Ululahu Tesalonika 5:12 - Buka Blahi Ka Cheke Holo

¹² Uve kheraguro, ghehati gognaro na tore ghami ghotilo mala ghatho tahudi naikno te loku heta balumi ghotilo, iheire God teke vahidi mala reireghi ghami nei farirhiu ghami eigna nakarhagna khiloau na.

Ululahu Tesalonika 5:12 ပူးပေါင်းရင်းမြစ်များ

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Hibru 13:7

Thosei ghatho ihodi iheire teke kulu batu ghami tifa ra, mae igre neke toutonuni chekegna God na ka ghotilo. Ghathodi unha teke edi mare te ghilei lehe ra, nei jaola leghu fakelini nodi fatutuani na.

Ululahu Korin 16:18

Thilomare faglealeꞌa ghau iara jateula mare teke faglealeꞌa ghami ghotilo tifa ia eghu. Ghotilo mala ghatho tahudi nafnata mae igre.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Taetus 1:3

Eghuteuna kate thokeni u thofno nogna narane thegna God na, mana ne fatakleni eigna u karha na kau nogna Nonomho te Keli te toutonuni iara ranghidi naikno te gnafa kau nauthoglu igne. Nu God noda mae Fakarhai na neke kuru ghau iara mala toutonuni u Nonomho te Keli igne ka naikno te gnafare.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 3:9

Eigna ghepa kafe loku ranghini God ngala te mala togho ghami ghotilo, eghuteuna ghotilo jateula nogna nagare eghu mana. Eghuteuna ghotilo jaola jateu kaisei suga teke horo God eghu.

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Luku 10:7

Ghotilo au kmu ka sugadi naikno teke hata pharikeli tuana. Eghuteuna ghotilo ima nei koꞌu eghu unha te tusu ranghi ghami naiknore, naugna mae ihei te loku na, mana nabagna te hata nogna taba na. Thosei leuleghu suga.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Fapea Timoti 2:6

Jaola, mae ihei te loku heta ka nogna nagare na, mana ginauna kulu hata ghegna gano ka teke joꞌu thegna re.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Filipae 2:16

Naugna ghotilo mala toutonu eigna u thofno karha na ranghidi. Eghuteuna te eni ghotilo igne na, iara ginauna gleale'a fara ka narane nate ke pulo mei mae Kraes na. Naugna igne u fagaglana gna te theome fiti loku kolho iara kate theo nafugna na.

Galesia 4:11

Iara thofno nanga nogu ghami ghotilo, na eghunu fiti fagloku biꞌo ghau thegu kolho iara ka ghotilo eghu.

Fapea Korin 11:23

Mare chekeni koba ne nogna mae gloku Kraes teuna, nu iara jaola nogna mae gloku keli Kraes uludi mare eghu. Iara cheke fara jateu kaisei mae te fameomekro eghu tutuani! Iara loku heta ke tulaodi marei. Iara au ka suga sosolo kmana fata ke tulaodi marei. Naiknore puri ghau ke tulaodi marei. Iara namo lehe kmana fata ke tulaodi marei.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Fapea Korin 5:9

Nu igne kaisei glepo te ulu na, neuba tahati ne au ka nauthoglu igne ba namono kligna, tahati magnahagheni Lord te gleale'a ka unha te edi tahatire.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Thakle 3:1

Mae igne neke cheke eghu, “Iagho rioriso tei kaisei letas ranghini engel ka khiloau Sadis, eghuteuna iagho cheke eghu: Igne nogu cheke iara mae ihei te au fitu tharunga te keli nogna God, baludi fitu nathunure. Iara lase ghamihi ghotilo, neuba naiknore ne chekeni ne karha neu ngala ghotilo teuna, iara lase ghami ghotilo gognaro na jateu tela lehehira eghu.

Thakle 2:18

Mae igne neke cheke eghu ka iara, “Iagho rioriso tei kaisei letas ranghini engel gna khiloau Taetira, eghuteuna iagho cheke eghu ka mana: Igne nogu cheke iara mae Thugna God na. Tathagu iara re jateula khaꞌaghi te ngaja ia eghu, eghuteuna ghahegu iara re siasigla jateula bras eghu.

Thakle 2:12

Mae igne ne cheke eghu ka iara, “Iagho rioriso tei kaisei letas ranghini engel gna khiloau Pegamum, eghuteuna iagho cheke eghu ka mana: Igne nogu cheke iara mae ihei te au naflahi te fnonu piepile na.

Thakle 2:8

Mae igne ne cheke eghu ka iara, “Iagho rioriso kaisei letas ranghini engel gna khiloau Smana, eghuteuna iagho cheke eghu ka mana: Igne nogu cheke iara mae ihei te kulu au neke vuavuha nga gobigna lepore nei au fabrahu kate ari te gnafadi gobigna lepore. Tutuani, tifa na iara neke lehehi, nu gognaro na iara kela karha fapulo.

Thakle 2:3

Iara jaola lase ghami ghotilo te thofno kegra heta na, nei theome ke blela, neuba naiknore ne para ghami naugna ghotilo ne leghu ghau iara.

Ululahu Tesalonika 2:9

Uve, kheraguro, ghotilo lase ghamihi ghehati loku heta fara bongi narane mala foli unha te nabami themi. Naugna ghehati theome magnahagheni te eni kaisei puhi biꞌo ka ghotilo kate toutonuni Nonomho te Keli gne.

Jone 4:38

Na jateula tuana eghu iara na kuru fajifla ghami ghotilo mala tei salo gano ka nagare aheva ghotilo teke theome kmusa ka joꞌu gna na. Keha naikno delei teke kmusa ka joꞌu gna na, eghuteuna u nodi nakmusa mare na mala togho ghami ghotilo.”

Taetus 2:15

Uve, iara magnahaghe nigho te farirhiudi naikno khiloaure u glepo te chekedi iara ka iagho igre. Iagho au nou nolaghi te mala toghodi mare te mala leghudi u farirhiu igre, nu ne theome leghudi nga mare u farirhiu igre nu chekedi iagho ka mare unha glepo te keli te mala edi mare re eghu. Iagho eni igne ka puhi te mala theome tangomana kaisei naikno te filo fapari nigho na.

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.

Ululahu Timoti 5:1

Kate fadoglini kaisei mae tela kueku'ehi na, iagho thosei cheke fabiꞌo ka mana. Nu iagho famane cheke ranghini mana jateula te cheke ka mae kmamu themu eghu. Fadoglidi hatimare mae majaghani jateula thabusigna eghu,

Filipae 2:19

Jame te nogna magnahaghei thegna noda Lord Jisas Kraes na, iara ginauna ghosei kuruni mae Timoti mala ari sigho ghami ghotilo. Mana ginauna toutonu ranghi ghau iara keha famane thoutonu eimi ghotilo eghuteuna iara ginauna thofno gleale'a fara kate ke pulo mei mana ka iara na.

Letas Teke Riso Tei Mae Pol Ka Khiloau Rom 16:6

Ghotilo kubaeni Meri, naꞌa loku heta te mala togho ghami ghotilo na.

Letas Teke Riso Tei Mae Pol Ka Khiloau Rom 16:12

Ghotilo kubaedi Traefina ghe Traefosa eigna repa loku heta ranghini Lord. Eghuteuna ghotilo kubaeni kheragu iara Pesisi, eigna naꞌa kaisei gaꞌase te loku heta fara ranghini Lord.

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.