Ululahu Timoti 5:1 - Buka Blahi Ka Cheke Holo

¹ Kate fadoglini kaisei mae tela kueku'ehi na, iagho thosei cheke fabiꞌo ka mana. Nu iagho famane cheke ranghini mana jateula te cheke ka mae kmamu themu eghu. Fadoglidi hatimare mae majaghani jateula thabusigna eghu,

Ululahu Timoti 5:1 ပူးပေါင်းရင်းမြစ်များ

Levitikas 19:32

“Eghuteuna ghotilo kegra haghe ke uludi goro mae biꞌo, mala filoni naiknore te ghatho tahudi ghotilo mae khuekuꞌe re. Eghuteuna ghotilo mala ghatho tahu ghau iara nomi God ghotilo. Iara Lord.

Taetus 2:2

Famane farirhiudi goro mae biꞌo are mala reireghi fakelidi thedi, mala au fakeli, nei mala lalase eghu. Nu mala nheta nodi fatutuani na, nei mala nheta nodi namha na, nei mala loku famaku ka unha glepo te keli na.

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Taetus 2:6

Nu iagho ginauna na jateula tuana eghu mala famane farirhiudi goro mae majaghani are mala reireghi fakelidi mare thedi nei au fakeli eghu.

Matiu 23:8

“Nu te chekeni iara ka ghotilo na, thosei jateula mare eghu snakreni kaisei naikno mala kilo ghami ‘Mae Velepuhi’. Naugna ghotilo kafe thabusigna nei thabureghagna eghu ngala. Eghuteuna iara ngala nomi mae velepuhi ghotilo na.

Ululahu Timoti 5:17

Mae biꞌo te baubatu fakeli ka khiloau nei tulao iheire te loku heta kate toutonuni nei farirhiuni teu chekegna God na naba te hata taba na.

Letas Teke Riso Tei Mae Pol Ka Khiloau Rom 13:7

Ghotilo mala foli sopai nafnata takis leghuni unha te chekeni vetula na. Eghuteuna ghotilo mala ghatho tahudi mae biꞌo re eghuteuna fafnaknodi nabadi mare hui.

Mae Khuru 15:4

Kate posa mare Jerusalem na, hatimare mae khuru, nei hatimare mae biꞌo ka khiloau, nei naikno fatutuani eghu re kubaedi nei taji fakelidi. Aonu, mae Pol, mae Banabas nei mae teke tei baludi phiamare eghu re ne toutonudi unha te edi God ka mare re.

Mae Khuru 14:23

Mae Pol ghe mae Banabas ne vavahi keha mae te fatutuani ni Lord te mala mae baubatu ka soasopaigna khiloau. Eghuteuna snakre laodi ka Lord ka dangna nei tharai.

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Fatilo Jone 1:1

Iara mae mala baubatu ka khiloau. Ranghi nigho thabusigna Gaeasi. Iara thofno namha nigho.

Fapea Jone 1:1

Iara mae mala baubatu khiloau, magnahaghei te riso ari letas igne ranghidi nakrupe vavahi nei goro thugna te thofno namhadi iara. Theome thegu iara ngala, nu naikno khiloau te gnafa te lasei u tutuani eigna mae Kraes te au balugu iara igre kafe namha ghami ghotilo.

Jemes 5:14

Jame kaisei ka ghotilo fogra biꞌo fara, mana kilo fodudi mae biꞌo ka khiloau are mala taofini ka oel te blahi nei taraini eghu ka nanghagna Lord.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Mae Khuru 20:17

Mae Pol au neu Maelitas ne fatei nonomho ranghidi mae biꞌo ka khiloau Efesus mala ke mei mare filoni mana.

Mae Khuru 15:6

Hatimare mae khuru nei hatimare mae biꞌo ka khiloau gnokro fodu ne rogheni puhi igne.

Diutronomi 33:9

Eghuteuna keha fata na, ghotilo faꞌuveni Lord neke theome nangadi idomi kmami ra, ba kherami ba thumi teu ghotilo ra. Ghotilo neke reireghini kolho nogna nhaꞌa cheke Lord.

Ululahu Timoti 5:2

eghuteuna khaekave are jateula idomu eghu. Eghuteuna thau majaghani are jateula greghamu eghu kolho. Iagho eni igne ka thau majaghani are ka thofno puhi te doglo.