Ululahu Timoti 1:9 - Buka Blahi Ka Cheke Holo

⁹ Jaola tahati laseni vetula na neke theome lilisei mala fadoglidi iheire te keli, nu mala fadoglidi iheire te huhughuni vetula na, iheire te eꞌei puhi diꞌa fabrahu, iheire te theome leghuni God, iheire te au ka puhi nakhibo, iheire te cheke faparini God ba iheire te cheke fadiꞌadi glepo te blahi re. U vetula na jaola mala fadoglidi iheire te falehedi idodi ba kmadi, ba aknu poruni ihei,

Ululahu Timoti 1:9 ပူးပေါင်းရင်းမြစ်များ

Galesia 3:19

Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore.

Ululahu Pita 4:18

U grioriso te blahi na cheke eghu, “Naikno te doglore kulu thafodi narane te ninhigrana tulao re ame tangomana nga God te fakarhidire eghu. Eghume naikno te theome leghuni God nei sneka ka nakhibo teure ginauna lehe tutuani fara.”

Letas Teke Riso Tei Mae Pol Ka Khiloau Rom 5:20

God neke tusu mei ka mae Moses u vetula na mala thofno laseni naiknore nodi najafra biꞌo na. Kate edi kmana najafra naiknore, nogna khokofakasai God na biꞌo ne salaꞌui ranghidi naiknore.

Galesia 5:23

amama nei thosei leghuni unha te magnahagheni thini kolho. Theo kaisei vetula te cheke faparidi naikno te edi glepo te keli igre na.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Letas Teke Riso Tei Mae Pol Ka Khiloau Rom 6:14

Nakhibo na theome tangomana te funei fruni ghami ghotilo te mala goigonidi nakarhamire, naugna ghotilo theome au ke parigna u nogna vetula mae Moses, nu ghotilo au ke parigna nogna khokofakasai God.

Letas Teke Riso Tei Mae Pol Ka Khiloau Rom 1:30

Mare tirodini God, nei cheke fadiꞌadi nanghadi keha naiknore, fahaehaghe nei fakliaklignadi thedi eghu kolho. Mare jaola ghathodi kmana nafnata puhi te mala eni unha puhi te diꞌa, nei theome ghatho tahudi idodi kmadire.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Ululahu Pita 3:20

Igre tharungadi naikno teke huhughu fara teke ofodi fabrahu teku God ka narane teke horo vaka mae Noa tifa ia. Kehaghu kolho, nhana naikno khaputudire teke fakarhadi God ka khoꞌu na.

Hibru 11:31

Kaisei gaꞌase vine, nanghagna na Rehab, neke fatutuani ni God. Naugna igne, kate grofo namono na, naꞌa neke theome lehe baludi naikno te tirodi leghuni God na. Naugna naꞌa neke taji fakelidi phei maedi Israel teke mei efra poru ka namono Jeriko.

Fapea Tesalonika 2:8

Ke leghugna igne, mae mala huhughuni vetula na ginau thakle mei. Noda Lord Jisas ginauna faleheni mae tuana ka phaphanga te jifla mei ka foflogna. Uve, ka narane pulo meigna mae Jisas na, nogna nolaghi biꞌo mae Jisas na ginauna siasigla mei mala roꞌeni mae tuana.

Letas Teke Riso Tei Mae Pol Ka Khiloau Rom 4:13

God nhaꞌa cheke ka mae Ebraham nei goro thugna na te mei ginau ke leghugna mana, u nauthoglu igne mala nodi mare. Nu God neke eni nhaꞌa cheke igne ka mae Ebraham theome eigna te eni mana unha te chekeni ka nogna vetula mae Moses na. Theo. Naugna mae Ebraham gne neke fatutuani ni God, God ne filo glanini mana jateula kaisei mae te doglo.

Matiu 10:21

“Naiknore ginauna snakre lao kheradi thedire ka mae naokare mala falelehe mare. Eghuteuna mae kmadire na eghu dila thudire, thudire na eghu dila kmadi nei idodi teure ka glehe.

Profet Esikiel 21:25

“ ‘Iagho king gna Israel! Iagho thono mae diꞌa fara! Nou narane leghu lahu iagho na agnehi gognarona, iara ginauna nhaꞌa ari papara biꞌo ke klignamu iagho.

Profet Jeremaea 23:11

Aonu Lord ne cheke eghu, “Hatimare mae profet nei hatimare mae pris teu igre mare jaola au fakhaba ka iara. Neuba mare ne au neu ke lamnagna nogu Sugablahi iara igne, mare eni ngala puhi te thono diꞌa fara na.

Proveb 30:17

“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.

Proveb 30:11

“Keha maere cheke fadiꞌadi idodi kmadi re.

Proveb 28:24

Ihei te blau nodi glepo idogna kmagna re, eghuteuna cheke eghu teuna, “Iara theome eni kaisei puhi te diꞌa.” Mae igne jateula naikno aknu poru eghu.

Proveb 28:17

Thosei toghoni ihei te nabagna te mala au papara na, naugna mana neke falehe naikno. Mana ginauna na theome au snoto ghilei lehe.

Proveb 20:20

Ihei te cheke fadiꞌadi idogna kmagna re, mana ginauna lehe, jateula juta te lehe ka vido te thono romno ra eghu.

