Ululahu Tesalonika 1:9 - Buka Blahi Ka Cheke Holo

⁹ Eigna naikno te gnafa re chekeni koba unha teke eni ghotilo ranghi ghami ka teke ari sigho ghami jarea. Eghuteuna te chekeni mare na ghotilo figri tagruni mumuju god na neke pogho soruni nei loku ranghini thofno God te karha nei tutuani.

Ululahu Tesalonika 1:9 ပူးပေါင်းရင်းမြစ်များ

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Ululahu Korin 12:2

Uve, ghotilo laseni kani au teku ghotilo ka nodi puhi iheire te theome fatutuani God ra, mae Satan neke batu fadelei ghami te mala pogho soru ghotilo ka mumuju te theo karha tadire.

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Ululahu Tesalonika 2:1

Uve kheraguro, ghotilo lasenihi nomi thei teke ari ghotilo ia theome khobagna.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.

Nodi Khoje Hatimare Mae Jiu 42:2

God, iagho God te karha, iara magnahaghei nigho iagho fara jateula mae ihei te moja graragna na te magnahaghei koꞌura eghu. God, niha nau te mala ari iara te mala kegra ke ulumu te mala tarai na?

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Profet Sefanaea 2:11

Lord ginauna famamhaghudi fara, eghuteuna koko soru pari nodi mumuju god mare te theo nafudi are. Eghuteuna kate filoni mare igne, naikno te gnafa ka vido te gnafa igre ginauna pogho soru ka Lord.

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Profet Isaia 37:17

Lord! Filo sagho ka unha te thoke ghami ghehati igre. Fanomho sagho ka gobigna lepo te cheke fadiꞌa nigho King Senakerib igre, iagho God mae ihei te karha te tifa.

Profet Isaia 37:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume, tore ka God eida tahati naikno te karha nga teu gre!”

Nodi Khoje Hatimare Mae Jiu 84:2

Iara magnahagheni fara te au jare na! Lord God, iara thono magnahagheni fara te au ke lamnagna nou Sugablahi iagho na. Iagho ngala God mae ihei te karha tifa te tifa na. Ka nakarhagu fateote'o na, iara koje naugna iara thofno glealeꞌa fara ka iagho.

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Diutronomi 5:26

Ba, kaisei naikno neke nomhini naoglagna God mae ihei te karha te tifa igne neke cheke mei ke lamna khaꞌaghi jateula te nomhini ghehati igne neku, mana karhau gognarona?

Thakle 17:2

Hatimare mae king te gnafa ka nauthoglu igne mare la enihi puhi te diꞌa na ka naꞌa. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌa na.”

Hibru 12:22

Nu ghotilo la mei namohi ka kaisei namono majaghani, u thogele te kiloni Saion. Igne namono Jerusalem te au kligna na, nogna namono biꞌo God mae ihei te karha te tifa. Jare te au thogha thogha engel nogna God.

Letas Teke Riso Tei Mae Pol Ka Khiloau Rom 9:26

“Eghuteuna ka kaisei namono na iara neke cheke eghu ka mare, ‘Ghotilo theome nogu naikno iara.’ Uve, ka namono tuana iara ginauna na cheke eghu ka mare, ‘Ghotilo thugu iara, God mae ihei te karha te tifa.’ ”

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Ululahu Jone 5:21

Uve thuguro, reireghi fakeli ghami themi ka mumuju are. Me gnafa. Iara, mae Jone.