Ululahu Timoti 4:8 - Buka Blahi Ka Cheke Holo

⁸ Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Ululahu Timoti 4:8 ပူးပေါင်းရင်းမြစ်များ

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Ululahu Timoti 6:6

Tutuani, mae ihei te fatutuani ni God na mana dedei fara ka nakarhagna na, jame teuna mana gleꞌani fara unha te auhi tagna na.

Proveb 22:4

Jame te au fapari nigho themu nei ghatho tahuni Lord teuna, iagho ginauna dedei, fnakno nei au ka nakarha te keli.

Proveb 19:23

Ghatho tahuni Lord, iagho ginauna karha. Eghuteuna iagho ginauna au fakeli fabrahu, eghuteuna theo kaisei glepo te diꞌa nate mei goigoni nigho na.

Ululahu Jone 2:25

Eghuteuna igne unha teke nhaꞌa chekeni thegna mae Kraes te mala tusu ranghi ghita tahati na, eigna u karha fei tifa.

Nonomho Te Keli Teke Risoi Mae Mak 10:30

mana ginauna na tangomana te thokei kaisei gobi fata ghilei sala'udi gobigna lepo teke jifla kokodi mana re. Ka nauthoglu igne na mana au nogna suga nei tahigna nei greghagna nei idogna nei thugna nei nogna vido glose, eghuteuna mare jaola ginauna na paraniu mana. Nu kau nogna nauthoglu majaghani God nate mei nathuꞌu nauriha na mana na hatini karha fei tifa na.

Nodi Khoje Hatimare Mae Jiu 37:29

Mae ihei te doglo ka tathagna God na, mana ginauna na khotogna glose teke tusu ranghini God na, eghuteuna mana ginauna na au fabrahu tagna.

Nodi Khoje Hatimare Mae Jiu 37:11

Nu iheire te lisei faparidi thedire, mare na atha nodi vido glose teke nhaꞌa cheke God ranghidi na. Mare na au fakeli nodi nei na au glealeꞌa nodi eghu.

Hibru 13:9

Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Thoutonu Eigna Mae Job 22:2

“Tangomana ngau kaisei naikno te toghoni God na? Neuba mana ne lalase fara mana theome tangomana te toghoni God na.

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Ululahu Korin 8:8

Nu gano na theo nogna nolaghi te mala hata gita te ari namo ka God na. Jame te tiroda ima tahati na, tahati theome au khaba ka God. Eghuteuna neubane ima tahati nafnata gano igne, gano tuana theome mala fakeli ghita ke ulugna God.

Profet Jeremaea 6:20

Ghotilo nogu naikno iara ra! Neuba ghotilo ne gahu insens te famane sisiri keligna teke tei atha ghotilo ka kantri Seba, ba keha nafnata insens teke tei atha mei ghotilo ka vido te khaba. Nu iara ginauna na theome magnahaghedi glepo igre. Iara jaola theome magnahaghedi keha nafnata fafara te tusu mei ghotilo ka iara igre.”

Profet Isaia 33:16

Nafnata naikno igne nate au fakeli ka kaisei vido te rheta te mala poru ka thogele holoro, eghuteuna mana ginauna au kmana ghegna gano nei khoꞌu eghu. Uve, mana ginauna au nogna gobigna lepo te magnahaghedi manare.

Nodi Khoje Hatimare Mae Jiu 37:9

Iheire te fatutuani ni Lord ginauna atha nodi vido glose, nu iheire te diꞌa puhidire Lord ginauna kuru fajifladi.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Ululahu Korin 3:22

Iara mae Pol, baludi mae Apolosi ghe mae Pita nomi ghotilo. Eghuteuna nauthoglu, karha, glehe, glepo te edi gognaro gre nei glepo nate mei nathuꞌu nauriha teu igre nomi ghotilo.

Matiu 19:29

Eghuteuna mae ihei te lisei faleghu sugagna, tahigna, greghagna, kmagna, idogna, goro thugna, ba nogna vido glose, te leghu ghau iara na, mana ginauna hata kaisei gobi fata ke uludi gobigna lepo teke lisei faleghu mana igre. Eghuteuna mana ginauna hatini nakarha fei tifa na.

Thoutonu Eigna Mae Job 36:11

Jame te fanomho mare te leghuni God eghuteuna loku fakeli ranghini mana teuna, mare ginauna au ka nakarha te keli, eghuteuna au ka pharikeli fabrahu ghilei kuekuꞌe.

Matiu 12:32

Nu ihei te cheke fadiꞌa ghau iara mae teke mei funu ka God na, God ginauna tangomana te hata fadeleidi nakhibogna mana re. Nu ihei te cheke fadiꞌani mae Tharunga te Blahi na, God ginauna theome hata fadeleidi nakhibogna mana re, kau nauthoglu gognaro gne ba nathuꞌu nauriha na.

Ululahu Timoti 4:7

Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.

Ululahu Timoti 6:3

Keha naiknore funu farirhiu glepo te jafra fara nei theome leghuni thofno nogna farirhiu tutuani noda Lord Jisas Kraes nei nogna farirhiu khiloau na.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Luku 5:38

Eghume tahati totoho waen majaghani na kau duku te majaghani.