Ululahu Timoti 2:4 - Buka Blahi Ka Cheke Holo

⁴ God magnahaghedi naikno te gnafare mala athini karha fei tifa na nei mala laseni u Nonomho te Keli te tutuani na.

Ululahu Timoti 2:4 ပူးပေါင်းရင်းမြစ်များ

Profet Esikiel 18:32

Iara Lord God theome magnahaghei te filoni te kafe lehe naiknore. Eghume, ghotilo thosei tapla jafra ka nakhibo mala karha!”

Fapea Pita 3:9

Keha naiknore ka gaoghathodire ne cheke eghu agne, “Tore, noda Lord gne theome leghuni kolho nogna nhaꞌa cheke na!” Nu Lord na theome jateula tuana eghu, naugna mana theome magnahagheni kaisei naikno te au ka glehe fei tifa na, nu mana magnahaghedi naikno te gnafa te mala tughu nagnafa mala ke figri mei ka mana. Eghume mana sasaꞌa te ofo ghami teu ghotilo na.

Profet Esikiel 18:23

Ba, iara Lord God kelitagu te filodi naikno te diꞌa gre te lehe na? Theo! Nu iara kelitagu te filodi teke figri leghu mare ka nakhibodi fateote'o mala ke karha.

Taetus 2:11

Naugna God ne fatakle ranghi ghita u nogna namha te biꞌo na, kate ke kuru meini mae Jisas Kraes kau nauthoglu igne. Mana neke hata meini u karha tuana mala kafe fakarhidi naiknogna nauthoglu gne.

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?

Fapea Timoti 2:25

Mana theome mala diꞌatagna kate farirhiudi iheire te theome kaisei gaoghatho ka mana re. Nu mana jame thoghei taegodi ka puhi te doglo, God glahula te tangomana te toghodi naikno tuare mala tughu nagnafa nei lase fakelini u thofno farirhiu te tutuani na.

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Thakle 14:6

Iara ne filoni keha engel na ne flalo kligna ka maloa na. Mana hata balugna u Nonomho te Keli te au fabrahu te tifa te tifa na mala toutonu ranghidi naikno te au ka kokholo te gnafa, ka vike te gnafa, ka cheke te gnafa, nei ka namono te gnafa ka nauthoglu gne.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Taetus 1:1

Ranghi nigho iagho ghema Taetus. Uve ghema, iara mae Pol nogna mae gloku God nei nogna mae khuru mae Jisas Kraes. Mae Jisas Kraes neke vahi ghau iara mala toghodi nei famane farirhiudi eghu naikno teke vavahi God re mala kotu biꞌo eghu nodi fatutuani na. Nu u gloku te eni iara igne farirhiudi naiknore u thofno farirhiu tutuani eigna God. Eghume, u farirhiu tutuani te eni iara igne toghodi fara naiknore mala leghudi mare u nafnata nakarha te magnahagheni God na.

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Fapea Timoti 3:7

Nafnata gaꞌase igre fariuriudi koba mala leghudi farirhiu majaghani igre, nu rehati theome tangomana te hatini kaisei glalase te keli eigna thofno cheke te tutuani na.

Luku 14:23

“Mae funei na ne cheke eghu, ‘Ke tei sagho ka nabrou ke kosi namono are ba ka nabrou ikodi ke mata are mala hata mei keha naikno mala fodu nogu suga gne.

Luku 1:77

Eghuteuna mala chekedi nogna naikno God re, God ginauna na fakarhidi kate hata fadelei nakhibodire.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Jone 17:17

Mama, fablahidi kau chekemu te tutuani fara.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Hibru 10:26

Tahati mala edi glepo igre, naugna tahati lasedi glepo te tutuanire. Eghume ihei te heta ka puhi te diꞌa na, ginauna theo kaisei fafara te tangomana nate atha kokodi nakhibognare.

Profet Habaku 2:14

Eghuteuna naikno te gnafa heva heva ka nauthoglu igne ginauna fodu ka nogna glalase nei nafnakno eghu Lord, jateula nhorora te fodu ka khoꞌura eghu.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Letas Teke Riso Tei Mae Pol Ka Khiloau Rom 11:14

Iara togho ghami naugna iara magnahaghedi mae kheragu Jiu gre te goghotu na mala tangomana keha ka mare te mei ka God te mala karha na.

Jemes 3:14

Nu jame kaisei mae ne lalasehi eghu ka gaoghathogna thegna na, eghuteuna fodu ka puhi goghotu nei fangiringiri ka kheragna fofodure, ba ghathoni kolho thegna teuna, mana theome mae glalase, nu mana kaisei mae chaichaghi kolho.

Fapea Jone 1:1

Iara mae mala baubatu khiloau, magnahaghei te riso ari letas igne ranghidi nakrupe vavahi nei goro thugna te thofno namhadi iara. Theome thegu iara ngala, nu naikno khiloau te gnafa te lasei u tutuani eigna mae Kraes te au balugu iara igre kafe namha ghami ghotilo.