Ululahu Timoti 5:6 - Buka Blahi Ka Cheke Holo

⁶ Nu thau te lisa lao thinigna na te mala eni nafnata puhi te diꞌa na, neubane karha neu naꞌa, naꞌa la kulu lehehi.

Ululahu Timoti 5:6 ပူးပေါင်းရင်းမြစ်များ

Jemes 5:5

Mare tanhi nei diꞌanagnafa naugna ghotilo ne theome tabadi mare. Nu ghotilo theome tanhi nei diꞌanagnafa eghu naugna ghotilo dedei fara nei ludeni unha te magnahagheni themi na. Nu ghotilo jateula kaisei buluka biꞌo te mala tarabana te mala falelehe te ghamu ia eghu. Buluka na gleale'a fara leuleghu narane, eghuteuna theome laseni narane mala lehegna na. Ghotilo jateula tuana eghu theome laseni narane God nate fate ghami ghotilo na.

Thakle 18:7

Ghotilo parani naꞌa nanaba ka puhigna naꞌa te fafnaknoni kolho thegna nei gleale'a kate snori nogna ka gobigna lepo te magnahaghedi naꞌa re. Uve, iagho tangomana te mala fakabruni naꞌa, naugna naꞌa ne cheke eghu koba, ‘Iara gne au jateula nakrupe biꞌo eghu. Iara theome jateula thau glehe kokoi eghu mala au diꞌanagnafa nei tanhi eghu.’

Thakle 3:1

Mae igne neke cheke eghu, “Iagho rioriso tei kaisei letas ranghini engel ka khiloau Sadis, eghuteuna iagho cheke eghu: Igne nogu cheke iara mae ihei te au fitu tharunga te keli nogna God, baludi fitu nathunure. Iara lase ghamihi ghotilo, neuba naiknore ne chekeni ne karha neu ngala ghotilo teuna, iara lase ghami ghotilo gognaro na jateu tela lehehira eghu.

Luku 15:24

Naugna mae thugu iara gne neke lehehi, nu gognarona kela karha fapulo. Mana neke snivihi nu gognarona kela thakle mei ka tahati!’ Aonu, hatimare ne ghamu ne gleale'a fodu.

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Efesus 2:1

Tifa na ghotilo neke au ka glehe, naugna ghotilo neke huhughuni God nei edi unha glepo te diꞌa.

Luku 15:13

“Theome kmana narane ke leghugna igne, mae ke iko na ne boiboli ne tei ka namono delei. Jare mana ne chochoghei fahui gobigna lepo teke khotodi mana re ka puhi te theo nafugna.

Matiu 8:22

Nu mae Jisas ne cheke eghu ka mana, “Gognarona iagho mei leghu ghau iara, lisa laodi naikno te tirodini nakarhagna God na mala giugiludi mare thedi naikno te lehere.”

Kolose 2:13

Tifa na, ghotilo neke jateula te lehehi neku naugna nakhibo teke edi ghotilo re nei naugna ghotilo neke theome snagla ka nogna nolaghi nakhibo te funei frunidi gaoghathomi are. Nu God neke fakarha fapulo ghami balugna mae Kraes. Eghuteuna God hata fadeleidi la gnafahi nakhibomire.

Efesus 2:5

Kate au tahati ka glehe eigna te huhughuni nogna cheke na, God neke fakarhi ghita balugna Kraes. Eghume ghotilo karha ka nogna khokofakasai God.

Luku 12:19

Gnafa teuna, iara ginauna cheke eghu ka thegu: Iara gognarona au nogu kmana glepo te keli nabagna kmana finogha. Eghume iara gognarona tangomana te au fakeli nogu, nei theome nanga nogu, gnafa nogu, ghamu ghegu, koꞌu ghegu nei gleale'a nogu eghu!’

Luku 7:25

Ba neke tei mala filo unha? Mala filoni kaisei mae te pipichi pohe te famane? Theo! Ihei te pipichi nafnata pohe tuare au ka sugagna mae funei.

Lamentations 4:5

Tifa na, naiknore neke ghamu gano te keli. Gognarona, mare rofo lehe kolho ke lamna nabrou. Iheire teke biꞌo haghe ka sugadi mae te dedei ra, gognarona mare hiro gano ka chara.

