Ululahu Tesalonika 2:9 - Buka Blahi Ka Cheke Holo

⁹ Uve, kheraguro, ghotilo lase ghamihi ghehati loku heta fara bongi narane mala foli unha te nabami themi. Naugna ghehati theome magnahagheni te eni kaisei puhi biꞌo ka ghotilo kate toutonuni Nonomho te Keli gne.

Ululahu Tesalonika 2:9 ပူးပေါင်းရင်းမြစ်များ

Fapea Korin 11:9

Eghuteuna kani teke au iara balumi ghotilo ia iara neke ari neke kmo'e ka glepo, eghuteuna iara neke theome chekeni kaisei naikno ka ghotilo. Hatimare mae thabusigna teke mei funu ka namono Masidonia, mare hata neke mei gobigna lepo teke kmo'edi iara re. Eghume iara neke theome fagloku biꞌo ghami ghotilo ka kaisei glepo tifa na, eghuteuna iara ginauna jaola theome fagloku biꞌo ghami ke leghu na.

Mae Khuru 18:3

mae Pol ne au ka repa ne loku baludi repa. Naugna nodi gloku retilo na mala susuki tapuale.

Fapea Timoti 1:3

Iara cheke fakelini God, eigna iara loku ranghini mana balu gaoghatho te klino ke ulugna God, jateu teke edi mae kuꞌeda tifa ra eghu. Leuleghu fata kate tarai re iara ghatho nigho fabrahu bongi narane.

Ululahu Timoti 5:5

Jame kaisei thau te lehe khetogna na au kolho thegna, eghuteuna theome toghoni thegna teuna, naꞌa na nhaꞌa lao nogna fatutuani te biꞌo na ka God, eghuteuna toreni nogna thotogho God na bongi narane.

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Ululahu Tesalonika 2:6

Ghehati theome hironi nafnakno na ka ghotilo, ba ka ihei. Ghehati nogna khuru mae Kraes. Naugna igne, kate au balumi ghotilo na, ghehati tangomana te tore glepo ka ghotilo. Nu ghehati faꞌamama ka ghotilo jateula kaisei gaꞌase te taegodi goro thugna.

Ululahu Korin 9:18

Eghume, nafnata taba nate hata iara na u nolaghi te mala toutonuni u Nonomho te Keli na ranghidi naikno te gnafare eghuteuna theome mala tore fofoli tagna. Ka puhi igne iara theome loku ka nogu nolaghi thegu te mala hata glepo ka naiknore.

Ululahu Korin 9:15

Nu neuba, iara theome toreni kaisei vido sileni ka ghotilo. Eghuteuna iara theome risoni igne mala hata kaisei glepo ka ghotilo. Nabagu na iara mala kulu lehe kolho! Tutuani, theo kaisei naikno te tangomana te tughu puhigu iara te fahaehaghe koba igne.

Mae Khuru 20:31

Eghume fiofilo ghami eghu ghotilo ia! Jaola, ke ghathoni igne eghu, thilo finogha iara neke cheke faheta nei farirhiu ghami ghotilo bongi narane balu tanhi.

Nehemaea 5:18

Leuleghu narane na, mare falehe kaisei buluka, eghuteuna namno famane sipu, eghuteuna kmana kokorako mala ghamu ghehati. Eghuteuna leuleghu nabotho narane na, iara tufa soasopai nafnata waen ka naiknore. Naugna iara mae gavana, iara au nogu nolaghi te mala hata sileni ka naiknodi Juda mala foli gano. Nu neuba, iara theome magnahaghei te huhurudi mare mala foli, naugna iara laseni narane ninhigrana la thokedi mare.

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Ululahu Timoti 1:11

Tuana farirhiu leghuni u Nonomho te Keli God teke tusu mei ka iara mala toutonu iara. Nonomho te Keli igne siasigla balu nolaghi biꞌo neke mei funu ka God mae ihei te blahi fara.

Ululahu Tesalonika 3:10

Eghuteuna ghehati tarai heta fabrahu eimi ghotilo bongi narane. Ghehati tarai mala tangomana teke filo ghami nei tusu ari tami gobigna lepo te nabami ghotilo mala farhetadi nomi fatutuani.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Ululahu Tesalonika 1:3

Ghehati cheke fakelini God Kmada eidi gloku te keli teke edi ghotilo naugna nomi fatutuani nei namha. Ghehati jaola cheke fakelini God eigna ghotilo te kegra maku fabrahu ka nomi grouronu ka noda Lord Jisas Kraes.

Filipae 4:16

Kani au tekeu iara Tesalonika ia ghotilo neke famei thotogho koba ka iara.

Fapea Korin 6:5

Mare puri ghami nei koko lao ghami ka suga sosolo. Naiknore diꞌa tadi ghami nei magri ghami. Ghehati loku heta, keha fatare ghehati theo kaisei vido mala thuru ba te mala ghamu na.

Ululahu Korin 4:12

Ghehati loku heta fara te mala au ghemi gano na. Kate cheke fadiꞌa ghami naiknore, ghehati fablahidi. Kate para ghami naiknore, ghehati lisa lao kolho.

Letas Teke Riso Tei Mae Pol Ka Khiloau Rom 15:19

Mare ne leghuni God naugna mare neke filodi u fagaglana nei kofubobhoi balu nolaghi nogna Tharunga te Blahi. Iara toutonuni Nonomho te Keli na funu Jerusalem, iko tongana heva heva ghilei posa Ilirikam. Aonu iara ne toutonu fahui Nonomho te Keli eigna mae Jisas Kraes.

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Luku 18:7

Naiknore tanhi bongi narane ka God mala toghodi. Eghuteuna God ginauna tusu ranghidi fabrahu unha glepo te keli na, eghuteuna mana ginauna na theome phaipalighi te mala toghodire.

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Nodi Khoje Hatimare Mae Jiu 88:1

Lord God, iagho nogu God iara mala togho ghau. Ka narane nei ka bongi teuna, iara diꞌanagnafa nei tanhi fabiꞌo eghu ka iagho mala mei togho ghau.

Nodi Khoje Hatimare Mae Jiu 32:4

Bongi narane na khamemu iagho na para ghau iara fara. Iara theo kaisei nogu nolaghi kolho, jateula khoꞌu te krango ka naprai ia eghu.

Mae Khuru 20:24

Nu iara theome nanga noguni nakarhagu na. Naugna glepo te ulu na te mala eni fagnafa iara u gloku mala eni iara teku teke tusu mei ka iara noda Lord Jisas. Gloku igne mala toutonuni iara ka naiknore eigna nogna namha biꞌo God.

Ululahu Korin 9:4

naugna iara kaisei mae khuru, tutuani iara tangomana te toredi naiknore te mala togho ghau ka gano ba khoꞌu jame te magnahagheni iara na.

Fapea Korin 11:27

Iara theome thuru ka gloku biꞌo nei nakmusa. Eghuteuna kmana fata iara rofo nei roi koꞌu. Kmana fata iara dangna nei reka nei theo pohe.

Fapea Kings 6:2

Te keli na iagho snakre ghami ghehati mala tei kato thaba ka geri khoꞌu Jordan mala horo keha suga na.” Eghuteuna mana ne cheke eghu ka mare, “Keliu kolho, tei si ghotilo.”

Proveb 31:18

Naꞌa laseni fara te ei nogna bisnis na, eghuteuna kmana fata naꞌa loku bongiro.