1.تواريخ 26:12 - Muslim Sindhi Bible

¹² هيڪل جي انهن دربانن کي سندن ڪٽنبن موجب ٽولن ۾ ورهايو ويو ۽ هيڪل ۾ کين ڪم تي مقرر ڪيو ويو، جيئن ٻيا لاوي مقرر هئا.

Sindhi Bible

¹² انهن مان ئي يعني سردارن مان دربانن جي ترتيب لاءِ مقرر ڪم هو، تہ پنهنجن ڀائرن وانگر خداوند جي گهر ۾ خدمت ڪن.

1.تواريخ 26:12 ပူးပေါင်းရင်းမြစ်များ

2.بادشاهَہ 7:10

تڏهن هو واپس موٽيا ۽ اچي شهر جي دربانن کي سڏ ڪري کين ٻڌايائون تہ ”اسين ارامين جي خيمي‌گاهہ ۾ ويا هئاسون ۽ ڏٺوسون تہ اتي ڪوبہ ڪونہ هو. هائو، ڪوبہ انساني آواز ٻڌڻ ۾ ڪونہ ٿي آيو. رڳو گھوڙا ۽ گڏهہ ٻڌا بيٺا هئا ۽ تنبو بہ جيئن جو تيئن کوڙيل هئا.“

1.تواريخ 25:8

انهن کي پڻ ننڍ وڏائيءَ توڙي استادي شاگرديءَ جي فرق کان سواءِ ڪڻا وجھي خدمت لاءِ چونڊيو ويو.

1.تواريخ 26:11

خلقياہ، طبلياہ ۽ زڪرياہ. حوساہ جي ڪٽنب وارا اهي جملي تيرهن ڄڻا هئا.

1.تواريخ 26:13

انهن مان ننڍن توڙي وڏن ڪٽنبن ڪڻا وڌا تہ کين ڪهڙي دروازي جي ذميواري سنڀالڻي آهي.

1.تواريخ 9:23

اهي ۽ سندن اولاد خداوند جي گھر جي درباني ڪندا آيا. هيڪل جي اوڀر، اولهہ، اتر ۽ ڏکڻ چئني پاسن جي دروازن کان دربان بيٺا هوندا هئا.

2.تواريخ 31:14

قوري ولد يمنہ لاوي جيڪو هيڪل جي اوڀر واري دروازي جو دربان هو سو خدا لاءِ آندل خوشيءَ جي نذرانن جو نگران بہ مقرر هو. قوري اهي نذرانا ڪاهنن ۽ لاوين ۾ سندن حصي مطابق ورهائيندو هو.

2.تواريخ 35:15

ڳائڻا جيڪي آسف جو اولاد هئا سي انهن هنڌن تي بيهي رهيا جيڪي هنڌ بادشاهہ دائود جي هدايت سان آسف، هيمان ۽ بادشاهہ جي غيبدان يدوتون مقرر ڪيا هئا. دربانن کي پنهنجو پنهنجو در ڇڏڻ جي ضرورت ڪانہ هئي، ڇاڪاڻ تہ هنن جي هم‌قوم لاوين انهن لاءِ عيد فصح جي قربانين جي تياري پئي ڪئي.