1.سموئيل 19:17 - Muslim Sindhi Bible

¹⁷ پوءِ سائول ميڪل کان پڇيو تہ ”تو مون سان ههڙي ٺڳي ڇو ڪئي، جو منهنجي دشمن کي ڀڄائي ڇڏيئِہ ۽ هو بچي ويو؟“ ميڪل سائول کي ورندي ڏني تہ ”هن مون کي چيو تہ ’مون کي وڃڻ ڏي نہ تہ آءٌ تو کي ماري ڇڏيندس.‘“

Sindhi Bible

¹⁷ ۽ سائول ميڪل کي چيو تہ ڇو تو مون کي هن طرح ٺڳيو آهي، ۽ منهنجي دشمن کي ڀڄائي ڇڏيو اٿيئي، جنهنڪري هو بچي ويو آهي؟ ۽ ميڪل سائول کي ورندي ڏني تہ هن مون کي چيو تہ مون کي وڃڻ ڏي: ڇو آءٌ توکي ماري وجهان؟

1.سموئيل 19:17 ပူးပေါင်းရင်းမြစ်များ

2.سموئيل 17:20

جڏهن ابي‌سلوم جا نوڪر انهيءَ گھر ۾ آيا ۽ انهيءَ عورت کان پڇيائون تہ ”اخيمعض ۽ يونتن ڪٿي آهن؟“ تڏهن هن کين ورندي ڏني تہ ”اُهي نهر کان پار ٽپي ويا.“ پوءِ هنن انهن جي ڳولا ڪئي، پر جڏهن کين ڪين لڌائون تڏهن موٽي يروشلم ڏانهن هليا ويا.

2.سموئيل 2:22

تڏهن ابنير وري عساهيل کي خبردار ڪندي چيو تہ ”منهنجي پٺيان نہ اچ، ٻئي پاسي وڃ. تون مون کي ڇو ٿو مجبور ڪرين جو آءٌ تو کي ماري زمين تي ڪيرائي وجھان؟ پوءِ آءٌ تنهنجي ڀاءُ يوآب جي اڳيان ڪيئن منهن مٿي کڻي سگھندس؟“

1.بادشاهَہ 21:20

جڏهن اخي‌اب الياس کي ڏٺو تڏهن کيس چيائين تہ ”اي منهنجا دشمن! تو مون کي هتي بہ اچي ڳولي لڌو؟“ الياس کيس وراڻيو تہ ”هائو، مون تو کي ڳولي لڌو آهي. تو پاڻ مڪمل طرح اهو ئي ڪم ڪيو آهي جيڪو خداوند جي نظر ۾ برو آهي.

متي رسول جي معرفت پاڪ انجيل 2:16

جڏهن هيروديس ڏٺو تہ نجومين ساڻس ٺڳي ڪئي آهي، تڏهن ڏاڍو اچي ڪاوڙيو. هن حڪم ڏنو تہ ”بيت‌لحم ۽ ان جي پسگردائيءَ ۾ انهن سڀني ڇوڪرن کي ماري ڇڏيو، جن جي عمر ٻن سالن تائين هجي،“ ڇو تہ عمر بابت هن کي اهو وقت ياد هو جڏهن نجومين کيس تاري جي ظاهر ٿيڻ بابت ٻڌايو هو.

گلتين 4:16

تہ پوءِ ڇا سچ ٻڌائڻ جي ڪري هاڻي آءٌ اوهان جو دشمن ٿي پيو آهيان؟

1.سموئيل 19:14

سائول جڏهن دائود جي پڪڙڻ لاءِ ماڻهو موڪليا، تڏهن ميڪل کين چيو تہ ”هو بيمار آهي.“

1.سموئيل 19:16

پوءِ جڏهن سائول جا ماڻهو اندر لنگھي آيا تڏهن ڏٺائون تہ بستري ۾ هڪڙو بت پيو هو ۽ ان جي مٿي هيٺان ٻڪرين جي ڏاس جو وِهاڻو هو.

1.سموئيل 22:17

پوءِ بادشاهہ پنهنجي آس‌پاس بيٺل پهري وارن کي چيو تہ ”اُٿو ۽ خداوند جي ڪاهنن کي قتل ڪري ڇڏيو، ڇاڪاڻ تہ دائود سان گڏ سازش ۾ هنن جو بہ هٿ آهي، جو هنن کي خبر هئي تہ هو ڀڳل آهي. تڏهن بہ هنن اها ڳالهہ مون کي نہ ٻڌائي.“ پر بادشاهہ جي نوڪرن خداوند جي ڪاهنن تي پنهنجو هٿ کڻڻ نہ چاهيو.

1.سموئيل 28:12

جڏهن انهيءَ عورت سموئيل کي ڏٺو، تڏهن وڏي آواز سان رڙ ڪري سائول کي چيائين تہ ”تون تہ سائول بادشاهہ آهين! پوءِ تو مون سان ڇو دوکو ڪيو آهي؟“