Ululahu Timoti 1:16 - Buka Blahi Ka Cheke Holo

¹⁶ Nu naugna igne God neke kokhoni ghau iara tulao mala tangomana mae Jisas Kraes te fatakle nogna namha biꞌo ranghi ghau iara na. Igne mala toghodi naiknore mala fatutuani ni mana thogheiro, nei mala athini u karha fei tifa na.

Ululahu Timoti 1:16 ပူးပေါင်းရင်းမြစ်များ

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Efesus 2:7

Eghume, gaoghatho teke eni mana igne tangomana te falase ghita tifa tifa nogna khokofakasai biꞌo nei nogna thotogho ka tahati naugna mae Jisas Kraes.

Luku 7:47

Uve, naikno biꞌo igne au kmana nakhibogna fara. Nu te chekeni iara ka iagho na, iara la hata fadeleihi nakhibognare. Naugna naꞌa ne namha ghau fara iara. Nu ihei te theome kmana nakhibogna te mala hata fadelei iara na, mana theome tangomana te namhadi fara keha naiknore.”

Fapea Pita 3:15

Noda Lord theome tangomana snakreni narane tuana mala ghosei mei naugna mana magnahaghei te fakarhi ghita kate hogri nagnafa tahati na. God neke batuni kherada mae Pol mala riso ari ka ghotilo nafnata gaoghatho igre.

Fapea Pita 3:9

Keha naiknore ka gaoghathodire ne cheke eghu agne, “Tore, noda Lord gne theome leghuni kolho nogna nhaꞌa cheke na!” Nu Lord na theome jateula tuana eghu, naugna mana theome magnahagheni kaisei naikno te au ka glehe fei tifa na, nu mana magnahaghedi naikno te gnafa te mala tughu nagnafa mala ke figri mei ka mana. Eghume mana sasaꞌa te ofo ghami teu ghotilo na.

Nodi Khoje Hatimare Mae Jiu 25:11

God, leghuni sagho nou nhaꞌa cheke na hata fadeleidi nakhibogu gre, naugna nakhibogu iara gre kmana fara.

Ululahu Pita 3:20

Igre tharungadi naikno teke huhughu fara teke ofodi fabrahu teku God ka narane teke horo vaka mae Noa tifa ia. Kehaghu kolho, nhana naikno khaputudire teke fakarhadi God ka khoꞌu na.

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Jone 6:54

Mae ihei te ghamuni thinigu iara na nei ko'uni dadaragu iara na teuna, mana athini karha fei tifa na. Iara ginauna fakarha fapuloni mana kau narane leghu lahu na.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Fapea Tesalonika 1:10

Kate mei ka narane biꞌo tuana, mana ginauna hata nafnakno ka nogna naikno blahire. Eghuteuna naikno teke fatutuani ni mana tuare ginauna kilo fnaknoni mana. Ghotilo ginauna au ke lamnagna tothoghei naikno fatutuani tuana, naugna ghotilo ne fatutuanidi unha te chekedi ghehati ra.

Efesus 1:12

Naugna igne, God neke vahi ghami ghehati mala fafnaknoni thegna ka iheire teke kulu fatutuani ni mae Kraes.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Fapea Korin 4:1

God kokhoni ghami ghehati neke tusu mei gloku blahi igne, eghume ghehati theome tangomana te babaꞌo ka gloku igne na.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Luku 23:43

Aonu, mae Jisas ne cheke eghu ka mana, “Tuani fara te chekeni iara ka iagho na, ka narane gognaro gne iagho balugu iara kligna.”

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Fapea Kronikols 33:19

Eghuteuna keha glepo la ngau teke edi Manase re, Hosae neke rioriso soru ka nogna buka na. Ka buka igne, au thoutonu eigna nogna tharai mae Manase nei nogna cheke tughu God ranghini mana. Eghuteuna ka buka igne jaola au thoutonu eidi glepo te diꞌa teke kulu edi mana re, nei thoutonu eidi puhigna mana te diꞌa re, nei thoutonu eidi vido aheva teke horo mana vido blahi re, nei thoutonu eigna mumuju gna god gaꞌase Asera nei keha mumuju god teke lisei haghe langau mana re eghu. Igre glepo teke edi mana ame nhaꞌa faparini nga thegna teku na.

Naba 23:3

Aonu mae Balam ne cheke eghu ka mana, “Kate tei iara kosi na, iagho na au agne rhedi nou fafara igre, jau na Lord ginauna mei mala thafo ghau iara. Unha glepo te chekedi mana re, iara nake mei cheke ka iagho.” Aonu mae Balam ne tei thegna ke holo ka vido te theo gaju nei buburu teu tagna na.

Eksodas 34:8

Moses ghosei ne pogho soru pari ne ghilei thoke ka glose ro tathagna nei foflogna teure, eghuteuna mana ne tarai ka Lord.

Ululahu Korin 7:25

Gognaro na iara cheke eidi iheire te theome tolaghi ra. Iara theo kaisei nogu vetula funu ka Lord eigna igne, nu iara na cheke arini gaoghathogu thegu na. Tutuani, ghotilo tangomana te rouronu ghau iara na, naugna Lord neke lolokeli ranghi ghau iara nei toghoni gaoghathogu na.