Ululahu Timoti 3:8 - Buka Blahi Ka Cheke Holo

⁸ Mae ihei te mala totogho ka khiloau na, mana jaola mala batuni nakarha te keli na. Mana theome mala chaichaghi, ba koꞌu waen fara, ba loku mala hata sileni kolho.

Ululahu Timoti 3:8 ပူးပေါင်းရင်းမြစ်များ

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Taetus 2:3

Nu iagho ginauna na famane farirhiudi goro naikno biꞌo are mala au fakeli reꞌe, mala thosei buiburi naikno, ba thosei khuru koꞌu waen. Mala farirhiuni reꞌe unha glepo te keli na.

Ululahu Timoti 5:23

Ghema Timoti, theome keli te koꞌu khoꞌu fabrahu kolho iagho na. Iagho nabamu na jaola koꞌu katha waen mala toghoni thi'amu na, mala hui fogra te au fabrahu ka iagho ana.

Ululahu Timoti 3:3

Mana theome nafnata naikno te koꞌu fara are, ba te magnahaghei magra koba, ba te magnahaghei sileni fara. Nu mana mae mala au faleghu nei au kmu.

Levitikas 10:9

“Jame iagho ba kaisei thumu iagho koꞌu waen ba beer, ghotilo thosei mei ruma lamna ka Suga tapuale te Blahi igne. Jame kaisei ka ghotilo huhughuni blahi igne mana ginauna lehe. Igne kaisei vetula te mala tathaji fabrahu tharaknamu iagho na.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Taetus 1:7

Eghume iara magnahaghe nigho te mala vavahi mae mala baubatu ka mae iheire te keli puhidire naugna mana mala loku ranghini God nei reireghi fakelini eghu u gloku gna u khiloau na. Mana theome kaisei mae mala fabiꞌobiꞌo, ba mae mala ghosei diꞌatagna, ba mae mala koꞌu koba, ba mae mala khuru magra ba mae mala magnahaghei hata glepo kmana kolho ka puhi te chaichaghidi naiknore.

Ululahu Timoti 3:12

Mae ihei te mala totogho ka khiloau na mala tolaghi ka kaisei gaꞌase ngala, eghuteuna mana mala reireghi fakelidi khetogna nei thugnare nei iheire te au ka nogna khora suga na.

Profet Esikiel 44:21

Eghuteuna kate tarabana teu te mala ruma mei ka glalaba ikoi ka nogu Sugablahi iara na mala eni mare nodi gloku blahi na, eghuteuna mare mala thosei koꞌu waen.

Nodi Khoje Hatimare Mae Jiu 52:2

Iagho kaisei mae chaichaghi fara. Foflomu iagho na jateula kaisei bled te fnonu fara eghu goigoni ni fara keha naikno na ka narane te ghathoni teu iagho puhi te mala goigoni ni keha naikno na.

Nodi Khoje Hatimare Mae Jiu 12:2

Mare chaichaghidi koba keha naiknore. Mare thono lase cheke famaemahe fara nei muamugna eghu.

Nodi Khoje Hatimare Mae Jiu 5:9

God, nogu naoka iara gre nodi chekere theome tutuani kolho. Unha te ghathoni mare na mala goigonidi keha naiknore kolho. Nodi chekere famane mamahe fara jateula suka eghu. Nu thiꞌadire fodu ka saosagro nei falehe naikno eghu.

Ululahu Pita 5:2

reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore.

Letas Teke Riso Tei Mae Pol Ka Khiloau Rom 3:13

“Unha te chekeni mare na, naiknore nabadi na mala lehe.” “Naugna mare cheke chaichaghi koba nei chekedire jateula mogo neu ne goigonidi naiknore.”

Nodi Khoje Hatimare Mae Jiu 50:19

Leuleghu fata na ghotilo snakredi foflomi are te mala cheke diꞌa nei cheke chaichaghi teuna.

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.