Ululahu Tesalonika 4:6 - Buka Blahi Ka Cheke Holo

⁶ Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Ululahu Tesalonika 4:6 ပူးပေါင်းရင်းမြစ်များ

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Letas Teke Riso Tei Mae Pol Ka Khiloau Rom 12:19

Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Eksodas 20:17

“Thosei mamagnani nogna glepo ihei. Thosei mamagnadi nogna suga, khetogna, nogna naikno gloku, nogna buluka, nogna dongki ba keha glepo la ngau eghu teke nogna mana re.”

Letas Teke Riso Tei Mae Pol Ka Khiloau Rom 1:18

Diꞌatagna God na thakle mei kligna. Mana ginauna fatedi naiknore eidi nakhibo te gnafa nei nafnata glepo te jafra te gnafa eghu te edi mare re. Naugna nafnata puhi te edi mare igre fanograni chekegna God te tutuani na.

Proveb 28:24

Ihei te blau nodi glepo idogna kmagna re, eghuteuna cheke eghu teuna, “Iara theome eni kaisei puhi te diꞌa.” Mae igne jateula naikno aknu poru eghu.

Eksodas 20:15

“Thosei blau.

Jemes 5:4

Fanomho mei ka iara ghotilo ia! Igne keha fagaglana eigna puhi te salo fodu sileni ghotilo malami themi kolho na. Ghotilo chaghidi nei theome tabadi eghu kolho nomi mae glokure. Eghuteuna God mae ihei te nolaghi na ngala te nomhidi nodi natanhi nei diꞌanagnafa teu nomi mae gloku ghotilo re.

Jemes 2:6

Nu ghotilo ne filo faparidi iheire te kumare. Mae iheire igre te edi puhi diꞌa ka ghotilo, te hata ghami ghotilo ka fate na? Naikno te kuma gre? Theo! Naikno te dedei gre!

Galesia 5:21

mamagna, koꞌu, ei gaghamu malagna puhi diꞌa nei keha nafnata puhi diꞌa jateula igre eghu. Iara gognaro na cheke faheta ka ghotilo jateula teke eni thegu ka ghotilo tifa ia eghu. Naikno te edi fabrahu puhi igre ginauna theome tangomana te au baludi naikno te funei frunidi God re.

Letas Teke Riso Tei Mae Pol Ka Khiloau Rom 13:4

Naugna mae biꞌo ka gavman tuana nogna mae gloku God mala edi glepo te kelire ranghi ghami ghotilo. Nu jame te edi ghotilo glepo te diꞌare, ghotilo naba te mala mhaghuni mae biꞌo tuana, naugna mana theome mala fiti hata nolaghi kolho. Mana nogna mae gloku God, mana tangomana te paradi naikno te edi glepo te diꞌare mala falalaseni God te diꞌatagna ka mare.

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Esikiel 22:13

“ ‘Eghume iara ginauna fakakhana te diꞌatagu fara ka ghotilo na, naugna ghotilo ne chaghidi koba nei aknu falehedi koba neu naiknore ke lamnagna namono igne.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.

Efesus 4:17

Ka nanghagna Lord, iara magnahaghei te cheke heta ka ghotilo, thosei au fabrahu jateula naikno te theome fatutuani ni God eghu. Gaoghathodire theo nafudi kolho.

Nonomho Te Keli Teke Risoi Mae Mak 10:19

Uve, iagho la lasedihi vetulara, ‘Thosei tolaghi pedo. Thosei falehe naikno. Thosei blau. Thosei chaghi eigna kaisei mae kau fate. Thosei chaghi mala blau. Ghatho tahudi idomu kmamure.’ ”

Profet Sefanaea 3:5

Nu Lord mae ihei te au teu Jerusalem igne, mana eni unha te doglo na. Mana theome tangomana te eni unha te diꞌa na. Leuleghu narane na mana eni koba unha te keli na ranghidi nogna naiknore. Neuba, naikno te au ka namono igne theome mamaja te edi puhi te diꞌare.

Profet Sefanaea 3:1

Jerusalem! Iagho ginauna groꞌe theo tokamu! Naugna puhidi naikno igre jateula chara eghu, eigna mare ne huhughu nei goigonidi neu naiknore.

Profet Jeremaea 9:4

Ghotilo naiknora filo fakelidi kherami themi are! Glahula roghe poru ghami mare te mala mei te goigonini ghami ghotilo na! Theo kaisei naikno te fatutuani ni kheragna thegna na, naugna kherada theda igre jateula mae Jekop eghu chaichaghi ghita koba.

