1.تواريخ 21:24 - Muslim Sindhi Bible

²⁴ پر دائود بادشاهہ کيس وراڻيو تہ ”ائين نہ ٿيندو. آءٌ انهيءَ لاءِ رقم ڏيندس. آءٌ اهڙي ڪابہ قرباني خداوند لاءِ پيش نہ ڪندس جيڪا تنهنجي ملڪيت هجي ۽ اهڙي ڪابہ شيءِ خداوند لاءِ نہ وٺندس جنهن جي لاءِ مون رقم نہ ڏني هجي.“

Sindhi Bible

²⁴ ۽ دائود بادشاهہ اُرنان کي چيو تہ ائين نہ ٿيندو؛ بلڪ آءٌ حقيقت ۾ ملهہ ڏيئي اهو توکان خريد ڪندس: خداوند جي لاءِ جيڪي تنهنجو آهي سو وٺي، ۽ جنهن سوختني قربانيءَ لاءِ مون قيمت نہ ڏني آهي سا آءٌ ڪين چاڙهيندس.

1.تواريخ 21:24 ပူးပေါင်းရင်းမြစ်များ

پيدائش 14:23

آءٌ تنهنجي ڪابہ شيءِ نہ رکندس، توڙي جو هڪڙو ڌاڳو يا جتيءَ جي ڪهي هجي، ڇو تہ متان تون ائين چوين تہ ’آءٌ ئي اهو واحد شخص آهيان، جنهن ابرام کي شاهوڪار ڪيو.‘

پيدائش 23:13

پوءِ انهن ماڻهن جي روبرو عِفرون کي چيائين تہ ”آءٌ تو کي عرض ٿو ڪريان تہ منهنجي ڳالهہ ٻڌ. آءٌ ٻنيءَ جي قيمت ڏيندس. اها مون کان وٺ تہ پوءِ آءٌ پنهنجو مُڙدو دفن ڪريان.“

پيدائش 23:9

هو مڪفيلاہ جي غار، جيڪا سندس ملڪيت آهي ۽ سندس ٻنيءَ جي پڇاڙيءَ ۾ آهي، تنهن جي پوري قيمت وٺي اها مون کي ڏئي تہ جيئن اوهان جي وچ ۾ هڪڙو قبرستان منهنجي ملڪيت هجي.“

2.سموئيل 24:24

تنهن تي بادشاهہ اُروناہ کي چيو تہ ”ائين نہ ٿيندو، بلڪ آءٌ مُلهہ ڏيئي اهي تو کان خريد ڪندس. آءٌ خداوند پنهنجي خدا جي لاءِ اهڙيون ساڙڻ واريون قربانيون پيش نہ ڪندس، جن لاءِ مون ڪجھہ بہ خرچ نہ ڪيو هجي.“ سو دائود اَن ڳاهڻ وارو اهو پِڙ ۽ ڏاند چانديءَ جي پنجاهہ سڪن ۾ خريد ڪيا.

1.تواريخ 21:23

اُروناہ دائود کي چيو تہ ”ڀلي وٺو. جيئن اوهان منهنجي آقا بادشاهہ کي وڻي تيئن ڪريو. آءٌ اوهان کي ساڙڻ واري قربانيءَ لاءِ ڏاند، ڪاٺين جي لاءِ ڳاهڻ جا اوزار ۽ اناج جي قربانيءَ لاءِ ڪڻڪ ڏيندس. آءٌ اهو سڀڪي رضا خوشيءَ سان اوهان کي ڏيندس.“

1.تواريخ 21:25

اهڙيءَ طرح دائود اُروناہ کي انهيءَ جاءِ لاءِ ست ڪلوگرام سون ڏنو.

رومين 12:17

جيڪو اوهان سان بڇڙائي ڪري تنهن سان بڇڙائي نہ ڪريو. اهڙي ڪم ڪرڻ جي ڪوشش ڪريو جنهن کي سڀ چڱو چون.