1.سموئيل 14:47 - Muslim Sindhi Bible

⁴⁷ جڏهن کان سائول بني اسرائيل مٿان پنهنجي بادشاهي قائم ڪئي، تڏهن کان هو پنهنجي آس‌پاس وارن سڀني دشمنن يعني موآبين، عمونين، ادومين، ضوباہ جي بادشاهن ۽ فلستين سان جنگ ڪندو رهيو. هن جنهن پاسي منهن ٿي ڪيو، تنهن پاسي انهن کي شڪست ٿي ڏنائين.

Sindhi Bible

⁴⁷ هاڻي جڏهن سائول کي اسرائيل تي بادشاهي ملي تڏهن هو هر طرف پنهنجن سڀني دشمنن سان وڙهيو، يعني موآب سان، بني عمون سان، ادوم سان، ۽ ضوباہ جي بادشاهن سان، ۽ فلستين سان: ۽ جنهن پاسي هن منهن ٿي ڪيو، انهي پاسي انهن کي شڪست ٿي ڏنائين.

1.سموئيل 14:47 ပူးပေါင်းရင်းမြစ်များ

پيدائش 19:37

پوءِ وڏيءَ کي پٽ ڄائو جنهن جو نالو موآب رکيائين. اڄڪلهہ جا جيڪي موآبي آهن هو انهن جو وڏو آهي.

پيدائش 19:38

ننڍيءَ کي بہ پٽ ڄائو جنهن جو نالو بن‌عمي رکيائين. اڄڪلهہ جا جيڪي بني عمون آهن، هو انهن جو وڏو آهي.

پيدائش 36:1

عيسو جنهن کي ادوم بہ چيو ويندو آهي تنهن جو اولاد هي آهي.

پيدائش 36:19

عيسو جنهن کي ادوم بہ سڏجي ٿو تنهن جو اولاد ۽ سندن نالن پٺيان قبيلا اهي ئي آهن.

پيدائش 36:8

انهيءَ ڪري عيسو، جنهن کي ادوم بہ سڏجي ٿو سو وڃي سعير جي جابلو علائقي ۾ رهڻ لڳو.

2.سموئيل 1:22

ڪڏهن تہ يونتن جي ڪمان مان نڪتل تير ۽ سائول جي تلوار زورآور دشمنن جي رت ۽ چرٻيءَ کان سواءِ خالي نہ ٿي موٽيا.

2.سموئيل 10:6

جڏهن بني عمون ڏٺو تہ دائود سان سندن دشمني ٿي پيئي آهي، تڏهن هنن ماڻهو موڪلي بيت‌رحوب جي ارامين ۽ ضوباہ جي ارامين مان ويهہ هزار پيادن کي، معڪہ جي بادشاهہ کي هڪ هزار سپاهين سميت ۽ طوب جي ٻارهن هزار ماڻهن کي، ڪرائي تي گھرائي ورتو.

2.سموئيل 8:15

دائود سڄي بني اسرائيل تي بادشاهي ڪئي. هو پنهنجي سڄي رعيت سان عدل ۽ انصاف ڪندو هو.

2.سموئيل 8:3

دائود، ضوباہ جي بادشاهہ هددعزر ولد رحوب کي بہ ان وقت شڪست ڏني، جڏهن هددعزر فرات نديءَ واري ملڪ کي موٽائي هٿ ڪرڻ لاءِ وڃي رهيو هو.

1.بادشاهَہ 11:23

خدا سليمان جي خلاف هڪڙو ٻيو دشمن کڙو ڪيو، جنهن جو نالو رزون ولد اليدع هو. هو پنهنجي مالڪ هدد عزر جيڪو ضوباہ ملڪ جو بادشاهہ هو تنهن کان ڀڄي نڪتو هو.

2.بادشاهَہ 14:27

جيئن تہ خداوند نہ ٿي چاهيو تہ اسرائيل وارا مڪمل طرح تباهہ ٿي وڃن، تنهنڪري هن انهن کي يربعام ثانيءَ جي وسيلي بچايو.

1.سموئيل 12:2

هاڻي ڏسو، اوهان کي بادشاهہ آهي جيڪو اوهان جي اڳواڻي ڪندو. آءٌ پوڙهو ٿي ويو آهيان ۽ منهنجو مٿو بہ اڇو ٿي ويو آهي. پر منهنجا پٽ اوهان سان گڏ آهن. مون ننڍپڻ کان وٺي اڄ ڏينهن تائين اوهان جي اڳواڻي پئي ڪئي آهي.

1.سموئيل 13:1

سائول ٽيهن سالن جي عمر ۾ بادشاهہ مقرر ٿيو ۽ هن ٻائيتاليهن سالن تائين بني اسرائيل تي حڪومت ڪئي.

1.سموئيل 14:46

انهيءَ کان پوءِ سائول فلستين جو پيڇو ڪرڻ کان بس ڪري موٽيو ۽ فلستي بہ پنهنجي ملڪ ڏانهن موٽي ويا.

1.سموئيل 14:52

سائول جي سڄي عمر فلستين سان سخت جنگيون ڪندي گذري. هو جڏهن بہ ڪنهن زورآور يا بهادر شخص کي ڏسندو هو تہ انهيءَ کي آڻي پاڻ وٽ مقرر ڪندو هو.

1.سموئيل 21:7

ان ڏينهن سائول جي نوڪرن مان هڪڙو اتي خداوند جي عبادت‌گاهہ وٽ ترسيل هو، جنهن جو نالو دوئيگ ادومي هو. هو سائول جي ڌنارن جو وڏو هو.