Profet Jeremaea 7:6

Ghotilo thosei faparini ihei te mei funugna ka kantri delei te mei au balumi ghotilo, baludi goro sua tela lehehi idodi ba kmadi, nei baludi goro naikno biꞌo tela lehehi khetodire. Ghotilo thosei faleheni ihei te theome eni kaisei najafra. Ghotilo thosei tarai ka mumuju god, naugna nafnata puhi igne ginauna goigoni ghami ghotilo.

Profet Isaia 5:7

Tutuani, nogna nagare grep Lord mae ihei te au nolaghi fateote'o igne, naiknodi Israel. Uve, ghotilo naiknomi Juda igre jateula kaisei nagare te thono magnahagheni fara ia eghu. Lord na thono rouronu fara ka ghotilo te mala fatedi keha naiknore ka puhi te doglo, nu ghotilo falehedi koba naiknore. Mana rouronu ka ghotilo te mala leghuni puhi te doglo na, nu ghotilo paradi koba naiknore eghu.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Proveb 20:23

Lord na theome gle'ani te skel chaichaghi na. Mana tirognani nafnata skel te diꞌa igne.

Proveb 20:14

Kate foli mana kaisei glepo na, mana na khuru cheke fara gna glepo te haghe fara igne. Nu kate folini na, mana ne cheke fahaehagheni fara eigna glepo igne ka mae kheragnare naugna ne pari fara foli gna na.

Proveb 11:1

Lord theome magnahaghedi naikno te skel chaichaghi na. Nu mana keli tagna ka naikno te skel fadoglo na.

Nodi Khoje Hatimare Mae Jiu 140:12

Lord God, iara lase nigho iagho te toghodi iagho naikno te kumare, nei tusu ranghidi unha te nabadi.

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Diutronomi 24:7

“Jame kaisei mae lokini mae kheragna na eghuteuna huhuruni mana mala nogna naikno sneka, ba foli mala kaisei nogna sneka, te eghuna, ghotilo aknu falehe mae igne. Ghotilo aknu falehe mae igne mala koko puhi te diꞌa igne ka ghotilo.

Levitikas 25:17

Ghotilo thosei chaichaghi fari themi. Nu ghotilo mala ghatho tahu ghau iara naugna iara Lord, nomi God ghotilo.”

Levitikas 25:14

“Eghume, jame ihei ka ghotilo magnahaghei sabiri glose ka keha mae na, ba foli glose eghu, ghotilo thosei chaghi fari themi.

Levitikas 19:13

“Eghuteuna ghotilo thosei chaghi tafrini ba blauni kherami na. Eghuteuna kate hata ghotilo kaisei te mala edi nomi gloku re, ghotilo mala thosei toki au nogna taba mana na ghilei thokeni keha narane na. Ghotilo mala folini mana ka narane teke loku mana tuana la.

Levitikas 19:11

“Ghotilo thosei blau, ba thosei chaghi tafridi keha kherami re.

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Profet Maeka 2:2

Kate magnahagheni nogna glose keha mae na, ghotilo tei atha kolho. Eghuteuna kate magnahagheni nogna suga keha mae na, ghotilo jaola tei atha. Ka puhi igne, ghotilo blaudi kolho nodi glepo naiknore, eghuteuna keha fatare ghotilo jaola blaudi tharaknadi mare re.

Proveb 16:11

Lord magnahaghei ghita tahati te famane skel fakeli, eghuteuna thosei skel chaghidi naiknore.

Luku 16:28

Iara au glima mae thabusigu jare. Mae Lasaros tangomana te kulu cheke ka mae thabusigu iara ra mala doglo mare puhidire, na eghunu mei mare ka namono te kakhabruana igne eghu.’

Fapea Korin 7:11

Kate ghathoni ghotilo unha te diꞌanagnafani ghotilo na, ghotilo lasenihi puhi tuana mei ka ghotilo leghuni unha te magnahagheni God na. Tutuani, puhi tuana togho ghami ghotilo mala fariuriu fara te eni glepo te keli na. Diꞌanagnafa tuana jaola tangomana te falalaseni te theome jafra ghotilo na, nei falalase diꞌatami na ka mae ihei te eꞌei puhi na. Puhi tuana neke togho ghami mala mhaghuni God, mala magnahaghei fara te filo ghau iara, mala au nomi gaoghatho faheta ka God, nei mala fateni ihei te tapla jafra. Ka gobigna lepo te edi ghotilo re, ghotilo neke falalasenihi te theome jafra ghotilo ka puhi igne na.

Ululahu Tesalonika 2:11

Jateula tuana, ghotilo laseni, ghehati sopa togho ghami ghotilo jateula kaisei mae te toghodi goro thugna.

Hibru 2:6

Tahati laseni igne naugna ka u grioriso te blahi na kaisei mae ne cheke eghu ka God, “God, iara theome laseni ghaoghathogna te ghatho tahudi nei mei toghodi teu iagho naikno kolho gre.