Ululahu Tesalonika 2:1 - Buka Blahi Ka Cheke Holo

¹ Uve kheraguro, ghotilo lasenihi nomi thei teke ari ghotilo ia theome khobagna.

Ululahu Tesalonika 2:1 ပူးပေါင်းရင်းမြစ်များ

Fapea Tesalonika 3:1

Uve kheraguro, tarai ghami mala tangomana chekegna Lord na mala ghosei tei ka namono te gnafa heva heva, eghuteuna naiknore ginauna tangomana te nomhini nei ghatho tahuni eghu farirhiu tuana, jateula teke enihi ka ghotilo ia eghu.

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Filipae 2:16

Naugna ghotilo mala toutonu eigna u thofno karha na ranghidi. Eghuteuna te eni ghotilo igne na, iara ginauna gleale'a fara ka narane nate ke pulo mei mae Kraes na. Naugna igne u fagaglana gna te theome fiti loku kolho iara kate theo nafugna na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Ululahu Korin 15:2

Eghuteuna God ginauna fakarhi ghami ghotilo ka Nonomho te Keli igne. Nu ghotilo mala loku famaku ka cheke teke toutonu ranghi ghami iara igne, na eghunu fiti fatutuani kolho ghotilo eghu.

Profet Habaku 2:13

Ghotilo naikno te tapla faparidi nei fasosolodi teu naiknodi keha kantri ra, eghuteuna paradi fara kate edi nomi glepo ghotilore teura ginauna nhako ka khaꞌaghi. Lord mae ihei te au nolaghi fateote'o igne nate eni na puhi igne!

Nodi Khoje Hatimare Mae Jiu 127:1

Jame te theome totogho Lord ka ihei te loku ka suga na, gloku te eni mana igne theo nafugna kolho. Eghuteuna jame te theome reireghi fakeli Lord balugna mae ihei te reireghi gna nogna namono na glahula mei ruma naokare ka nogna namono na teuna, reireghi te eni mana igne theo nafugna kolho.

Ululahu Tesalonika 3:5

Naugna igne, iara kuru arini mae Timoti ka ghotilo mala tangomana iara te laseni nomi fatutuani ghotilo na. Iara kuru arini mana kate theome tangomana ofo te raugha. Te mhaghuni iara na mae Satan jame neke fariuriu ghami ghotilo, eghuteuna nakmusa fateo te edi tahati igre ginauna na theo nafudi kolho.

Galesia 4:11

Iara thofno nanga nogu ghami ghotilo, na eghunu fiti fagloku biꞌo ghau thegu kolho iara ka ghotilo eghu.

Galesia 2:2

Iara tei jare naugna God neke cheke mala tei iara. Eghuteuna ka kaisei faidu baludi mae biꞌo ka khiloau na, iara neke famane cheke ka mare eigna te toutonuni thegu u Nonomho te Keli na ka iheire te theome Jiu. Naugna iara gaoghathogu na theome magnahagheni God te filoni nogu gloku iara teke eni teke mei funu tifeiro nei te eni teu iara gognaro gne te theo nafugna kolho.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Profet Isaia 65:23

Gloku teke eni mare igne ginauna na theome fiti luvu kolho, eghuteuna theo kaisei puhi biꞌo nate thokedi thudi mare re. Leuleghu fata na, iara Lord ginauna fablahidi mare, eghuteuna iara ginauna jaola fablahidi naikno nate karha mei ke leghudi mare igre.

Profet Isaia 49:4

Nu iara ne cheke eghu, ‘Iara loku heta, nu iara namo babaꞌo kolho, la ghilei hui nogu nolaghire, nu theo nafudi kolho.’ Neuba, nogu Lord iara na, ginauna fateni nogu gloku iara na. Mana ginauna tusu mei ka iara glepo te keli eigna gloku te eni iara na.

Thoutonu Eigna Mae Job 39:16

Naꞌa lisa laodi kolho nakredi igre, jateula te theome thugna ra eghu. Eghuteuna naꞌa theome ghathodi kolho te mala karha thugna re.

Fapea Tesalonika 1:10

Kate mei ka narane biꞌo tuana, mana ginauna hata nafnakno ka nogna naikno blahire. Eghuteuna naikno teke fatutuani ni mana tuare ginauna kilo fnaknoni mana. Ghotilo ginauna au ke lamnagna tothoghei naikno fatutuani tuana, naugna ghotilo ne fatutuanidi unha te chekedi ghehati ra.

Nodi Khoje Hatimare Mae Jiu 73:13

Keha naiknore jame buiburi eghu ka iagho God, “Theo kaisei nafugna kolho iara te mala bara fothini gaoghathogu na te mala gae te mala theome eni iara nakhibo na. Leuleghu hamerane na iagho para ghau iara. Eghuteuna iagho fakokhoana ghau iara fabrahu, funu hamerane ghilei posa fei grafi.” Nu jame te cheke eghu iara na, eghume ghehati na theome leghuni kolho puhidi nou naikno iagho re eghu.