Ululahu Timoti 4:7 - Buka Blahi Ka Cheke Holo

⁷ Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.

Ululahu Timoti 4:7 ပူးပေါင်းရင်းမြစ်များ

Ululahu Timoti 1:4

Iagho jaola chekedi mae te farirhiu chaichaghi tuare mala thosei toutonudi mare nafnata susurei te theome tutuani nei thura nangha te brahu, nanghadi hatimare mae biꞌodi tifa ra. Glepo igre mala faꞌeiꞌei magra kolho ka naiknore, eghuteuna naiknore ginauna theome eni unha teke ghathoni God te mala eni mare teku na. Naugna kaisei puhi fatutuani ngala te tangomana te mala togho ghita te mala leghuni tahati gaoghathogna God na.

Fapea Timoti 2:16

Iagho figri lao thagrumu na ka nafnata cheke te diꞌa te theo nafudi tuare, naugna naikno te edi nafnata cheke tuare khogla eꞌei puhi kolho ranghidi keha naiknore mala tei kokoni God.

Taetus 2:12

God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.

Taetus 3:9

Nu thosei au baludi iagho naikno te chekedi gobigna lepo te fameomekro ba te magra eidi susurei teke funu tifa teke mei, ba naikno te fapoaphola, ba magra eigna u gaoghathogna nogna vetula mae Moses. Eghume u glepo te edi mare tuare theome glepo mala toghoni kaisei naikno.

Hibru 5:14

Nu ihei te ghamu gano te maku na mana jateula mae tela biꞌohi eghu. Nafnata naikno tuana au fabrahu tagna gaoghatho te keli mala laseni unha glepo te keli ba unha glepo te diꞌa.

Fapea Timoti 2:23

Nu iagho thosei cheke ba fanomho ka cheke te theo gaoghathodi are. Iagho lasedihi glepo igre khogla faꞌeiꞌeidi naiknore mala magra eghu kolho.

Fapea Timoti 4:4

Eghuteuna mare ginauna figri tagruni farirhiu te tutuani na mala fanomho kolho ka thoutonu te chaichaghire.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Mae Khuru 24:16

Eghume iara fariuriu koba te mala eni unha te fatutuani ni iara te doglo ke ulugna God ba ke ulugna naikno.

Ululahu Timoti 6:20

Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.

Taetus 1:14

nu mala thosei leghudi u nodi thoutonu poto mae Jiu are, ba u nodi vetula naikno te tirodi leghuni u farirhiu te tutuani na.

Fapea Timoti 3:12

Uve, mae ihei te magnahaghei thofno leghuni mae Jisas Kraes te mala nogna mae gloku keli mana na, naiknore ginauna parani mana.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Ululahu Timoti 2:10

Nu rehati te leghuni chekegna God na mala fakhuakhudadi thedi kate eni unha gloku te keli na.

Ululahu Timoti 1:9

Jaola tahati laseni vetula na neke theome lilisei mala fadoglidi iheire te keli, nu mala fadoglidi iheire te huhughuni vetula na, iheire te eꞌei puhi diꞌa fabrahu, iheire te theome leghuni God, iheire te au ka puhi nakhibo, iheire te cheke faparini God ba iheire te cheke fadiꞌadi glepo te blahi re. U vetula na jaola mala fadoglidi iheire te falehedi idodi ba kmadi, ba aknu poruni ihei,

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Ululahu Timoti 6:3

Keha naiknore funu farirhiu glepo te jafra fara nei theome leghuni thofno nogna farirhiu tutuani noda Lord Jisas Kraes nei nogna farirhiu khiloau na.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.