1.تواريخ 19:17 - Muslim Sindhi Bible

¹⁷ جڏهن دائود کي انهيءَ ڳالهہ جي خبر پيئي، تڏهن هو بني اسرائيل جا سڀ ماڻهو گڏ ڪري اردن درياءَ جي اوڀر طرف ٽپي ويو. هو انهن ڏانهن اڳتي وڌيو ۽ صفون ٻڌي ساڻن جنگ شروع ڪيائين.

Sindhi Bible

¹⁷ ۽ ماڻهن دائود کي اها خبر ڏني، ۽ هن سڀيئي اسرائيلي گڏ ڪيا، ۽ هو يردن لنگهي هنن تي اچي پيو ۽ صفون ٻڌي جنگ ڪرڻ لڳو. انهيءَ طرح جڏهن دائود ارامين جي سامهون صفون ٻڌي جنگ ڪئي، تڏهن هو ساڻس وڙهڻ لڳا.

1.تواريخ 19:17 ပူးပေါင်းရင်းမြစ်များ

2.سموئيل 10:17

جڏهن دائود کي اها ڳالهہ ٻڌائي ويئي تڏهن هن سڄي بني اسرائيل کي گڏ ڪيو. پوءِ هو اردن درياءُ پار ڪري اوڀر طرف حلام وٽ اچي پهتو. تڏهن ارامين دائود جي سامهون صفون ٻڌيون ۽ ساڻس جنگ ڪيائون.

1.تواريخ 19:16

جڏهن ارامين ڏٺو تہ هو بني اسرائيل جي اڳيان شڪست کائي چڪا آهن، تڏهن هنن قاصد موڪلي فرات نديءَ جي اوڀر طرف وارن ارامي جنگي جوڌن کي هددعزر جي لشڪر جي سپهہ‌سالار سوبڪ جي هٿ هيٺ آڻي گڏ ڪيو.

1.تواريخ 19:18

آخرڪار ارامي بني اسرائيل جي اڳيان وٺي ڀڳا. دائود ارامين جا ست هزار جنگي گھوڙي گاڏين جا سوار ۽ چاليهہ هزار پيادا سپاهي ماري وڌا. هن سندن فوج جي سپهہ‌سالار سوبڪ کي پڻ ماري وڌو.

1.تواريخ 19:9

بني عمون پنهنجي گاديءَ واري شهر ربہ کان ٻاهر نڪري شهر جي دروازي جي لنگھہ وٽ جنگ جي لاءِ صفون ٻڌڻ لڳا، جڏهن تہ بادشاهہ جيڪي اتي آيا هئا، سي کُليل ميدان ۾ جنگ لاءِ تيار ٿي بيهي رهيا.