Ululahu Timoti 6:1 - Buka Blahi Ka Cheke Holo

¹ Mae snekare mala ghatho tahudi nodi mae funeire. Kate eni igne, theo kaisei naikno ke kosigna khiloau na tangomana te cheke faparini nanghagna God nei nogna farirhiu khiloau na teuna.

Ululahu Timoti 6:1 ပူးပေါင်းရင်းမြစ်များ

Taetus 2:5

Goro naikno biꞌo are mala farirhiudi goro gaꞌase majaghani are mala reireghi fakelidi reꞌe thedi nei au fakeli eghu, reireghi fakelidi nodi sugare, namhadi nei leghudi eghu puhidi khetodire eghu. Aonu mala theome tangomana kaisei naikno te cheke fadiꞌani u nogna Nonomho te Keli God na.

Letas Teke Riso Tei Mae Pol Ka Khiloau Rom 2:24

Naugna eimi ghotilo mae Jiu, grioriso te blahi na cheke eghu, “Iheire te theome naikno Jiure, mare na cheke faparini nanghagna God na.”

Ululahu Pita 3:16

Nu ghotilo blaknoi famane cheke tughu balu ghaoghatho fakeli. Eghuteuna ghotilo mala doglo nei keli eghu nagnafami fabrahu. Naugna igne, naikno teke cheke fadiꞌa ghami ghotilo eigna unha te leghuni ghotilo mae Kraes na, mare ginauna na mamaja nodi fara.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Galesia 5:1

Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Mae Khuru 15:10

Eghume gognaro na ghotilo magnahaghei te fariuriuni God ka puhi te nhaꞌa lao kaisei vetula te mala leghuni iheire te theome Jiu te ruma mei ka khiloau gre. Nu u vetula tuana mae kuꞌeda tifa ra ba tahati na theome tangomana te leghuni.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Mae Khuru 10:7

Kate jifla tela teihi u engel na, mae Konilias ne kilodi phei nogna mae glokure baludi kaisei mae soldia. Mae soldia igne kaisei mae keli fara nei ghatho tahuni God nei mana loku ranghini mae Konilias.

Luku 17:1

Kaisei narane mae Jisas ne cheke eghu ka nogna mae fanomhore, “Naikno te goigonidi nagnafami ghotilo re ginauna mei. Nu ihei te edi ka ghotilo glepo igre, God ginauna fatedi mare.

Matiu 11:30

Eghume gloku te chekeni iara te mala eni ghotilo igne theome ninhigrana. Eghuteuna nanhiꞌo te tusu ari iara ka ghotilo igne theome tahu.”

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Ululahu Korin 10:32

Thosei eni kaisei puhi te mala roꞌeni nodi fatutuani keha naiknore, neubane mae Jiu, ba mae te theome Jiu, ba naikno khiloau.

Matiu 11:9

Ba, neke tei mala filo unha si ghotilo ia? Kaisei mae profet? Uve, tutuani fara! Mae Jone Apublahi na kaisei mae profet biꞌo fara ka mae profet teke kulu au tifa ra.

Profet Esikiel 36:23

Tutuani, nanghagu iara na thono blahi fara, nu ghotilo lausasaba ka tathadi naiknore. Nu kate fakakhana iara nolaghi gna nanghagu na ka naiknodi keha kantri are, mare ginauna laseni te iara Lord. Iara ginauna tusu ari ka ghotilo mala fakakhana ka mare te blahi iara na.

Profet Esikiel 36:20

Nu aheva te tei mare na, mare cheke fadiꞌani nanghagu iara te blahi na. Keha naiknore cheke eghu, ‘Filo si ghotilo ka nogna naikno Lord are. Hatimare mae naoka khi fajifladi ka kantri teke tusu lao mana ka mare na.’

