Ululahu Timoti 6:4 - Buka Blahi Ka Cheke Holo

⁴ Naikno te farirhiu chaichaghi igre theome laseni kaisei glepo nu mare fahaehaghe fara eghu, eghuteuna au gaoghatho te diꞌa mala magra fabrahu eidi nafnata cheke te theo nafudi. Nafnata puhi igne faꞌeiꞌeidi naiknore mala goghotu, magra, nagho nei au gaoghatho te diꞌa.

Ululahu Timoti 6:4 ပူးပေါင်းရင်းမြစ်များ

Fapea Timoti 2:23

Nu iagho thosei cheke ba fanomho ka cheke te theo gaoghathodi are. Iagho lasedihi glepo igre khogla faꞌeiꞌeidi naiknore mala magra eghu kolho.

Fapea Timoti 3:4

Ka narane tuare, naiknore ginauna majoradi kheradi thedire. Mare ginauna loku balu fagoigoli nei fahaehaghe fara. Mare ginauna magnahaghei eni kolho unha te keli tadini thedi na, nu mare theome tangomana te namhani God.

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.

Letas Teke Rioriso Mae Jud 1:10

Nu mae velepuhi chaichaghi igre cheke fadiꞌadi unha glepo te theome lasedire. Mare mae glalase fara, nu unha te lase fakelini mare jateula glepo te laseni ngala khuma ba bosu teu, tuana ngala te eni mare na. Nafnata puhi te edi mare tuare ginauna roꞌedi kolho thedi.

Fapea Pita 2:12

Nu mae velepuhi chaichaghi igre theome tangomana ghaoghatho fakeli nei mare cheke fadiꞌadi unha glepo te theome lasedire. Eghume God ginauna roꞌedi mare jateula naikno te falehe bosu ra eghu. Nu ghotilo laseni bosu na mala lolhoku nei falehe.

Fapea Timoti 2:14

Chekedi koba glepo igre. Iagho cheke faheta tadi ke ulugna God mala thosei magradi cheke te theo nafudi kolho igre. Nafnata puhi te magradi cheke igre thono diꞌa fara, naugna fadidiꞌa kolho nakarhadi naikno te fanomho ka magra tuare.

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Ululahu Timoti 1:7

Naugna mare magnahaghei te farirhiu eigna nogna vetula mae Moses, nu mare thedi na theome lasedi gaoghathodi unha te chekedi thedire. Eghuteuna mare theome lase nila u farirhiu ne lasedi farahi thedi teure.

Ululahu Timoti 1:4

Iagho jaola chekedi mae te farirhiu chaichaghi tuare mala thosei toutonudi mare nafnata susurei te theome tutuani nei thura nangha te brahu, nanghadi hatimare mae biꞌodi tifa ra. Glepo igre mala faꞌeiꞌei magra kolho ka naiknore, eghuteuna naiknore ginauna theome eni unha teke ghathoni God te mala eni mare teku na. Naugna kaisei puhi fatutuani ngala te tangomana te mala togho ghita te mala leghuni tahati gaoghathogna God na.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Taetus 3:9

Nu thosei au baludi iagho naikno te chekedi gobigna lepo te fameomekro ba te magra eidi susurei teke funu tifa teke mei, ba naikno te fapoaphola, ba magra eigna u gaoghathogna nogna vetula mae Moses. Eghume u glepo te edi mare tuare theome glepo mala toghoni kaisei naikno.

Mae Khuru 15:2

Mae Pol ghe mae Banabas theome magnahagheni u nafnata farirhiu te eni mare igne ne cheke faheta fara ka mare. Aonu mae khiloaure ne vahidi mae Pol ghe mae Banabas nei keha mae langau eghu mala tei thoke Jerusalem. Jare mare ne tangomana te cheke eigna puhi igne baludi hatimare mae khuru nei keha mae biꞌo ka khiloau.

Thakle 3:17

Uve, ghotilo ne cheke eghu, ‘Ghehati dedei fara, eghuteuna la auhi gobigna lepo te magnahaghedi ghehati re.’ Nu ghotilo theome lasedi kolho eghu! Tutuani, ghotilo nabami te au diꞌanagnafa na, naugna ghotilo ne kmo'e ka nogna thofno gobigna lepo God re. Ghotilo kuma fara ke ulugna God, naugna puhimi ghotilo re thono diꞌa fara. Ghotilo soesole, naugna ghotilo ne theome fatutuani ni God. Tathamire jaola ne dofu, naugna ghotilo ne theome raꞌe laseni mana.

Fapea Tesalonika 2:4

Mana ginauna cheke fadiꞌadi gobigna lepo te tufru sorudi naiknore balu nodi thua nafnata god. Eghuteuna ginauna mana na ghatho tahuni thegna jateula kaisei mae te uludi gobigna lepo te tufru sorudi naikno igre eghu, eghuteuna mana ginauna tei gnokro lamna nogna Sugablahi God eghuteuna mana na chekeni te mana ngala God na.

Kolose 2:18

Keha mae te fahaehaghedi fara nodi mifire, eghuteuna farirhiudi naiknore mala au faleghu ka puhi te theo nafugna, eghuteuna mala tufru soru ranghidi hatimare mae engel. Thosei snakreni kaisei mae ka mae igre mala batu fadelei ghami te mala theome fatutuani ni mae Kraes. Mare fiti fahaehaghe kolho, eigna gaoghathogna naikno ka nauthoglu na theome tutuani,

Filipae 2:14

Uve, te chekeni iara ka ghotilo na, thosei au cheke leghugna nei thosei khuru magra eghu.

