1.بادشاهَہ 1:18 - Muslim Sindhi Bible

¹⁸ پر ادونياہ اڳي ئي بادشاهہ بڻجي ويٺو آهي ۽ منهنجا آقا بادشاهہ، توهان کي انهيءَ جي ڪابہ خبر ڪانهي.

Sindhi Bible

¹⁸ ۽ هاڻي ڏس، ادونياہ بادشاهي پيو ڪري؛ ۽ منهنجا سائين بادشاهہ، توکي انهيءَ جي ڪابہ خبر ڪانهي:

1.بادشاهَہ 1:18 ပူးပေါင်းရင်းမြစ်များ

2.سموئيل 15:10

پر هن بني اسرائيل جي سڀني قبيلن ڏانهن ڳجھا قاصد موڪلي کين چوايو تہ ”جڏهن اوهين نفيلن جو آواز ٻڌو تڏهن نعرا هڻي چئجو تہ ’ابي‌سلوم حبرون ۾ بادشاهہ ٿيو آهي.‘“

1.بادشاهَہ 1:11

تڏهن ناتن سليمان جي ماءُ بت‌سبع کي چيو تہ ”تو نہ ٻڌو آهي ڇا تہ حجيت جو پٽ ادونياہ پاڻ کي بادشاهہ بڻائي ويٺو آهي؟ اسان جي آقا دائود بادشاهہ کي انهيءَ باري ۾ ڪابہ خبر ڪانهي.

1.بادشاهَہ 1:17

هن کيس وراڻيو تہ ”قبلا سائين! توهان مون پنهنجي ٻانهيءَ سان خداوند خدا جنهن جا اوهين خاص ٻانها آهيو، تنهن جو قسم کڻي چيو هو تہ ’مون کان پوءِ تنهنجو پٽ سليمان ضرور بادشاهي ڪندو ۽ منهنجي تخت تي ويهندو.‘

1.بادشاهَہ 1:19

هن وڏي تعداد ۾ ڏاند، متارا وهڙا ۽ رڍون قرباني ڪيون آهن ۽ توهان جن سڀني پٽن کي، ابي‌ياتر ڪاهن کي ۽ يوآب سپهہ‌سالار کي دعوت ڏيئي گھرايو اٿس، پر توهان جي پٽ سليمان کي نہ سڏيو اٿائين.

1.بادشاهَہ 1:24

پوءِ ناتن چيو تہ ”منهنجا آقا بادشاهہ! اوهان ائين چيو آهي ڇا تہ ’مون کان پوءِ ادونياہ بادشاهي ڪري ۽ منهنجي تخت تي ويهي‘؟

1.بادشاهَہ 1:27

ڇا اهو ڪم منهنجي ڌڻي بادشاهہ ڪيو آهي؟ پنهنجي ٻانهن کي ٻڌايو بہ نہ اٿوَ تہ اوهان کان پوءِ ڪير اوهان جي تخت تي ويهندو.“

1.بادشاهَہ 1:5

ابي‌سلوم جي موت کان پوءِ ادونياہ جيڪو دائود کي حجيت نالي زال مان ڄاول پٽ هو ۽ ٻين سڀني پٽن کان وڏو هو، سو ڳاٽ مٿي ڪري چوڻ لڳو تہ ”آءٌ بادشاهہ ٿيندس.“ هن پنهنجي لاءِ گھوڙي گاڏيون، سوار ۽ پنهنجي اڳيان ڊوڙندا هلڻ لاءِ پنجاهہ محافظ بہ تيار ڪيا. هو خوبصورت بہ تمام گھڻو هو ۽ سندس پيءُ هن کي ڄمڻ کان وٺي ڪڏهن ائين چئي بہ نہ رنجايو هو تہ هن هيئن ڪي هونئن ڇو ڪيو آهي.

سنتن جا ڪم 3:17

اي ڀائرو ۽ ڀينرون! هاڻي آءٌ ڄاڻان ٿو تہ اوهان ۽ اوهان جي اڳواڻن جيڪي ڪجھہ عيسيٰ سان ڪيو، سو اڻ‌ڄاڻائيءَ جي ڪري ڪيو.