Ululahu Tesalonika 2:10 - Buka Blahi Ka Cheke Holo

¹⁰ Kate au balumi ghotilo naikno khiloau re, ghotilo theome filoni kaisei najafra ba kaisei puhi biꞌo ka ghehati naugna ghehati nakarhami na doglo fara ke ulugna God. Ghotilo themi laseni igne. God thegna jaola laseni unha teke eni ghehati ka ghotilo na thofno klino fara.

Ululahu Tesalonika 2:10 ပူးပေါင်းရင်းမြစ်များ

Ululahu Pita 5:3

Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Fapea Timoti 3:10

Nu iagho filo glani ghau iara, iara gne theome nafnata naikno tuana ka nogu farirhiure, ka nogu nakarha nei ka glepo te magnahaghei edi thegure. Iagho filo glaninihi puhigu iara te fatutuani ni mae Kraes na, nogu nagnafa au kmu ba nogu namha biꞌo ranghidi naikno te gnafare, ba nogu naꞌau ka vido te ninhigrana.

Mae Khuru 20:18

Kate mei mare ka mana na, mana ne cheke eghu ka mare, “Leuleghu fata kate au iara balumi ghotilo na, ghotilo lasenihi puhigu iara na, funu ka narane ulu lahu teke mei thoke iara ka Provins Esia.

Ululahu Timoti 4:12

Theome keli kaisei naikno jateula kaisei fiti mae kolho iagho teu te theome leghudi nou cheke iagho re naugna iagho kaisei mae majaghani. Iagho mala baubatuni puhi te keli na ka naiknore, ka chekemu ba ka nakarhamu, ba ka nou namha, ba ka nou fatutuani ba ka nou puhi te doglo mala tangomana naikno khiloaure te leghu nigho na.

Fapea Tesalonika 3:7

Ghotilo themi lasenihi igne, ghotilo mala leghudi puhimi ghehati gre. Naugna kate au balumi ghotilo ra, ghehati neke theome tiromi loku.

Ululahu Tesalonika 2:5

Ghotilo laseni igne, ghehati theome cheke famaemahe mala hata ghami ghotilo, ba saosagro mala hata sileni ka ghotilo. Theo. Ghehati theome poruni khiri na ka ghotilo, God laseni igne tutuani fara.

Fapea Korin 11:11

Iara chekeni igne ka ghotilo naugna te theome naba iara te hata nomi tothogho ghotilo na, ba iara ne theome namha ghami ghotilo? Theo! God lase ghau iara te namha ghami fara ghotilo na.

Fapea Korin 7:2

Ghotilo mala falalaseni te namha ghami ghehati na. Ghehati theome eni kaisei najafra ranghini kaisei naikno. Ghehati theome goigonini kaisei naikno, nei ghehati theome chaichaghini kaisei naikno.

Mae Khuru 24:16

Eghume iara fariuriu koba te mala eni unha te fatutuani ni iara te doglo ke ulugna God ba ke ulugna naikno.

Mae Khuru 20:26

Eghume te chekeni iara ka ghotilo gognaro na: Ihei te tei ka nabrougna glehe na puhigna thegna, theome puhigu iara.

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.

Naba 16:15

Moses ne thono diꞌatagna fara ne cheke eghu ka Lord, “Ne fafara age nga mare nu, those atha fafara tuare eghu! Iara theome eni kaisei glepo te diꞌa ka mare! Neubane glepo ikoi kolho jateula dongki neu, iara theome ke atha ngala!”

Fapea Korin 11:31

God nei Kmagna noda Lord Jisas Kraes laseni te theome chaichaghi iara na. Tahati cheke fakelini nanghagna mana na tifa tifa!

Fapea Korin 5:11

Naugna igne ghehati tangomana te thofno ghatho tahuni Lord, nei fariuriu mala toghodi naiknore mala fatutuanidi nomi chekere eigna thofno karha. God na lase ghami farahi ghehati, eghuteuna te ghathoni iara na ghotilo jaola lase ghami fara ghehati.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Luku 23:41

Tapa nabada te mala lehe na. Lehe tughudi unha puhi te diꞌa teke edi theda tifa ra. Nu mae igne theo kaisei nakhibogna.”