Ululahu Timoti 3:7 - Buka Blahi Ka Cheke Holo

⁷ Puhigna mana na mala doglo fabrahu mala tangomana naikno te theome fatutuanire te ghatho tahuni mana na. Jaola naiknore ginauna theome filo faparini mana nei mae Satan ginauna jaola theome sagu nila mana.

Ululahu Timoti 3:7 ပူးပေါင်းရင်းမြစ်များ

Fapea Korin 8:21

Ghehati fariuriu eni unha te doglo na. Ghehati magnahaghei eni unha te doglo ka tathagna Lord na nei jaola doglo ka tathadi naiknore.

Fapea Timoti 2:26

Eghuteuna kate keli fapulo gaoghathodire, mare ginauna na rikha kokoni mae Satan. Eigna mae Satan gognaro gne te loku famakudi, eghuteuna mana huhurudi mala edi glepo te magnahaghedi mana thegna re.

Kolose 4:5

Ghotilo filo fakeli ka naꞌaumi baludi naikno te theome fatutuani ni mae Kraes are mala ghaoghatho fakeli kate toutonu baludire eghu.

Ululahu Timoti 6:9

Bligi fara ranghidi iheire te magnahaghei kolho dedei na te snoꞌo ka fariuriu na. Mare tangomana te tapla jafra ka nafnata glepo te fanoinoli ba glepo te diꞌa. Glepo igre tangomana te korho fadeleidi mare ghilei diꞌa fara nakarhadire, eghuteuna God ginauna na paradi fara.

Ululahu Tesalonika 4:12

Te leghudi ghotilo farirhiu igre, naikno te au ke kosigna khiloau gne ginauna ghatho tahu ghami ghotilo. Eghuteuna ghotilo ginauna theome rouronu ka ihei malagna unha te nabami themi na.

Fapea Korin 6:3

Ghehati theome magnahagheni kaisei naikno te filoni kaisei najafra ka nomi gloku ghehati na. Eghume ghehati theome eni kaisei glepo te diꞌa te mala snakreni kaisei naikno te filoni kaisei nabrou te mala cheke faparini gloku te eni ghehati gne.

Ululahu Korin 10:32

Thosei eni kaisei puhi te mala roꞌeni nodi fatutuani keha naiknore, neubane mae Jiu, ba mae te theome Jiu, ba naikno khiloau.

Mae Khuru 6:3

Eghume te keli na kheraguro, ghotilo vahidi fitu mae ka themi malagna gloku igne. Ka mae iheire te keli, lalase nei mae Tharunga te Blahi na au baludi.

Taetus 2:8

Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.

Taetus 2:5

Goro naikno biꞌo are mala farirhiudi goro gaꞌase majaghani are mala reireghi fakelidi reꞌe thedi nei au fakeli eghu, reireghi fakelidi nodi sugare, namhadi nei leghudi eghu puhidi khetodire eghu. Aonu mala theome tangomana kaisei naikno te cheke fadiꞌani u nogna Nonomho te Keli God na.

Ululahu Tesalonika 5:22

Tafradi gobigna lepo te diꞌa.

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Ululahu Korin 5:12

Uve, theome nogu gloku iara te mala fatedi naikno bongihehere. God thegna kolho te mala fatedire. Nu ghotilo naikno khiloau are te mala fatedire mae khiloau kolho. Naugna u grioriso te blahi na cheke eghu, “Ghotilo mala faꞌau kosidi iheire te tapla jafra koba ka nakhibo na.”

Mae Khuru 22:12

“Jare kaisei mae nanghagna na Ananias. Mana leghuni fara nogna vetula mae Moses, nei mae Jiu te gnafa te au Damaskas igre mare ghatho tahuni fara mana.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Nonomho Te Keli Teke Risoi Mae Mak 4:11

Mae Jisas ne cheke eghu ka mare, “God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Ululahu Samuel 2:24

Ghopa koko puhi te diꞌa tuare! Puhi te edi ghopa tuare, nogna naikno Lord igre toutonudi re thono diꞌa fara!

Fatilo Jone 1:12

Naiknore te chekei na mae Demitrias gne kaisei mae keli fara. Eghuteuna unha te chekeni naiknore tutuani fara. Ghehati jaola cheke fakelini mana, eghuteuna ghotilo laseni unha te chekeni ghehati na tutuani fara.

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.