Profet Isaia 58:6

“Iara theome magnahagheni nafnata puhi igne. Iara magnahaghei ghami ghotilo te thosei edi nafnata puhi te diꞌa nei goigonidi keha naiknore teu igre. Ghotilo thosei lisa lao gloku biꞌo mala paradi mare, nu ghotilo snakredi mare mala snagla.

Profet Isaia 52:5

Eghume unha nate eni iara gognarona? Mare neke atha ghami ghotilo mala loku jateula nodi naikno sneka neku, eghuteuna mare neke theome foli fajifla ghami ghotilo. Mae iheire teke funei fruni ghami ghotilo ra mare neke cheke fahaehaghe fabrahu, eghuteuna leuleghu fata na mare neke cheke fapari ghau iara.

Profet Isaia 47:6

Tifa na iara diꞌatagu fara ka nogu naiknore naugna mare ne theome leghuni puhigu iara na. Iara neke nhaꞌa sorudi ke parigna nou nolaghi iagho, nu iagho neke goigonidi kolho, eghuteuna iagho neke theome kokhonidi kolho naiknore. Neubane mae khuekuꞌe mare, iagho paradi fara.

Nehemaea 9:5

Eghuteuna keha tothoghei ka mae Livaet igre na nanghadire mae Jesu, nei mae Kadmiel, nei mae Bani, nei mae Hasabnea, nei mae Serebaea, nei mae Hodaea, nei mae Sebanaea, nei mae Petahaea, mae igre ne eha eghu fabiꞌo, “Tahati kafe kegra haghe cheke fakelini noda Lord God mae ihei te karha fabrahu tifa te tifa!” “God! Ghehati magnahaghei te pala hagheni nanghamu iagho na. Nu nomi glealeꞌa ghehati igne theo nafugna kolho. Nanghamu iagho na biꞌo fara, eghume nomi glealeꞌa ghehati igne theome naba ka tathamu iagho na.

Fapea Kings 5:13

Aonu nogna mae gloku mana re mei rhegna mana ne cheke eghu, “Mae biꞌo, jame te cheke nigho iagho mae profet te mala eni unha te ninhigrana na, iagho tangomana te eni na. Nu glepo te chekeni mana igne khogla bligi kolho. Naugna unha sagho te theome leghuni unha te chekeni mana igne mala teke keli fapulo thinimu na ia?”

Fapea Samuel 12:14

Nu puhimu iagho te diꞌa igne naoka ranghini Lord nei theome ghatho tahuni mana. Naugna igne thumu iagho te karha ka Batseba igne ginauna lehe.”

Diutronomi 28:48

ghotilo ginauna rofo, nei roi koꞌu, nei soesole nei kmoꞌe ka gobigna lepo fateote'o. Glepo igre ginauna thoke ghami ghotilo naugna ghotilo ginauna na loku ranghidi nomi naoka ghotilo teke kuru mei Lord ka ghotilo are. Mare ginauna thofno para ghami fara ghotilo ka gloku biꞌo te ninhigrana fara ghilei ghotilo te gnafa na kafe lehe hui.

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Jenesis 24:12

Mae gloku na ne tarai ne cheke eghu, “Lord, iagho nogna God nogu mae funei iara Ebraham. Togho ghau iara mala tangomana iara te filoni kaisei gaꞌase te malagna thugna mana na gognaro gne, mala keli nogu gloku iara na ka tathagna nogu mae funei na.

Jenesis 24:2

Aonu mae Ebraham ne ehani nogna mae gloku te loku ranghini mana funu tifa na. Mae igne mae ihei mala reireghidi nogna glepo te gnafa teke khotodi mae Ebraham re. Mae Ebraham ne cheke eghu ka mana, “Haboni thinigu iara gne fagaglana gna nate leghudi iagho nogu cheke iara gre.

Jenesis 16:9

Aonu engel na ne cheke eghu ka naꞌa, “Iagho ke pulo ka Sarai mala ke leghudi nogna cheke naꞌa re.