Ululahu Tesalonika 5:4 - Buka Blahi Ka Cheke Holo

⁴ Nu kheraguro, ghotilo theome au kate romno. Eghume narane tuana ginauna theome farhani ghami ghotilo jateula kaisei mae te mei ka suga na te mala blau.

Ululahu Tesalonika 5:4 ပူးပေါင်းရင်းမြစ်များ

Ululahu Jone 2:8

Neuba, vetula igne majaghani fabrahu, jateula te filonihi ka mae Jisas Kraes nei ka ghotilo. Naugna gromno na sala'u ari, eghuteuna thofno naphae na la siasigla mei.

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Profet Sekaraea 1:6

Nu gobigna lepo teke cheke lao iara ka nogu mae profet tifa, mala cheke ka kuꞌemi ghotilo tekura, mare neke tirodi fanomho ka nodi cheke mare igre. Eghuteuna ka puhi igne, iara neke paradi mae kuꞌemi ghotilo ra. “Aonu mare lilisei puhidi mare te diꞌa igre, eghuteuna neke cheke eghu, Lord mae ihei te au nolaghi fateote'o igne, mana doglo kolho te para ghita tahati eidi puhida tahati te diꞌa re. Glepo igre, mana neke ghathodihi mala thoke mei tekuna, eghuteuna glepo igre la thoke meihi ne horoghoto ka unha teke chekeni mana na.”

Profet Hosia 10:9

Lord ne cheke eghu, “Naikno igre tapla jafra ka nakhibo funu ka namono Gilead ghilei mei posa ka narane gognarogne. Naikno igre theome gnafa te eni puhi te diꞌa na ranghi ghau iara. Gognaro na mare theome tughu nagnafa kolho. Naugna igne, kaisei magra biꞌo ginauna posa mei ka mare jateula teke eni ka mae kuꞌedi ka namono Gilead tifa ia eghu.

Profet Jeremaea 42:16

magra te mhaghuni nei narane theo gano te tiromidi ghotilo igre ginauna mei thoke ka ghotilo ka namono tuana, eghuteuna ghotilo te gnafa na ginauna kafe lehe.

Diutronomi 28:45

“Jame te tiromi fanomho ghotilo ka Lord nomi God eghuteuna theome leghudi cheke nei vetula eghu teke tusu ari mana ka ghotilo igre teuna, puhi biꞌo te gnafa igre ginauna thoke ghami ghotilo ghilei kafe lehe fahui ghotilo.

Diutronomi 28:15

Mae Moses ne cheke eghu, “Nu jame te tiromi fanomho ghotilo ka Lord nomi God, eghuteuna theome leghu fakelidi nogna cheke nei vetula teu mana te tusu ari iara ka ghotilo gognaro igre na, mana ginauna edi puhi biꞌo igre mala thoke ghami ghotilo:

Diutronomi 19:6

Jame kaisei namono kolho ghotilo te mala poru na, eghuteuna khaba fara te mala ghosei te tei thoke ka namono mala poru igne, kheragna mae te lehe igne na hironi mae igne ghilei thokeni mana. Eghuteuna ke tughu fapulo glehe igne naugna mana thono diꞌatagna fara. Nafnata puhi igne theome doglo, naugna mae igne theome ghathoni te mala diꞌatagna na nei theome ghathoni kolho te mala faleheni mae kheragna na.

Thakle 3:3

Eghume thosei ghatho ihodi famane cheke teke farirhiu mare ka ghotilo ra. Ghotilo famane leghu fakelidi, nei lilisei puhimi te diꞌare eghu. Nu jame te theome ghaoghatho fakeli ghotilo na, iara ginauna ari posa ka ghotilo. Ghotilo ginauna theome laseni niha nau na teke mei iara na, naugna iara ginauna mei jateula kaisei mae te mala mei blau ia eghu.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Ululahu Tesalonika 5:2

Ghotilo thofno laseni fara eigna theo kaisei naikno te laseni. Narane mala ke pulo meigna Lord tuana ginauna farhanidi naikno jateula kaisei mae blau te mei bongiro ia eghu.

Thakle 16:15

Aonu mae Jisas ne cheke eghu, “Fanomho fakeli! Tutuani, iara ginauna nake pulo mei ka ghotilo ka narane te theome ghathoni ghotilo na jateula kaisei mae te blau te mei ka narane te theome ghathoni naiknore. Mae ihei te tarabana teu teke pulo mei iara na, mana ginauna gleale'a fara kate filo ghau iara na. Mana jateula kaisei mae te ofoni teu ke pulo meigna mae kheragna na. Mana ginauna pipichi, dofrau nei gleale'a eghu kate filoni mana na. Jame te tarabana teu iagho teke pulo mei iara na, iagho na theome mamaja nou kate filo ghau iara na. Tutuani, iagho theome mamaja nou jateula iheire te soesole teu ka glalaba na ia eghu.”