Ululahu Timoti 2:8 - Buka Blahi Ka Cheke Holo

⁸ Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Ululahu Timoti 2:8 ပူးပေါင်းရင်းမြစ်များ

Nodi Khoje Hatimare Mae Jiu 134:2

Ghotilo ruma mei ka nogna Sugablahi mana igne mala ngafa haghe khamemi are balu tharai nei kilo fnaknoni mana eghu.

Nodi Khoje Hatimare Mae Jiu 63:4

Iara ginauna na tegio nigho nei pala hagheni eghu nanghamu iagho na ghilei lehe. Iara ginauna na ngafa haghe phei khamegu gre mala tarai ari ka iagho.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Jemes 4:8

Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.

Luku 24:50

Mae Jisas ne batu fajifladi nogna mae fanomhore Jerusalem ne tei thoke Betani. Jare mana ne ngafa haghe khamegnare ne fablahidi mare.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Ululahu Pita 3:7

Eimi ghotilo mae te tolaghi ra, ghatho tahudi khetomire, naugna rehati theome heta jateula ghotilo eghu. Ghotilo ghatho tahudi reꞌe, naugna God neke tusu ranghidi la reꞌe nogna nhaꞌa cheke na, eigna ka nogna namha biꞌo mana na ginauna tusu ari u thofno nakarha te theo ka huigna ka ghotilo hui. Eghume te keli na ghotilo eni igne mala theome tangomana kaisei glepo te faroredi nomi tharai ghotilo re.

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Mae Khuru 10:4

Mae Konilias ne mhaghu fara ne filo tutu ka engel ne cheke eghu, “Unha sia Lord?” Engel ne cheke eghu ka mana, “God la nomhidihi nou tharai iagho ra, nei jaola filodihi unha te edi iagho te mala toghodi naikno te kuma ra.

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Ululahu Korin 7:7

Ka gaoghathogu iara na, iara magnahaghei ghami ghotilo hui te mala au jateula iara eghu mala theome tolaghi kolho. Nu God neke tusu ranghi ghita soasopai khokofakasai. Kaisei mae hata keha nafnata khokofakasai na, eghuteuna keha mae na hata keha nafnata khokofakasai na.

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Jone 4:21

Mae Jisas ne cheke eghu ka naꞌa, “Naikno biꞌo, fatutuanidi sagho te chekedi iara igre. Naugna ginauna thoke mei u narane nate theome ke pulo naiknore Jerusalem ba haghe ka thogele igne te mala tarai ka mae Mama na.

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Matiu 21:21

Mae Jisas ne cheke eghu ka mare, “Tutuani fara te chekeni iara ka ghotilo na. Te fatutuani ghotilo te theome ghatho peapea na, ghotilo ginauna tangomana te eni unha teke eni iara ka gaju igne. Eghuteuna ghotilo ginauna tangomana te edi glepo ke biꞌodi igrei. Ghotilo ginauna tangomana te cheke eghu ka thogele igne, ‘Kegra haghe tei krofu ka nhorora gno.’ Te fatutuani ghotilo na, thogele tuana na kegra tei krofu ka nhorora gno.

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Nodi Khoje Hatimare Mae Jiu 66:18

Nu jame te ghatho ihodi iara nakhibogure jateula te theo kolho nafudi teuna, God ginauna na theome fanomho ka nogu tharai iara re.

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Nodi Khoje Hatimare Mae Jiu 24:4

Uve, ihei te klino nakarhagna na te theome tapla jafra ka nakhibo na, ihei ngala te theome pogho soru ka mumuju, nei ihei ngala te theome nhaꞌa cheke chaichaghi teu igne ngala nafnata naikno te nabagna na.

Matiu 6:12

Hata fadeleidi tami thua glepo te diꞌa te kela fajafra dihi jateula ngau ghehati te hata fadeleidi unha najafra teke edi fadiꞌa ranghi ghami keha naiknore.

Proveb 21:27

God na tirognani nogna fafara mae te diꞌa na. Mana tirognani tulao jame te eni mana kate au mei gaoghatho te diꞌa na.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Nodi Khoje Hatimare Mae Jiu 35:13

Nu iara theome jateula mare eghu. Thono theo fara. Kate fogra mare na iara pipichi pohe thona nei theome ghamu eghu, fagaglanagna nogu diꞌanagnafa eidi mare na. Eghuteuna iara neke tore nigho iagho mala toghodi mare.

Ululahu Kings 3:11

Aonu God ne cheke eghu ka mana, “Iara keli tagu fara ka iagho, naugna iagho theome toreni nakarha brahu na, ba dedei na, ba te mala falehedi iara nou naokare. Nu iagho toreni kolho gaoghatho te keli na mala tangomana iagho te funei frunidi naiknore ka puhi te doglo.

Nodi Khoje Hatimare Mae Jiu 28:2

Fanomho mei sagho ka nogu tharai iara gre. Iara tanhi ka iagho mala togho mei ghau iara. Iara filo lao ka sugamu iagho te blahi na nei ngafa haghe khamegure ne tarai.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Filipae 1:12

Kheraguro, iara magnahaghei ghami ghotilo te lase fakelini unha te sosoloni iara gognaro gne mala toghoni te fateiteigna u Nonomho te Keli gne.

Ululahu Tesalonika 1:8

Kmana kmana naikno te au ka Provins Masidonia nei ka Provins Akaia nomhinihi u Nonomho te Keli eigna mae Jisas Kraes teke toutonuni ghotilo. Nu nonomho gna nomi fatutuani ghotilo ka God na jaola tei tongana heva heva. Eghume ghehati theome tangomana te cheke eigna nomi fatutuani ghotilo na.