Ululahu Tesalonika 5:6 - Buka Blahi Ka Cheke Holo

⁶ Eghume tahati thosei jateula keha naikno te thuru te theome lasedi glepo igre, nu tahati dofra nei reireghi fakeli ghita theda.

Ululahu Tesalonika 5:6 ပူးပေါင်းရင်းမြစ်များ

Ululahu Pita 1:13

Eghume gognaro na ghotilo tarabana fabrahu nagnafamire mala leghuni Lord nei filo fakeli eghu. Eghuteuna farerheta gaoghathomire ka glepo te keli God nate tusu ranghi ghami ka narane ke pulo meigna mae Jisas Kraes.

Matiu 24:42

“Eghume ghotilo tarabana fakeli nomi fabrahu. Naugna ghotilo theome laseni narane mala ke pulo meigna nomi Lord na.

Luku 22:46

Aonu mae Jisas mei ne cheke eghu ka mare, “Thuru unha si ghotilo ia? Dofra haghe mala tarai, mala theome khale ghami fariuriu.”

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Thakle 16:15

Aonu mae Jisas ne cheke eghu, “Fanomho fakeli! Tutuani, iara ginauna nake pulo mei ka ghotilo ka narane te theome ghathoni ghotilo na jateula kaisei mae te blau te mei ka narane te theome ghathoni naiknore. Mae ihei te tarabana teu teke pulo mei iara na, mana ginauna gleale'a fara kate filo ghau iara na. Mana jateula kaisei mae te ofoni teu ke pulo meigna mae kheragna na. Mana ginauna pipichi, dofrau nei gleale'a eghu kate filoni mana na. Jame te tarabana teu iagho teke pulo mei iara na, iagho na theome mamaja nou kate filo ghau iara na. Tutuani, iagho theome mamaja nou jateula iheire te soesole teu ka glalaba na ia eghu.”

Taetus 2:12

God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.

Thakle 3:2

Eghume, ghotilo ghaoghatho fakeli eghu mala funu leghu ghau iara fabrahu! Naugna iara lasedihi nomi gloku ghotilo re theome doglo ka tathagna nogu God iara na.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Ululahu Timoti 2:9

Eghuteuna iara jaola magnahaghedi gaꞌasera mala pipichi pohe te nabadi, thosei fahaghe kmana nafnata pohe ba phoko te theome raꞌe doglo ka tathagna naikno na. Thosei flehi khakla ba lilisei gol ba buli siasigla ka pha'ure, ba ghathoni te mala pipichi pohe te foli ka sileni te biꞌo fara te mala fakhuakhudadi thedi.

Proveb 19:15

Naikno te thodo te thuru fabrahu ka suga na ginauna theo gano.

Taetus 2:6

Nu iagho ginauna na jateula tuana eghu mala famane farirhiudi goro mae majaghani are mala reireghi fakelidi mare thedi nei au fakeli eghu.

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Luku 12:39

Nu ghotilo laseni igne, jame mae khotogna suga na laseni narane te mala meigna mae mala blau na, mana ginauna filo fakeli eigna mana theome snakreni nogna suga na mala ruma mana.

Matiu 25:13

Aonu, gnafa thonu tuana mae Jisas ne cheke eghu ka mare, “Eghume, ghotilo tarabana nomi koba. Naugna ghotilo theome laseni narane mala ke pulo meigu iara na.”

Matiu 25:5

Uve, mae tholaghi igne ne theome ghosei mei. Eghuteuna rehati kafe thuru doka ne ghilei thuru iho.

Matiu 13:25

Ka vido thuru teu naiknore, nogna mae naoka mana na tei ka nagare na ne joꞌu sisi sokiaro ke lamnadi wit igre. Eghuteuna gnafa teuna ke tei nogna.

Profet Jona 1:6

Kate filoni mana na, kapten ne cheke eghu fabiꞌo ka mana, “Sei! Thuru unha sagho ia? Dofra, tarai balu eha fabiꞌo ka nou god na! Glahu kokhoni ghita mana, eghuteuna tahati ginauna theome lehe.”

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Ululahu Timoti 3:11

Jateula tuana eghu khetogna na, naꞌa mala baubatu nila nakarha te keli na, eghuteuna naꞌa theome mala vuavuha chekedi keha naiknore, nu naꞌa mala reireghi fakelini thegna. Eghume naꞌa mala nafnata gaꞌase tahati te ghatho tahuni fabrahu.

Ululahu Tesalonika 5:8

Nu tahati nogna narane. Eghume tahati reireghi fakeli ghita theda. Noda fatutuani nei noda namha ranghini God jateula noda greoreo, nei noda grouronu te mala hatini tahati u karha fei tifa na jateula noda khepi eghu.

Filipae 4:5

Kafe lolokelidi naikno te gnafare, naugna Lord na la namo meihi.

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Mae Khuru 20:31

Eghume fiofilo ghami eghu ghotilo ia! Jaola, ke ghathoni igne eghu, thilo finogha iara neke cheke faheta nei farirhiu ghami ghotilo bongi narane balu tanhi.

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Nonomho Te Keli Teke Risoi Mae Mak 13:37

Eghume unha te chekeni iara ka ghotilo gognaro gne iara na chekeni la ka naikno te gnafare. Fiofilo fakeli ghotilo ia!”

Matiu 26:38

Mana ne cheke eghu ka mae Pita nei phei thugna mae Sebedi, “Iara gne biꞌo fara ka diꞌanagnafa, eghuteuna iara la namo lehe ka igne. Ghotilo au agne mala dofra balugu iara.”

Profet Isaia 56:10

Nodi lida mae Israel igre jateula mae sekiuriti te dofu nei iho teura eghu, naugna mare theome kulu chekedi nogu naikno iara re. Mare theome laseni kaisei glepo. Mare jateula khuma te fnotho foflogna na te theome eha kate mei mae te blau ra eghu. Mare jateula mae te thuru teura eghu kolho. Mare kelitadi kolho te mala koꞌu na.

Ululahu Timoti 2:15

Nu God ginauna fakarhidi gaꞌasere kate fakarha sua na. Tutuani, God ginauna fakarhidi reꞌe eghu te fatutuani fabrahu, namha, klino, nei au fakeli fabrahu teu reꞌe ka nakarhadire.

Efesus 2:3

Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.

Ululahu Tesalonika 4:13

Kheraguro, ghehati magnahaghei ghami ghotilo te thofno lasedi iheire tela lehehi ra. Ghehati theome magnahaghei ghami ghotilo te diꞌanagnafa eidi iheire tela lehehi jateula naikno te diꞌanagnafa te theome fatutuani ni mae Jisas.

Ululahu Tesalonika 5:10

Mae Jisas neke lehe eida tahati mala tangomana tahati te karha balugna mana tifa tifa, neubane karha neu ba lehehi kate mei mae Jisas na.