Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ululahu Timoti 1:11 - Buka Blahi Ka Cheke Holo

11 Tuana farirhiu leghuni u Nonomho te Keli God teke tusu mei ka iara mala toutonu iara. Nonomho te Keli igne siasigla balu nolaghi biꞌo neke mei funu ka God mae ihei te blahi fara.

အခန်းကိုကြည့်ပါ။ ကော်ပီ




Ululahu Timoti 1:11
25 ပူးပေါင်းရင်းမြစ်များ  

Theo fara. Mare filo glani eigna God neke tusu ranghi ghau iara gloku igne mala toutonuni Nonomho te Keli na ka naikno te theome Jiu. Eghuteuna God jaola tusu lao gloku ka mae Pita mala toutonuni Nonomho te Keli na ka mae Jiu.


Eghuteuna kate thokeni u thofno nogna narane thegna God na, mana ne fatakleni eigna u karha na kau nogna Nonomho te Keli te toutonuni iara ranghidi naikno te gnafa kau nauthoglu igne. Nu God noda mae Fakarhai na neke kuru ghau iara mala toutonuni u Nonomho te Keli igne ka naikno te gnafare.


God ginauna na fapulo meini mae Kraes ka narane mana thegna teke vahini. God na keli fara nei mana thegna ngala te au nolaghi biꞌo te mala funei frunidi gobigna lepo fateote'o ka nauthoglu gne. Mana ngala te King ke uludi mae King te gnafa nei Lord ke uludi mae funei te gnafa.


Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.


God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.


Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.


Taji fakelini famane farirhiu teke tusu ari God ka khamemu iagho ana. Mae Tharunga te Blahi te au ka tahati na mana ginauna togho nigho iagho mala eni igne.


God neke vahi ghau iara mala loku jateula kaisei mae khuru ba velepuhi mala toutonuni u Nonomho te Keli igne.


Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.


Naugna igne God neke vahi ghau iara mala loku jateu kaisei mae khuru mala toutonuni u Nonomho te Keli na ranghidi iheire te theome Jiu mala fatutuani nei laseni cheke te tutuani na. Iara cheke kate tutuani, theome chaichaghi!


Nu God neke fariuriu nei fatutuani ghami ghehati te mala toutonuni Nonomho te Keli gne. Kate toutonuni Nonomho te Keli na ghehati theome fariuriu mala keli tadi naiknore. Theo. Ghehati fariuriu mala keli tagna God, mae ihei te fariuriudi nagnafadare.


God neke vahi ghau iara kaisei mae gloku ka khiloau gne mala togho ghami ghotilo. Eghuteuna nogu gloku iara na mala thofno toutonuni chekegna mana na.


Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.


Eghume, gaoghatho teke eni mana igne tangomana te falase ghita tifa tifa nogna khokofakasai biꞌo nei nogna thotogho ka tahati naugna mae Jisas Kraes.


Naugna igne, God neke vahi ghami ghehati mala fafnaknoni thegna ka iheire teke kulu fatutuani ni mae Kraes.


Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.


Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.


Jame thegu iara kolho teke vahini gloku igne na meuna, iara jame tangomana te hata sileni eigna. Nu iara neke theome vahini, iara eni kolho unha God teke cheke ranghi ghau na.


“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”


Iara pogho soru nigho mala cheke fakelini nanghamu na ka sugamu te blahi igne, naugna iagho ne namha ghau iara nei theome ghatho ihoni nou nhaꞌa cheke na. Iagho neke togho ghami ghehati mala laseni nanghamu na nei chekemu eghu te nolaghi fara te salaꞌudi thua nafnotu fateote'o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