1.بادشاهَہ 7:8 - Muslim Sindhi Bible

⁸ سليمان جي رهائش‌گاهہ جيڪا عدالت واري انهيءَ هال جي پٺيان ٻئي صحن ۾ هئي تنهن تي بہ ساڳئي قسم جو ڪم ٿيل هو. سليمان پنهنجي زال جيڪا فرعون جي ڌيءَ هئي، تنهن لاءِ بہ عدالت جي انهيءَ هال جهڙو گھر ٺهرايو.

Sindhi Bible

⁸ ۽ سندس رهڻ جو گهر، جو انهيءَ ورانڊي جي ٻئي ايوان ۾ هو، تنهن تي بہ ساڳئي قسم جو ڪم ٿيل هو. هن فرعون جي ڌيءَ لاءِ (يعني سليمان جي زال لاءِ) بہ انهيءَ ورانڊي جهڙو گهر جوڙيو.

1.بادشاهَہ 7:8 ပူးပေါင်းရင်းမြစ်များ

1.بادشاهَہ 3:1

سليمان مصر جي بادشاهہ جي ڌيءَ سان شادي ڪري ساڻس مائٽي ڳنڍي. جيستائين سليمان پنهنجو محل ۽ هيڪل نہ جوڙائي ۽ يروشلم جي چوڌاري ڀت نہ تعمير ڪرائي، تيستائين انهيءَ زال کي پنهنجي پيءُ دائود جي شهر ۾ آڻي رهايائين.

1.بادشاهَہ 7:9

اهي سڀ جايون وڏي صحن سميت بنياد کان وٺي ڇت تائين وڏن وڏن ۽ سٺن پٿرن جون ٺهيل هيون. پٿر ماپ موجب اندران ۽ ٻاهران ڪاراين سان ڪٽيا ويا هئا.

1.بادشاهَہ 9:16

انهيءَ کان اڳ مصر جي بادشاهہ فرعون جزر تي ڪاهہ ڪري قبضو ڪيو هو. هن انهيءَ کي باهہ ڏيئي ساڙائي اتان جي رهاڪن کي قتل ڪرائي ڇڏيو هو ۽ بعد ۾ اهو شهر پنهنجي ڌيءَ سليمان جي زال کي ڏاج ۾ ڏيئي ڇڏيو هئائين.

1.بادشاهَہ 9:24

جڏهن فرعون جي ڌيءَ دائود جي شهر مان نڪري پنهنجي انهيءَ گھر ۾ اچي رهڻ لڳي جيڪو سليمان سندس لاءِ تعمير ڪرايو هو، تڏهن سليمان هيٺاهين دڙي جي سنوت ڪرائي.

2.بادشاهَہ 20:4

بادشاهہ جي محل مان نڪري يسعياہ اڃا مرڪزي اڱڻ وٽ مس پهتو تہ خداوند کيس فرمايو تہ

2.تواريخ 8:11

سليمان پنهنجي زال جيڪا فرعون جي ڌيءَ هئي، تنهن کي دائود جي شهر مان ڪڍي انهيءَ محل ۾ آندو جيڪو سندس لاءِ جوڙايو هئائين. هن چيو تہ ”منهنجي زال کي اسرائيل جي بادشاهہ دائود جي محل ۾ نہ رهڻ گھرجي، ڇاڪاڻ تہ اها غير قوم مان آهي ۽ جنهن جنهن جاءِ ۾ خداوند جي عهد واري صندوق آئي آهي سي سڀيئي پاڪ آهن.“