Ululahu Timoti 2:3 - Buka Blahi Ka Cheke Holo

³ Tarai jateula igne teuna keli fara, eghuteuna God mae ihei teke fakarhi ghita na jaola keli tagna fara.

Ululahu Timoti 2:3 ပူးပေါင်းရင်းမြစ်များ

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Ululahu Timoti 1:1

Iara mae Pol, nogna mae khuru Jisas Kraes leghuni chekegna God mae Fakarhaida nei mae Jisas Kraes mae ihei te fatutuani ni tahati.

Ululahu Pita 2:20

Nu jame te para ghami mare eigna najafra teke eni ghotilo na, neubane kegra maku ghotilo ka narane tuana, tuana theo nafugna kolho. Nu jame te para ghami mare neubane eidi ngala ghotilo glepo te kelire, eghuteuna kegra heta ghotilo tagna teuna, God ginauna na fablahi ghami ghotilo eigna igne.

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Luku 1:47

Ka nagnafagu na iara thofno gleale'a fara naugna God neke fakarhi ghau iara.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Ululahu Timoti 5:4

Nu jame kaisei thau te lehe khetogna na au thugna ba gragna, ulu lahu na rehati leghu fakelini puhigna khiloau te doglo na mala toghoni tharaknagna thegna na, naugna God na keli tagna fara ka nafnata puhi igne. Kate eni igne, rehati ginauna foli fapulodi idodi ba kmadi nei kavedi ba ku'edi kani teke majaghanidi teku re.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Profet Isaia 45:21

Ghotilo mei mala chekedi ka iara nomi cheke re ke lamnagna fate igne. Ghotilo tangomana te kulu cheke ghu fari themi mala doglo ghu ka gaoghathomi re. Ihei teke chekedi glepo igre tifa na ame thoke mei nga teku na? Ba? Ghotilo theome laseni? Iara Lord! Iara God mae ihei te doglo fabrahu, eghuteuna iara fakarhi ghami ghotilo. Theo kaisei god ahevanga te jateula iara teuna!

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.