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Filipae 1:15

Uve, keha naiknore toutonuni eigna mae Jisas Kraes, nu mare eni igne ka puhi goghotu kolho. Mare toutonu eigna mae Kraes nu mare theome au kaisei gaoghatho te doglo ka nagnafadire. Mare magnahaghedi thedi kolho te fnakno na, eghume mare magnahaghei te edi glepo te diꞌa igre ranghi ghau iara kate au iara ka suga sosolo gne. Nu neubane eghu ngau, keha naiknore toutonu eigna mae Kraes naugna mare au gaoghatho te doglo ka nodi gloku na. Eghume mare namha ghau iara, naugna mare lase ghau iara gne kaisei mae mala cheke thakleni u Nonomho te Keli eigna mae Kraes.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Galesia 5:15

Nu jame diꞌatami fabrahu nei magra teu ghotilo fari themi na, fiofilo ghami, na eghunu roꞌe fahui ghami themi ghotilo ginauna eghu.

Fapea Korin 11:20

Tutuani, ghotilo gleale'a kolho ka mare, neuba mare ne huju ghami tafri ba chaichaghi ghami ba saosagro ghami ba filo fapari ghami ba tapo ghami.

Ululahu Korin 11:18

Glepo ulu lahu te nomhini iara na, kate khapru te mala tarai na ghotilo fnota ka phei tothoghei, tothoghei mae dedei nei tothoghei mae khuma. Iara fatutuani ni igne jame roi tutuani fara.

Ululahu Korin 11:16

Jame ihei te magnahaghei fapoaphola eigna igne, iara na cheke eghu, “Ghehati baludi nogna khiloau God gre, theome au keha nabrou aheva nga te mala leghui na.”

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.

Ululahu Korin 3:3

Tutuani, puhimi ghotilo re kaisei nanaba ngala ka naikno te leghuni puhigna nauthoglu igne. Naugna goghotu koba, magra koba teu ghotilo igre ngala fagaglana gna te leghuni ghotilo puhigna nauthoglu na, theome leghuni mae Tharunga te Blahi.

Letas Teke Riso Tei Mae Pol Ka Khiloau Rom 14:1

Ghotilo mala toghoni mae ihei te theome heta nogna fatutuani na, eghuteuna thosei magra balugna mana eidi nafnata glepo te theome kaisei gaoghatho ghotilo balugna mana re.

Letas Teke Riso Tei Mae Pol Ka Khiloau Rom 13:13

Tahati mala au fabrahu ka puhi te doglo jateula naikno te au fabrahu kate phae eghu. Theome mala edi gaghamu te diꞌa ba koꞌu mala dranga, ba gnognoro, ba leghudi keha puhi te diꞌa, theome mala magra ba goghotu.

Letas Teke Riso Tei Mae Pol Ka Khiloau Rom 12:16

Ghotilo mala au fodu ka pharikeli. Thosei fahaehaghe, nu fofodu ka iheire te au faparidi thedi. Eghuteuna thosei ne lalase farahi themi eghu.

Letas Teke Riso Tei Mae Pol Ka Khiloau Rom 2:8

Nu iheire te ghathodi thedi kolho re, nei theome magnahagheni unha te thofno tutuani na, nu leghudi kolho puhi te diꞌare teuna, God ginauna diꞌatagna fara nei mana ginauna fatedi mare.

Mae Khuru 18:15

Nu glepo te chekedi ghotilo igre khogla magradi kolho eidi u cheke ba nangha ba eidi nomi vetula themi gre kolho. Eghume nabagna na ghotilo fadoglini kolho themi. Iara theome magnahaghei te fateni puhi tuana ka ghotilo.”

Mae Khuru 8:9

Nu kaisei mae te kiloi Simon te au ka namono tuana. Ame tei nga mae Filip jare teku na, mae Simon gne neke fajaglodi fara naiknodi Samaria re ka nogna naitu khaekae na. Mana kaisei mae te lase fahaehaghe fara nei kiloni thegna kaisei mae biꞌo.

Profet Isaia 58:4

Kate theome ima te mala pogho soru ka God na, ghotilo ghosei diꞌatami fara. Eghuteuna ghotilo jaola fapholai fabrahu balu magra. Jame te edi fabrahu ghotilo nafnata puhi igre kate theome ima na, iara ginauna na theome fanomho ka nomi tharai ghotilore.

Proveb 26:12

Jame kaisei mae chekeni ne lalase fara eghu, tahati ninhigrana ranghi ghita te toghoni mana te mala lasedi gobigna lepore. Nu jame kaisei mae fameomekro magnahaghei lalase, tahati tangomana te toghoni mana te mala lasedi gobigna lepore.

Proveb 25:14

Mae te nhaꞌa cheke mala tufa glepo teunu theome tufa kolho teuna, mana jateula khoveo te pala te tei nuri te theome nakhete ra eghu kolho.

Proveb 13:7

Keha naiknore ne dedei fara eghu cheke fahaehaghe fara, nu theome tutuani kolho eghu. Nu kehare chekeni ne kuma teuna, nu mare dedei fara eghu.