Ululahu Timoti 3:5 - Buka Blahi Ka Cheke Holo

⁵ Eigna jame kaisei mae te theome baubatu fakelini tharaknagna na, mana ginauna theome tangomana te baubatu fakelini la nogna khiloau God na.

Ululahu Timoti 3:5 ပူးပေါင်းရင်းမြစ်များ

Ululahu Samuel 3:13

Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.

Efesus 5:24

Eghuteuna ka puhi khiloau te leghuni Kraes igne, gaꞌase tholaghire mala jaola leghudi fabrahu khetodire.

Efesus 5:32

U cheke tuana e poru gaoghathogna na eghuteuna iara cheke eidi tuare agne naugna cheke tuana jaola cheke eigna Kraes nei nogna khiloau.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Efesus 1:22

God lilisei gobigna lepo fateo ke parigna nogna nolaghi Kraes. God tusu ranghini Kraes u nolaghi mala pha'ugna khiloau mala jateula pha'udi eghu gobigna lepo te gnafare.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Ululahu Korin 10:32

Thosei eni kaisei puhi te mala roꞌeni nodi fatutuani keha naiknore, neubane mae Jiu, ba mae te theome Jiu, ba naikno khiloau.