Ululahu Timoti 2:9 - Buka Blahi Ka Cheke Holo

⁹ Eghuteuna iara jaola magnahaghedi gaꞌasera mala pipichi pohe te nabadi, thosei fahaghe kmana nafnata pohe ba phoko te theome raꞌe doglo ka tathagna naikno na. Thosei flehi khakla ba lilisei gol ba buli siasigla ka pha'ure, ba ghathoni te mala pipichi pohe te foli ka sileni te biꞌo fara te mala fakhuakhudadi thedi.

Ululahu Timoti 2:9 ပူးပေါင်းရင်းမြစ်များ

Profet Jeremaea 4:30

Jerusalem, kate groꞌe na, unha nate eni iagho ginauna? Iagho pipichi ka pohe ukru nei lalaoni ka glepo teke hohoro ka gol. Eghuteuna peda fakeli tathamu na. Nafnata glalaoni igre theome mala togho ghami ghotilo. Naugna mae kherami fofodu ghotilora tirodi ghamihi ghotilo, eghuteuna gognarona mare magnahaghei fara te falehe ghami ghotilo na.

Nodi Khoje Hatimare Mae Jiu 149:4

Lord na keli tagna fara ka tahati, naugna igne mana ghatho tahu ghita tahati nogna naiknore mala uluni tahati u magra na.

Profet Isaia 3:16

Lord neke cheke eghu, “Gaꞌasedi Jerusalem igre thofno faghaja fara! Kate nolo tafri na, rehati filo haghe kligna balu sepe-sepe thinidire, eghuteuna kaflo gehe ka mae nalhaꞌure. Eghuteuna rehati solt sesele ka ghahedire mala taitanhi kate nolo tafri rehati re, mala filo lao mae nalhaꞌu tadi.

Profet Jeremaea 2:32

Ba, gaꞌase te jifla kokoni nogna suga na te mala tolaghi na, naꞌa tangomana te ghatho ihodi nogna famane pohe nei khome teure? Theo fara! Nu ghotilo nogu naikno iara gre, ghotilo ghatho iho ghau iara fabrahu.

Fapea Kings 9:30

Mae Jehu ne tei thoke Jesrel. Eghuteuna kate nomhini Kuin Jesebel nonomho igne, naꞌa ne lalaoni phei tathagna re, eghuteuna pore fakeli khaklagna re. Aonu naꞌa kegra ka wida gna nogna suga na ne filo soru ka nabrou biꞌo na.

Proveb 7:10

Gaꞌase igne lalaoni jateula thau vine eghu. Naꞌa jifla mei ne thafoni mana ne cheke famaemaheni mana.

Jenesis 24:53

Aonu mana ne hata fajifla thua nafnata glalaoni silva, gol nei famane pohe teure ne tusu lao ka Rebeka. Eghuteuna mana jaola ne tufa namha te biꞌo fara sileni dire ka kheragna nei idogna teu Rebeka re.

Profet Isaia 61:4

“Mare ginauna nake babana fapulo namono biꞌo teke diꞌa tifa ra, eghuteuna mare ginauna nake horo fapulo suga te gnafa teke goigoni mae naoka tifa ra.

Nogna Buka Esta 5:1

Esta ne theome ima nabagna thilo narane. Ka fatilo narane na Esta ne pipichi nogna pohe nafnakno Kuin na ne tei ka sugagna King. Naꞌa ruma haghe ka grengatha na khegra neu jare fei te gnokro figri lao teu King igne.

Proveb 31:22

Naꞌa horo famane pohe mala lalaoni ka sape, eghuteuna nogna pohe re famane pohe rija.

Matiu 11:8

Ba, neke tei filo unha? Filoni kaisei mae te pipichi famane pohe? Theo! Ihei te pipichi nafnata pohe tuare au ka nogna suga mae funei.

Proveb 31:25

Naiknore ghatho tahuni nei filo hagheni eghu naꞌa, eghuteuna naꞌa theome mhaghuni unha nate thoke mei ka nakarhagna na.

Ululahu Timoti 2:10

Nu rehati te leghuni chekegna God na mala fakhuakhudadi thedi kate eni unha gloku te keli na.