Ululahu Timoti 3:2 - Buka Blahi Ka Cheke Holo

² Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Ululahu Timoti 3:2 ပူးပေါင်းရင်းမြစ်များ

Fapea Timoti 2:24

Te laseni tahati na, nogna mae gloku Lord na theome mala magra, nu mana mala keli ranghidi naikno te gnafare. Mana kaisei mae mala farirhiu, eghuteuna theome mala ghosei diꞌatagna.

Letas Teke Riso Tei Mae Pol Ka Khiloau Rom 12:13

Tufa nodi naikno khiloau te theo nodi. Eghuteuna tajidi iheire te posa mei ka sugamire.

Ululahu Timoti 5:9

Kaisei buka te mala riso soru nanghadi thau te lehe khetodire te mala totogho khiloau na. Iagho thosei riso soru nanghadi thau teke lehe khetodi te theome thokeni teu namno salei finogha na ba salaꞌui, ba teke phei fata tolaghi.

Ululahu Pita 4:9

Snakredi sugamire ka kherami te fatutuani ni Kraes are balu gleale'a.

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Taetus 2:2

Famane farirhiudi goro mae biꞌo are mala reireghi fakelidi thedi, mala au fakeli, nei mala lalase eghu. Nu mala nheta nodi fatutuani na, nei mala nheta nodi namha na, nei mala loku famaku ka unha glepo te keli na.

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Ululahu Timoti 4:3

Nafnata naikno igre cheke ka keha naiknore theome keli te tolaghi ba te ima kmana nafnata gano na. Nu God neke vuavuha gano igre mala ima tahati. Naugna tahati te fatutuani ni God nei laseni nogna cheke te tutuani na, tahati tangomana te ima gano igre balu kilo fafnaknoni God.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Profet Isaia 56:10

Nodi lida mae Israel igre jateula mae sekiuriti te dofu nei iho teura eghu, naugna mare theome kulu chekedi nogu naikno iara re. Mare theome laseni kaisei glepo. Mare jateula khuma te fnotho foflogna na te theome eha kate mei mae te blau ra eghu. Mare jateula mae te thuru teura eghu kolho. Mare kelitadi kolho te mala koꞌu na.

Luku 2:36

Kaisei khaekave nanghagna na Anna, naꞌa kaisei thau profet au jare ka Sugablahi na. Anna gne thugna mae Fanuel nei vikegna mae Asa. Kani thau majaghani gna tekeu na naꞌa neke tolaghi nabagna fitu finogha kolho neke lehe khetogna na.

Ululahu Timoti 3:8

Mae ihei te mala totogho ka khiloau na, mana jaola mala batuni nakarha te keli na. Mana theome mala chaichaghi, ba koꞌu waen fara, ba loku mala hata sileni kolho.

Ululahu Timoti 3:12

Mae ihei te mala totogho ka khiloau na mala tolaghi ka kaisei gaꞌase ngala, eghuteuna mana mala reireghi fakelidi khetogna nei thugnare nei iheire te au ka nogna khora suga na.

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Ululahu Timoti 5:22

Ghaoghatho fakeli ame taofini nga mae ihei te mala loku ka khiloau na eghu. Kate filoni iagho mae biꞌo ka khiloau te tapla jafra ka nakhibo na, thosei ke tapla jafrala ngau iagho eghu. Nu reireghi nigho themu mala klino.