڪئي آهي. هاڻي ڏسو، ڪٿي آهي بادشاهہ جو نيزو ۽ پاڻيءَ جي اها گھُگھي جا سندس سيرانديءَ کان رکيل هئي؟“