1.تواريخ 21:22 - Muslim Sindhi Bible

²² پوءِ دائود اُروناہ کي چيو تہ ”مون کي پنهنجو اَن ڳاهڻ وارو پِڙ ڏي، تہ آءٌ اتي خداوند جي لاءِ هڪڙي قربان‌گاهہ جوڙيان تہ مَن خلق تان وبا ٽري وڃي. تون انهيءَ پِڙ لاءِ ڀلي مون کان پوري قيمت وٺ.“

Sindhi Bible

²² تڏهن دائود ارنان کي چيو تہ مون کي پنهنجو اَن ڳاهڻ وارو پڙ ڏي، تہ آءٌ انهيءَ تي خداوند جي لاءِ هڪڙي قربانگاهہ جوڙيان: تون انهيءَ لاءِ مون کان پوري قيمت وٺ، تہ شل وبا خلق تان ٽري.

1.تواريخ 21:22 ပူးပေါင်းရင်းမြစ်များ

پيدائش 23:9

هو مڪفيلاہ جي غار، جيڪا سندس ملڪيت آهي ۽ سندس ٻنيءَ جي پڇاڙيءَ ۾ آهي، تنهن جي پوري قيمت وٺي اها مون کي ڏئي تہ جيئن اوهان جي وچ ۾ هڪڙو قبرستان منهنجي ملڪيت هجي.“

پيدائش 50:10

جڏهن اهي اتد علائقي جي ڳاهہ ڳاهڻ واريءَ جاءِ وٽ پهتا، جيڪا اردن درياءَ جي پرينءَ ڀر آهي، تڏهن اُتي هو دل ڏاريندڙ وڏي آواز ۾ رنا. يوسف اُتي پنهنجي پيءُ جي لاءِ ست ڏينهن سوڳ ڪيو.

2.سموئيل 24:21

پوءِ اُروناہ چوڻ لڳو تہ ”منهنجو آقا بادشاهہ پنهنجي ٻانهي وٽ ڪيئن آيو آهي؟“ دائود وراڻيس تہ ”آءٌ انهيءَ لاءِ آيو آهيان تہ تو کان اَن ڳاهڻ وارو پِڙ خريد ڪريان ۽ اتي خداوند جي لاءِ هڪڙي قربان‌گاهہ جوڙيان، تہ جيئن خلق تان وبا ٽري وڃي.“

1.بادشاهَہ 21:2

هڪڙي ڏينهن اخي‌اب نابوت کي چيو تہ ”جيئن تہ تنهنجو انگورن جو باغ منهنجي محل جي لڳو لڳ آهي، سو اهو مون کي ڏي تہ انهيءَ کي ڀاڄين جو باغ بڻايان. انهيءَ جي عيوض آءٌ تو کي انهيءَ کان بهتر انگورن جو باغ ڏيندس، يا جيڪڏهن تون چاهين تہ آءٌ تو کي انهيءَ جي رقم ڏيان.“

1.تواريخ 21:21

دائود جڏهن اوڏانهن ويجھو پهتو، تڏهن اُروناہ دائود کي ڏٺو ۽ پنهنجي اَن ڳاهڻ واري پِڙ مان نڪري دائود جي اڳيان جھڪي منهن زمين تي رکي کيس تعظيم ڏنائين.

1.تواريخ 21:23

اُروناہ دائود کي چيو تہ ”ڀلي وٺو. جيئن اوهان منهنجي آقا بادشاهہ کي وڻي تيئن ڪريو. آءٌ اوهان کي ساڙڻ واري قربانيءَ لاءِ ڏاند، ڪاٺين جي لاءِ ڳاهڻ جا اوزار ۽ اناج جي قربانيءَ لاءِ ڪڻڪ ڏيندس. آءٌ اهو سڀڪي رضا خوشيءَ سان اوهان کي ڏيندس.“

ڳاڻاٽو 16:48

هو مئلن ۽ جيئرن جي وچ ۾ بيهي رهيو، تڏهن وبا بند ٿي ويئي.

ڳاڻاٽو 25:8

۽ انهيءَ مرد جي پٺيان قبي واري هڪ تنبوءَ ۾ گھڙيو، جتي هن انهن ٻنهي، يعني انهيءَ مرد ۽ ان عورت جي پيٽ ۾ اُهو ڀالو ٽُنبي ڏنو. اهڙيءَ طرح بني اسرائيل منجھان وبا ختم ٿي.