1.بادشاهَہ 1:9 - Muslim Sindhi Bible

⁹ ادونياہ عين‌راجل جي چشمي جي ڀرسان زحلت پٿر وٽ رڍون، ڏاند ۽ متارا وهڙا قربان ڪيا. هن بادشاهہ جي ٻين پٽن يعني پنهنجي ڀائرن ۽ بني يهوداہ جي انهن سڀني ماڻهو جي دعوت ڪئي جيڪي بادشاهہ جا عملدار هئا.

Sindhi Bible

⁹ ۽ ادونياہ زحلت جو پٿر، جو عين راجل جي ڀرسان آهي، تنهن وٽ رڍون ۽ ڏاند ۽ پاليل پهرو ذبح ڪيا؛ ۽ هن پنهنجن سڀني ڀائرن، يعني بادشاهہ جي پٽن کي، ۽ سڀني يهوداہ جي ماڻهن، ۽ بادشاهہ جي نوڪرن کي دعوت ڏيئي سڏيو:

1.بادشاهَہ 1:9 ပူးပေါင်းရင်းမြစ်များ

2.سموئيل 17:17

ابي‌ياتر جو پٽ يونتن ۽ صدوق جو پٽ اخيمعض، ٻئي يروشلم جي ٻاهران عين‌راجل چشمي وٽ رهيا پيا هوندا هئا، انهيءَ لاءِ تہ جيئن ڪو کين شهر ۾ ايندو نہ ڏسي. هڪڙي نوڪرياڻي وڃي انهن کي خبرچار ڏيندي هئي ۽ هو وڃي اها دائود بادشاهہ کي ٻڌائيندا هئا.

1.بادشاهَہ 1:19

هن وڏي تعداد ۾ ڏاند، متارا وهڙا ۽ رڍون قرباني ڪيون آهن ۽ توهان جن سڀني پٽن کي، ابي‌ياتر ڪاهن کي ۽ يوآب سپهہ‌سالار کي دعوت ڏيئي گھرايو اٿس، پر توهان جي پٽ سليمان کي نہ سڏيو اٿائين.

1.بادشاهَہ 1:25

ڇاڪاڻ تہ هن اڄ وڃي گھڻي تعداد ۾ ڏاند، متارا وهڙا ۽ رڍون قربان ڪيون آهن. هن سڀني شهزادن، تنهنجي لشڪر جي سپهہ‌سالار ۽ ابي‌ياتر ڪاهن جي دعوت ڪئي آهي. هينئر هو ساڻس گڏ کائن پيئن ٿا ۽ چون ٿا تہ ’ادونياہ بادشاهہ زندہ آباد.‘

چوڻيون 15:8

سچارن جي دعا گھرڻ تي خداوند خوش ٿو ٿئي، مگر بدڪارن جي قربانين کان بہ هن کي نفرت آهي.

متي رسول جي معرفت پاڪ انجيل 22:4

تنهن تي هن ٻيا نوڪر موڪليا تہ جن کي دعوت مليل آهي، تن کي چون تہ ’مون ٿلها متارا ڍڳا ۽ وهڙا ذبح ڪرايا آهن ۽ ماني تيار آهي، بلڪ هر شيءِ تيار آهي. سو دعوت کائڻ لاءِ هليا اچو.‘

يشوع 15:7

پوءِ اها سرحد عڪور جي ماٿريءَ مان ٿيندي دبير تائين ويئي، جتان وري اتر طرف جِلجال ڏانهن ڦري جيڪو ادميم جي چاڙهيءَ جي سامهون واري برساتي نهر جي ڏکڻ پاسي آهي. پوءِ اتان لنگھي عين‌شمس جي چشمن وٽان ٿيندي عين‌راجل تائين وڃي پهتي.

يشوع 18:16

اها سرحد اتان لهي انهيءَ جبل جي تري تائين آئي جيڪو هنوم ماٿريءَ جي سامهون ۽ رفائين جي ماٿريءَ جي اترئين پاسي ۾ آهي. پوءِ اُتان لهي هنوم جي ماٿريءَ وچان ويئي جا ڏکڻ طرف واري يبوسين جي شهر جي لاهيءَ وٽ آهي ۽ اتان وري لهي عين‌راجل چشمي ڏانهن ويئي.