Fapea Kronikols 32:21

Aonu, Lord ne kuruni kaisei engel mala aknu falehedi soldia te gnafa nei mae komanda di Asiria te au falithuini Jerusalem. Aonu king gna Asiria gne neke figri ka nogna kantri na, eghuteuna mana ne mamaja nogna fara ka tathadi nogna naiknore. Ke leghu, kate tei mana ka Sugablahi nogna god na, phei thugna mana re hata naflahi ne aknu faleheni mana.

Fapea Kings 19:37

Kaisei narane ke leghudi igre, King Senakerib ne tei tarai ka nogna Sugablahi god Nisrok, eghuteuna phei thugna mana igre, mae Adramelek ghe mae Saresa, ne aknu faleheni mana. Eghuteuna phiamare rikha ne tei Ararat ka nohi te khaba fara. Eghuteuna keha thugna mana, mae Esahadon neke king tughuni mana Asiria.

Fapea Samuel 16:11

Mae Devet jaola ne cheke eghu ka mae Abisae, nei ka hatimare mae biꞌo, “Mae thugu iara Absalom magnahaghei te falehe ghau iara, eghuteuna mae Simei vikegna mae Benjamin igne jaola magnahaghei te cheke fadiꞌa ghau iara! Ghotilo lisa lao mala lelheghu ka mana, glahula Lord snakreni mana mala cheke fadiꞌa ghau iara.

Diutronomi 27:16

“ ‘Puhi biꞌo ginauna thokeni ihei te theome ghatho tahudi idogna kmagna re, Lord ginauna parani mana.’ Eghuteuna naiknore ginauna cheke eghu, ‘Amen!’

Levitikas 20:9

“Jame kaisei naikno tibrini idogna ba kmagna na, ghotilo aknu faleheni mana, eghuteuna glehegna mana na najafra gna thegna.

Eksodas 21:14

Nu jame kaisei mae neke kulu ghathoni te mala aknu faleheni keha mae na, neuba mana ne rikha ne tei poru ka nogu olta iara na, ghotilo tei atha fajifla mala aknu faleleheni.

Eksodas 20:13

“Thosei aknu poruni ihei ka gaoghatho te diꞌa.

Ululahu Pita 2:7

Thina igne glepo ulu fara ka ghotilo naikno te fatutuani na. Nu ka naikno te theome fatutuani re, grioriso te blahi na cheke eghu, “U thina teke tirodini mae iheire te horo suga na, kela kegra haghe kaisei thina ulu fara ka suga na.”

Hibru 12:16

Thosei snakreni kaisei naikno te mala eni tafri puhi te diꞌa na ba mala jateu mae Iso teke theome ghathoni God tifa ia eghu. Mae Iso gne neke kulu karha mala khotodi nogna glepo mae kmagna re. Nu mana neke kafe fofoli fahui malagna kaisei vido gano kolho ka mae tahigna na.

Galesia 5:21

mamagna, koꞌu, ei gaghamu malagna puhi diꞌa nei keha nafnata puhi diꞌa jateula igre eghu. Iara gognaro na cheke faheta ka ghotilo jateula teke eni thegu ka ghotilo tifa ia eghu. Naikno te edi fabrahu puhi igre ginauna theome tangomana te au baludi naikno te funei frunidi God re.

Galesia 5:18

Nu jame snakreni ghotilo Tharunga te Blahi na te mala batu ghami fabrahu na, u vetula na ginauna theome tangomana te funei fruni ghami ghotilo na.

Ululahu Timoti 4:7

Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.

Ululahu Timoti 6:20

Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.

Fapea Timoti 2:16

Iagho figri lao thagrumu na ka nafnata cheke te diꞌa te theo nafudi tuare, naugna naikno te edi nafnata cheke tuare khogla eꞌei puhi kolho ranghidi keha naiknore mala tei kokoni God.

Fapea Timoti 3:2

Ka narane tuare naiknore ginauna ghathodi thedi kolho, nei magnahaghei sileni fara. Mare ginauna fahaehaghe nei fabiꞌobiꞌo fara, eghuteuna mare ginauna cheke fadiꞌadi keha naiknore. Mare ginauna theome leghudi idodi ba kmadire. Naiknore ginauna theome tegio ka God ba theome nafnata naikno God te magnahagheni.

Taetus 1:6

Igne u nafnata naikno te mala vavahi iagho te mala baubatu kau khiloau na. Nu mae ihei te vavahi iagho na, mana mala kaisei mae te thono keli fara puhigna na, nu naiknore theome tangomana te filo deni kaisei najafra ka mana. Mana jaola mala tolaghi ka kaisei gaꞌase kolho. Eghuteuna thugna mana re mala fatutuani ni mae Jisas Kraes. Theome mala eni kaisei puhi te diꞌa, ba lalama ba huhughudi idodi kmadire.

Taetus 1:10

Iara magnahaghe nigho te vahidi keha mae mala baubatu, naugna gognaro na kmana mae velepuhi chaichaghi au jare ka moumolu Krit. Mae velepuhi chaichaghi igre mare theome magnahaghei te leghuni chekegna ihei na, nu hatimare edi kmana thoutonu chaichaghi te theo nafudi kolho igre ranghidi naiknore. Kmana mae ka hatimare mae velepuhi igre mare au ka tothoghei mae te magnahaghedi naikno khiloau re te mala leghudi nodi vetula mae Jiu re.

Letas Teke Rioriso Mae Jud 1:15

Mana ginauna fatedi naikno diꞌa te gnafa ka nauthoglu gne, eghuteuna paradi fara naikno te theome leghuni mana re, naugna mare ne edi glepo te diꞌare nei cheke fadiꞌani mana.”