Ululahu Tesalonika 2:6 - Buka Blahi Ka Cheke Holo

^6-7 Ghehati theome hironi nafnakno na ka ghotilo, ba ka ihei. Ghehati nogna khuru mae Kraes. Naugna igne, kate au balumi ghotilo na, ghehati tangomana te tore glepo ka ghotilo. Nu ghehati faꞌamama ka ghotilo jateula kaisei gaꞌase te taegodi goro thugna.

Ululahu Tesalonika 2:6 ပူးပေါင်းရင်းမြစ်များ

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Ululahu Tesalonika 2:9

Uve, kheraguro, ghotilo lase ghamihi ghehati loku heta fara bongi narane mala foli unha te nabami themi. Naugna ghehati theome magnahagheni te eni kaisei puhi biꞌo ka ghotilo kate toutonuni Nonomho te Keli gne.

Jone 5:44

Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.

Jone 5:41

“Iara theome hironi u nafnakno na ka naiknogna nauthoglu igne.

Ululahu Timoti 5:17

Mae biꞌo te baubatu fakeli ka khiloau nei tulao iheire te loku heta kate toutonuni nei farirhiuni teu chekegna God na naba te hata taba na.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Fapea Korin 13:10

Iara riso ari letas igne kate theome au teu balumi ghotilo naugna kate ari iara te posa ka ghotilo na, iara theome magnahaghei te cheke faheta ranghi ghami ka nolaghi biꞌo teke tusu mei Lord ka iara igne. Mana neke tusu mei ka iara nolaghi igne mala toghodi nomi fatutuani ghotilo re mala heta, theome mala goigoni ghami ghotilo.

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Ululahu Korin 11:9

Eghuteuna God neke theome vuavuha nalhaꞌu na mala toghoni gaꞌase, nu God neke vuavuhani gaꞌase na mala toghoni nalhaꞌu.

Jone 12:43

Mare magnahaghei nafnakno ka naiknore ke tulao gnai nafnakno te mei ka God.

Jone 7:18

Mae ihei te farirhiudi kolho nogna gaoghatho thegna re, mana fariuriu fafnaknoni kolho thegna. Nu mae ihei te fariuriu fafnaknoni mae teke kuru mei ghau iara na, naikno tuana chekeni koba u glepo te tutuani na eghuteuna mana theome lase chaghi.

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Proveb 25:27

Theome keli te koꞌu suka fara iagho na, theome keli iagho te fafnakno nigho themu na.

Nogna Buka Esta 5:11

Kate kafe khapru mei te gnafa mae kheragnare, mana kegra haghe ne fafnaknoni nanghagna thegna na ke uludi mare hui. Mana ne falaseni thegna ka mare te kaisei mae dedei, nei kaisei mae au kmana thugna. Eghuteuna mae king jaola neke tusu lao kaisei sape nafnakno biꞌo ka mana. Eigna mana nogna praeminista mae king. Eghuteuna keha nogna mae minista te gnafa mae king igre au ke parigna mana.

Nogna Buka Esta 1:4

Gaghamu biꞌo igne hata nabagna namno nhigra thongana. Eghuteuna ka narane igre King Sekses ne fakakhana ka mae funei te gnafa igre nogna dedei nei nogna nafnakno nei nogna famane suga biꞌo teure.

Galesia 6:13

Neuba mare ne vahehi ngau, mare thedi na theome nanga nodini eigna u vetula na, nu mare magnahaghe ghami ghotilo te vahe mala tangomana mare te fahaehaghe eidi thinimi ghotilo re.