Profet Jeremaea 6:2

Tutuani, Jerusalem gne kaisei famane namono fara, jateula kaisei famane gaꞌase eghu, nu iara ginauna mei goigoni namono igne.

Profet Isaia 47:1

Lord neke cheke eghui, “Babilonia! Iagho fnakno fara jateula Kuin te gnokro ka nogna sape nafnakno na ia eghu. Nu gognarona iagho soru mei pari ka sape tuana mala gnokro ke kligna glose. Ulu lahu na iagho neke jateula kaisei gaꞌase majaghani te famane fara ra neku, eghuteuna thinigna na famane jemnu fara. Nu gognarona iagho theome eghu.

Profet Isaia 22:13

Nu ghotilo maꞌe nei ei gaghamu eghu kolho! Uve, ghotilo theome gnafa te falehe buluka nei sipu teu te mala ima ghemi nei koꞌu ghemi teuna. Eghuteuna ghotilo cheke eghu koba, “Te keli na tahati ima gheda nei koꞌu gheda eghu, naugna nathuꞌu na tahati ginauna kafe lehe.”

Proveb 29:21

Jame te toghoni iagho nou mae gloku na funu suagna na, mana ginauna edi kmana puhi ranghi nigho iagho kate biꞌo haghe gna na.

Ululahu Samuel 25:6

Mae Devet neke cheke ka mare mala cheke eghu ka mae Nabal, “Mae Devet magnahaghei nigho iagho nei vikemu teu iaghore mala au fakeli, eghuteuna mana jaola magnahaghedi nou gobigna lepo iaghore mala keli fara. “ Eghuteuna mae Devet jaola ne cheke ka mare mala cheke eghu ka mae Nabal,

Ululahu Samuel 15:32

Aonu mae Samuel ne cheke faheta eghu, “Tei hata mei ka iara mae Agag, king gna Amalek ia.” Kate mei na, mae Agag ne theome mhaghu naugna mana ne ghaoghatho eghu, “Iara gne keliu kolho na theome tangomana te lehe na.”

Diutronomi 28:56

Kate mei naokare te goigoni ni nomi namono ghotilo na, neuba kaisei famane gaꞌase te thono dedei fara te au ka suga gna na, nu ka narane tuana, naꞌa ginauna kokhoni ni fara ka grofo. Eghume naꞌa ginauna ghamu thugna teke karhala na, eghuteuna naꞌa ginauna jaola ghamu glepo te jifla mei ka nathuthuru gna sua teke karha la. Eghuteuna naꞌa pophoru mala ghamu, mala theome tangomana naꞌa te tufa kaisei ghegna nafnahi ka khetogna te namhani fara na, ba ka keha thugna re.

Diutronomi 28:54

Eghuteuna neuba kaisei mae te keli te thofno ke keli fara puhigna na, nu ka narane tuana, mana ginauna diꞌa nagnafagna fara ka grofo, aonu mana ginauna aknu falehe kaisei thugna mala ghamu nafnahigna na. Nu mana ginauna na theome tangomana te tufa kaisei nafnahi ka mae kheragna na, ba ka khetogna te namhani fara mana na, ba ka keha thugna te karha teure.

Luku 16:19

Mae Jisas ne cheke eghu, “Kaisei fata, kaisei mae te dedei na pipichi pohe keli koba. Eghuteuna mana ghamu gano keli koba leghu narane na.

Jenesis 2:17

Nu iara theome snakre nigho iagho te ghamu sisigna fapea gaju te au farihotei nagare igne. Gaju igne mala laseni iagho unha te keli na nei unha te diꞌa na eghu. Tutuani fara, jame te ghamu iagho sisi gna gaju igne na, iagho ginauna na lehe!”

Fapea Timoti 3:6

Keha ka mae igre mare tei ruma ka sugadi naiknore, nei sagudi gaꞌase te theome biꞌo nodi fatutuanire. Eghuteuna rehati mamajadi fara nakhibo teke edi thedi tifa re, nei rehati eidi kmana glepo te jafra fara te magnahagheni thedi.