Ululahu Tesalonika 4:1 - Buka Blahi Ka Cheke Holo

¹ Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Ululahu Tesalonika 4:1 ပူးပေါင်းရင်းမြစ်များ

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Ululahu Tesalonika 3:12

Iara toreni Lord mala fabruarani nei fathovuni nomi namha na fari themi nei naikno te gnafa jateula ghehati te namha ghami ghotilo.

Filipae 3:14

Iara faheaheta fara mala hata u taba igne. Naugna mae Jisas Kraes, God kilo ghau iara mala tei ka mana kligna nei au fabrahu balugna mana jare. Eghume tuana ngala nogu taba iara na.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Fapea Tesalonika 3:1

Uve kheraguro, tarai ghami mala tangomana chekegna Lord na mala ghosei tei ka namono te gnafa heva heva, eghuteuna naiknore ginauna tangomana te nomhini nei ghatho tahuni eghu farirhiu tuana, jateula teke enihi ka ghotilo ia eghu.

Fapea Tesalonika 2:1

Uve kheraguro, ghehati magnahaghei te cheke ka ghotilo eigna narane meigna noda Lord Jisas Kraes mala salo fodu ghita balugna.

Kolose 2:6

Ghotilo hatahi mae Jisas Kraes jateula nomi funei eghu, eghume ghotilo mala leghuni fabrahu puhigna mana na.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Nodi Khoje Hatimare Mae Jiu 92:14

Neuba mare ne kueku'ehi, mare ginauna heta fabrahu jateula gaju gna tifa te maku karha te ure teura eghu.

Ululahu Tesalonika 4:2

Eigna ghotilo lasedihi farirhiu teke tusu ari tami ka nogna nolaghi noda Lord Jisas.

Fapea Korin 5:9

Nu igne kaisei glepo te ulu na, neuba tahati ne au ka nauthoglu igne ba namono kligna, tahati magnahagheni Lord te gleale'a ka unha te edi tahatire.

Letas Teke Riso Tei Mae Pol Ka Khiloau Rom 8:8

Eghuteuna iheire te leghudi puhidi te diꞌare, God na theome keli tagna ka mare.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Hibru 13:22

Kheraguro, iara tore ghami ghotilo fara mala fanomho mei ka nogu farirhiu iara igre. Naugna letas teke rioriso iara igne theome brahu kolho.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Efesus 5:17

Thosei fanolini nakarhami na, nu fariuriu mala filo glanini unha Lord te magnahaghei eni iagho na.

Efesus 4:20

Nu theome nafnata puhi tuana teke farirhiu ghami te mala leghuni Kraes na eghu. Theo.

Fapea Korin 10:1

Keha naikno ka ghotilo cheke eghu, “Kate au teu delei na mae Pol gne cheke faheta fara ka tahati, nu kate mei agne na mana mhaghu te cheke fabiꞌo na!” Fanomho ka iara. Uve, Kraes na mae keli, eghuteuna mana theome ghosei diꞌatagna. Iara leghuni puhigna mana na. Eghume te chekeni iara ka ghotilo na,

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Ululahu Korin 15:1

Gognaro na, kheraguro, iara magnahaghe ghami ghotilo teke ghatho fapuloni u Nonomho te Keli teke toutonunihi iara ka ghotilo ia. Ghotilo neke hata balu gleale'a, eghuteuna nomi fatutuani ghotilo re kegra maku tagna.

Ululahu Korin 11:23

Farirhiu teke hata iara ka Lord na tela tusu arihi iara ka ghotilo ana. Tutuani, ka bongi mae Judas teke snakreni Jisas ka khamedi mae naokare, Lord Jisas neke hata bret na,

Mae Khuru 20:27

Naugna iara la chekedihi ka ghotilo gobigna lepo te magnahaghedi God te mala lasedi ghotilo re.

Fapea Timoti 4:1

Iara cheke fajiflani cheke igne ka ghotilo ke ulugna God nei ke ulugna mae Jisas Kraes. Mana ginauna fatedi naikno te gnafa te karha nga teu ba tela lehehi. Naugna mae Kraes ginauna nake pulo mei mala funei frunidi jateula mae King eghu tifa tifa, iara cheke heta ka iagho

Ululahu Timoti 5:21

Iara cheke faheta ka iagho ke ulugna God nei Jisas Kraes nei hatimare mae engel te blahi, iagho mala famane leghudi cheke igre. Eghuteuna kate leghudi cheke igre, iagho thosei filo ka tatha me vahini kolho mae ihei te magnahagheni themu na.

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Ululahu Tesalonika 5:12

Uve kheraguro, ghehati gognaro na tore ghami ghotilo mala ghatho tahudi naikno te loku heta balumi ghotilo, iheire God teke vahidi mala reireghi ghami nei farirhiu ghami eigna nakarhagna khiloau na.

Fapea Tesalonika 3:13

Nu ghotilo kheraguro, thosei babaꞌo eigna te eni gloku te keli na.

Fapea Kronikols 17:4

eghuteuna mana theome leghudi unha puhi te diꞌa teke edi king di Israel tifa ra. Nu mana toreni nogna God kmagna na mala batuni, eghuteuna mana faꞌuvedi nogna cheke mana re.