1.بادشاهَہ 7:26 - Muslim Sindhi Bible

²⁶ انهيءَ حوض جي ٿولهہ چار آڱر هئي ۽ سندس ڪنارو پيالي جي ڪناري وانگر هو جيڪو ٻاهرين پاسي سوسن گل وانگر وريل هو. حوض ۾ چوئيتاليهہ هزار ليٽر ماپي ٿي سگھيا.

Sindhi Bible

²⁶ ۽ اُهو ماڻهوءَ جي هٿ جيترو ٿلهو هو؛ ۽ انهيءَ جو ڪنارو اهڙو جڙيل هو جهڙو ڪنهن پيالي جو ڪَنو، يا سوسن جو گل ٿيندو آهي: جنهن ۾ ٻہ هزار بٿ ٿي ماپيا.

1.بادشاهَہ 7:26 ပူးပေါင်းရင်းမြစ်များ

1.بادشاهَہ 6:18

هيڪل جي اندرين پاسي جيڪو ديال جو ڪاٺ لڳل هو تنهن تي لاٽون ۽ ٽڙيل گل اُڪريل هئا. اندر سڄو هال ديال جي ڪاٺ سان ڍڪيل هو جنهن ڪري ڀتين جو پٿر اصل ڏسڻ ۾ نہ ٿي آيو.

1.بادشاهَہ 6:32

زيتون جي ڪاٺ وارن ٻن تاڪن تي پڻ پردار آسماني مخلوق، کجيءَ جي وڻن ۽ ٽڙيل گلن جون شڪليون اُڪرايون ويون ۽ مٿن سون چاڙهيو ويو. اهو سون پردار آسماني مخلوق ۽ کجيءَ جي وڻن جي مجسمن تي اهڙي نموني چاڙهيو ويو تہ جيئن اهي مجسما چٽا نظر اچن.

1.بادشاهَہ 6:35

انهن تي پردار آسماني مخلوق، کجين جا وڻ ۽ ٽڙيل گلن جون شڪليون اُڪرايون ويون ۽ انهيءَ اُڪر جي ڪم تي بہ سون چاڙهيو ويو. اهو سون اهڙيءَ طرح چاڙهيو ويو تہ جيئن اهي مجسما چٽا نظر اچن.

1.بادشاهَہ 7:19

ورانڊي وارن ٻنهي ٿنڀن جي چوٽين تي جيڪي ڇٽ هئا، سي سوسن گل جي شڪل جهڙا هئا ۽ سندن اوچائي پوڻا ٻہ ميٽر هئي.

1.بادشاهَہ 7:25

اهو حوض ٻارهن پتل جي ٺهيل ڏاندن جي پٺين تي رکيو ويو جن جا پٺيان پاسا اندر حوض طرف هئا. انهن مان ٽن ڏاندن جو منهن اتر ڏانهن، ٽن جو اولهہ ڏانهن، ٽن جو ڏکڻ ڏانهن ۽ ٽن جو اوڀر ڏانهن هو.

1.بادشاهَہ 7:27

حورام ڪاريگر ڏهہ پتل جون ريڙهيون پڻ ٺاهيون، هر هڪ ريڙهيءَ جي ڊيگھہ ۽ ويڪر هڪ جيتري يعني پوڻا ٻہ ميٽر هئي ۽ اوچائي سوا ميٽر هئي.

1.بادشاهَہ 7:38

پوءِ حورام ڪاريگر پتل جا ڏهہ ننڍا حوض ٺاهيا، هر هڪ ريڙهيءَ ۾ هڪ حوض رکڻو هو. هر هڪ ننڍي حوض ۾ پوڻا نوَ سؤ ليٽر ماپيا ٿي ۽ هر هڪ حوض پوڻا ٻہ ميٽر ويڪرو هو.

2.تواريخ 4:5

اهو حوض چار آڱر ٿلهو هو ۽ سندس ڪنارو پيالي جي ڪناري وانگر هو جيڪو ٻاهر طرف سوسن گل وانگر وريل هو. انهيءَ حوض ۾ ڇاهٺ هزار ليٽر ماپي ٿي سگھيا.

خروج 25:25

ميز جي چوگرد چار آڱر اُڀي ڪناري ٺهرائج ۽ ڪناريءَ جي مٿان بہ چوڌاري سون جو ڇٽ ٺهرائج.

يرمياہ 52:21

ٻنهي ٿنڀن جي اوچائي ارڙهن ارڙهن هٿ هئي ۽ انهن جو گھيرو ٻارهن ٻارهن هٿ هو. هر هڪ ٿنڀي جي گولائيءَ جي ٿولهہ چار آڱر هئي ۽ اهو اندران پورو هو.

حزقي ايل 45:11

خشڪ شيون ماپڻ وارو ماپو ايفہ، پاڻياٺ واريون شيون ماپڻ واري ماپي بٿ جي برابر هئڻ گھرجي. انهن جي ماپ جو معيار خومر مطابق هن طرح هجي: 1 خومر برابر 10 ايفہ برابر 10 بٿ.

حزقي ايل 45:14

زيتون جي تيل جي پيداوار مان سئوڻو حصو. زيتون جي تيل جي ماپ بٿ مطابق هجي جيڪو هن طرح آهي: 10 بٿ برابر 1 خومر برابر 1 ڪر.