Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ululahu Timoti 6:5 - Buka Blahi Ka Cheke Holo

5 Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

အခန်းကိုကြည့်ပါ။ ကော်ပီ




Ululahu Timoti 6:5
34 ပူးပေါင်းရင်းမြစ်များ  

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.


Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.


Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.


Mae te diꞌa igre tirodi leghuni thofno cheke te tutuani na, jateula mae Janisi ghe mae Jabrisi teke eni tifa ranghini mae Moses. Mare theome au kaisei nodi gaoghatho te doglo kolho, eghuteuna nodi fatutuanire la tei jafrahi.


Tutuani, mae ihei te fatutuani ni God na mana dedei fara ka nakarhagna na, jame teuna mana gleꞌani fara unha te auhi tagna na.


Mana theome nafnata naikno te koꞌu fara are, ba te magnahaghei magra koba, ba te magnahaghei sileni fara. Nu mana mae mala au faleghu nei au kmu.


“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.


“Gaju te keli na ginauna ure sisi te keli, nu gaju te diꞌa na ginauna ure sisi te diꞌa. Tutuani, gaju te gnafare tahati kafe filo glanidi kau sisidire. Eghume ginauna jateula tuana eghu tahati laseni naikno tuana ka nakarhagna nei puhigna teure.


Nu keha naiknore la tei snivihi ka glepo igre nei chekedi koba glepo te theo nafudire.


Puhidi naiknogna namono Babilon te gnognoro fara igre la khasidihi naiknodi namono te gnafare la theome doglo langau. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌare. Eghuteuna hatimare mae king gna nauthoglu igne la enihi puhi te diꞌa na balugna naꞌa, nei iheire te foifoli ka nauthoglu igne mare la thono dedei fara naugna mare foifoli nei sabiri neu baludi naiknodi namono gna Babilon.”


Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.


Mae velepuhi chaichaghi igre la snivihi ka nabrou te doglo na, eghuteuna mare la tei ihohi, eigna mare leghuni puhigna mae Belam, thugna mae Beo. Mae Belam tifa na neke magnahaghei sileni fara, neuba mana tangomana te hata ka puhi te theome doglo.


Mae ihei te mala totogho ka khiloau na, mana jaola mala batuni nakarha te keli na. Mana theome mala chaichaghi, ba koꞌu waen fara, ba loku mala hata sileni kolho.


Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.


Mana ne cheke eghu ka mare, “Ka grioriso te blahi ia, God ne cheke eghu, ‘Sugagu iara na suga mala tarai.’ Nu ghotilo ke eni suga igne mala porudi mae iheire te lase blau!”


Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.


Eghume, iara ginauna na snakre lao khetodi mae igre ka keha mae delei, eghuteuna nodi vido glose mae igre nake snakre lao ka keha naiknoi mala ke khotodi. Neuba ihei ne fnakno ba theo, mare na kaisei nanaba ngala. Mare te gnafa na kafe magnahaghei sileni fara. Uve, neubane mae profet ba pris, mare jaola chaichaghidi naiknore.


Iheire te fnakno ba iheire te theome fnakno, mae igre kafe edi thua nafnata puhi te diꞌare mala atha nodi kmana sileni ka naiknore. Uve, neubane mae pris ba mae profet, mare chaichaghidi fara naiknore.


Mare jateula khuma te rofo fara, eghuteuna neuba mare ne ghamu, nu mare theome tangomana te boho na. Mae lida igre theome laseni puhigna Lord te keli na. Mare te gnafa na leghudi kolho gaoghathodi thedi te mala atha unha glepo te keli na.


Mare jaola foifoli keha nafnata glepo te sisiri nonghari nei insens nei waen nei oel nei flaoa nei wit nei buluka nei sipu nei hose nei chariot nei naikno sneka. Nu gognaro naikno te foifoli glepo igre theome tangomanadi.


Jame ihei te magnahaghei fapoaphola eigna igne, iara na cheke eghu, “Ghehati baludi nogna khiloau God gre, theome au keha nabrou aheva nga te mala leghui na.”


Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.


Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