Ululahu Timoti 2:1 - Buka Blahi Ka Cheke Holo

¹ Glepo ulu lahu te toreni iara ka ghotilo naikno khiloau ra, iara magnahaghei ghami ghotilo te taraidi naikno te gnafa nei cheke fakelini God eidi mare. Eghuteuna toreni God mala toghodi iheire te au kokhonidi.

Ululahu Timoti 2:1 ပူးပေါင်းရင်းမြစ်များ

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Fapea Timoti 2:24

Te laseni tahati na, nogna mae gloku Lord na theome mala magra, nu mana mala keli ranghidi naikno te gnafare. Mana kaisei mae mala farirhiu, eghuteuna theome mala ghosei diꞌatagna.

Ululahu Timoti 2:4

God magnahaghedi naikno te gnafare mala athini karha fei tifa na nei mala laseni u Nonomho te Keli te tutuani na.

Filipae 1:3

Iara cheke fakelini God koba kate ghatho ghami ghotilo na.

Hibru 6:11

Ghehati magnahaghei ghami fara ghotilo hui te mala loku famaku ka nomi fatutuani na ghilei thoke mei narane leghu lahu na. Ka narane tuana ghotilo na athini unha teke ghatho branani ka nagnafami na. Thosei babaꞌo.

Taetus 3:2

Farirhiudi mala thosei cheke faparini ihei, nu te keli na au fodu kau pharikeli nei au faleghu, nei famane taegodi keha naiknore eghu.

Taetus 2:11

Naugna God ne fatakle ranghi ghita u nogna namha te biꞌo na, kate ke kuru meini mae Jisas Kraes kau nauthoglu igne. Mana neke hata meini u karha tuana mala kafe fakarhidi naiknogna nauthoglu gne.

Ululahu Timoti 5:5

Jame kaisei thau te lehe khetogna na au kolho thegna, eghuteuna theome toghoni thegna teuna, naꞌa na nhaꞌa lao nogna fatutuani te biꞌo na ka God, eghuteuna toreni nogna thotogho God na bongi narane.

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.

Mae Khuru 17:30

Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Ululahu Tesalonika 3:12

Iara toreni Lord mala fabruarani nei fathovuni nomi namha na fari themi nei naikno te gnafa jateula ghehati te namha ghami ghotilo.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Letas Teke Riso Tei Mae Pol Ka Khiloau Rom 1:8

Ulu lahu na, iara cheke fakelini God eimi ghotilo ka nanghagna mae Jisas Kraes. Naugna naikno kmana heva heva ka nauthoglu igne nomhini nomi fatutuani ghotilo na.

Nodi Khoje Hatimare Mae Jiu 72:19

Cheke fakelini nanghagna te fnakno tifa tifa. Nafnaknogna nogna nolaghi biꞌo God na mala tei posa ka namono te gnafa ka nauthoglu igne. Amen! Amen!

Fapea Korin 8:6

Mae Taetus neke fufunu gloku igne ke lamnami ghotilo mala salo keha sileni ka namha. Eghume ghehati toreni mana mala loku fahui gloku igne.

Efesus 3:13

Eghume iara magnahaghei te cheke faheta fara ka ghotilo, thosei glaꞌe kate filo ghau iara te au papara eimi ghotilo gne, naugna iara eni igne mala togho ghami ghotilo.

Esra 6:10

Ghotilo mala tusu lao ka mare glepo igre, mala tangomana mare te fafara lao ka God gna Kligna, eghuteuna mana ginauna kelitagna fara ka mare. Eghuteuna mare tangomana te tarai ka mana te mala fablahi ghau iara baludi thugu iara gre.

Profet Jeremaea 29:7

Iara neke kuru tei ghami ghotilo ka namono te au ghotilo tuana. Eghume, ghotilo loku heta mala toghoni namono biꞌo tuana mala au fakeli. Ghotilo mala tarai ka iara Lord, eghuteuna iara ginauna fablahini namono tuana. Naugna, jame te au fakeli ghotilo ka namono tuana na, ghotilo ginauna na jaola au fakeli nei jaola au nomi kmana glepo eghu.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.