1.سموئيل 17:48 - Muslim Sindhi Bible

⁴⁸ پوءِ جڏهن جالوت اڳتي وڌي دائود تي حملي ڪرڻ لاءِ ويجھو آيو، تڏهن دائود جالوت سان مقابلي ڪرڻ لاءِ فلستين جي لشڪر ڏانهن تيزيءَ سان ڊوڙيو.

Sindhi Bible

⁴⁸ ۽ هيئن ٿيو تہ جڏهن اُهو فلستي اُٿيو، ۽ آيو، ۽ دائود سان اٽڪڻ لاءِ ويجهو ٿيو، تڏهن دائود تڪڙو ٿي فلستيءَ سان وڙهڻ لاءِ انهن جي لشڪر ڏي وڌيو.

1.سموئيل 17:48 ပူးပေါင်းရင်းမြစ်များ

زبور 27:1

خداوند منهنجي روشني ۽ منهنجو بچاءُ آهي. پوءِ ڇو آءٌ ڪنهن کان ڊڄان؟ خداوند منهنجي جاءِ‌پناهہ آهي. پوءِ ڇو آءٌ ڪنهن جو ڊپ رکان؟

زبور 27:3

توڙي جو ڪو لشڪر اچي منهنجي چوڌاري گھيرو ڪندو، تڏهن بہ منهنجيءَ دل کي ڪو خوف نہ ٿيندو. توڙي جو منهنجي مٿان ڪا جنگ اچي ڪڙڪندي، تڏهن بہ منهنجي توڪل خدا تي ئي رهندي.

چوڻيون 28:1

بدڪار ماڻهو ڊڄي ڀڄي ويندا آهن، توڙي جو کين ڪوبہ خطرو نہ هجي. مگر سچار ماڻهو شينهن وانگر دلير ٿا ٿين.

1.سموئيل 17:49

دائود پنهنجي ڳوٿريءَ ۾ هٿ وجھي اتان هڪڙو پٿر ڪڍيو ۽ کانڀاڻيءَ ۾ رکي اڇلائي جالوت جي پيشانيءَ ۾ هنيائين، تہ اهو سندس پيشانيءَ ۾ گھڙي ويو ۽ هو زمين تي اونڌو ٿي ڪري پيو.