Ululahu Timoti 3:1 - Buka Blahi Ka Cheke Holo

¹ Unha te chekeni iara igne tutuani fara: mae ihei te magnahaghei loku jateula kaisei mae mala baubatu teu ka khiloau na, gloku te keli na te magnahagheni mana igne.

Ululahu Timoti 3:1 ပူးပေါင်းရင်းမြစ်များ

Taetus 1:7

Eghume iara magnahaghe nigho te mala vavahi mae mala baubatu ka mae iheire te keli puhidire naugna mana mala loku ranghini God nei reireghi fakelini eghu u gloku gna u khiloau na. Mana theome kaisei mae mala fabiꞌobiꞌo, ba mae mala ghosei diꞌatagna, ba mae mala koꞌu koba, ba mae mala khuru magra ba mae mala magnahaghei hata glepo kmana kolho ka puhi te chaichaghidi naiknore.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Ululahu Pita 5:2

reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Fapea Timoti 2:11

Igne kaisei cheke tutuani fara, “Jame te lehe tahati balugna mana na, tahati ginauna jaola karha balugna mana.

Ululahu Timoti 4:9

Cheke igne thofno tutuani fara, te keli na naikno te gnafare mala nomhini nei leghuni eghu.

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Efesus 4:12

Mana neke eni igne mala tangomana nogna naikno te gnafa God re te mala loku fakelidi nogna glokure, nei mala kotu heta thinigna Kraes.

Mae Khuru 1:20

Mae Pita ne cheke eghu, “Naugna kau buka Sam na e cheke eghu, “ ‘Sugagna mana na ne krogha, ginauna na theo kaisei mae nate au ke lamnagna na.’ Jaola keha cheke na ne cheke eghu, “ ‘Kaisei mae neke hata sapegna mana na.’

Ululahu Pita 4:15

Theome keli kaisei naikno ka ghotilo te au papara eigna falehe naikno, blau, huhughu vetula, ba fadiꞌani nogna gloku ihei.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Letas Teke Riso Tei Mae Pol Ka Khiloau Rom 11:13

Gognaro na iara cheke ka ghotilo iheire te theome Jiu ra. Iara ghatho tahuni nogu gloku na, eigna God neke vahi ghau iara nei kuru ghau mala loku ka ghotilo iheire te theome Jiura.

Proveb 11:30

Puhigna mae te keli na, fakakhana nakarha te keli na. Eghuteuna ihei te autagna gaoghatho te keli na, toghodi keha naiknore mala athini karha na.