Ululahu Tesalonika 1:7 - Buka Blahi Ka Cheke Holo

⁷ Eghume ghotilo mala pala batudi naikno khiloau ka namono Masidonia nei Akaia.

Ululahu Tesalonika 1:7 ပူးပေါင်းရင်းမြစ်များ

Taetus 2:7

Jaola, iagho themu na mala edila glepo te keli igre mala filo leghu nigho goro mae majaghani are. Nu kate farirhiudi iagho naiknore, iagho famane gaoghatho fakeli ngau eghu.

Ululahu Pita 5:3

Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.

Ululahu Timoti 4:12

Theome keli kaisei naikno jateula kaisei fiti mae kolho iagho teu te theome leghudi nou cheke iagho re naugna iagho kaisei mae majaghani. Iagho mala baubatuni puhi te keli na ka naiknore, ka chekemu ba ka nakarhamu, ba ka nou namha, ba ka nou fatutuani ba ka nou puhi te doglo mala tangomana naikno khiloaure te leghu nigho na.

Ululahu Tesalonika 1:8

Kmana kmana naikno te au ka Provins Masidonia nei ka Provins Akaia nomhinihi u Nonomho te Keli eigna mae Jisas Kraes teke toutonuni ghotilo. Nu nonomho gna nomi fatutuani ghotilo ka God na jaola tei tongana heva heva. Eghume ghehati theome tangomana te cheke eigna nomi fatutuani ghotilo na.

Mae Khuru 16:12

Funu jare ghehati mhata ne tei ka namono Filipae, kaisei namono ulu ka nohi ke lamnagna Provins Masidonia. Ghehati ne au keha narane ka namono tuana. Namono tuana neke hohoro hatimare mae Rom.

Fapea Korin 1:1

Iara mae Pol. God neke vahi ghau iara mala nogna khuru mae Jisas Kraes. Ghepa mae kherada Timoti te riso ari letas igne ka ghotilo naikno khiloau te au Korin nei ka keha namono ke lamnagna Provins Akaia.

Mae Khuru 1:13

Kate thoke Jerusalem na, mare doglo ne tei kau chogho ke kligna kaisei suga te mala kapru teu mare. Eghuteuna jare mae Pita, mae Jone, mae Jemes, mae Aduru, mae Filip, mae Tomas, mae Batolomiu, mae Matiu, mae Jemes thugna mae Alfius, mae Simon mae te kiloi Silote, nei Judas thugna mae Jemes.

Ululahu Tesalonika 4:10

Tutuani fara, ghotilo namhadi kherada te gnafa ka namono Masidonia. Eghume ghehati tore ghami fara kheraguro mala biꞌo e biꞌo ghotilo nomi namha na ranghidi.

Fapea Korin 9:2

Iara laseni, eigna ghotilo magnahaghei te totogho. Eghuteuna iara cheke fahaehaghe eigna igne ka naikno te au Masidonia. Iara neke cheke eimi ghotilo te au ka Provins Akaia teke tarabanahi u sileni igne funu ka finogha te aria. Eghuteuna ka nomi sasaꞌa ghotilo na, kmana naikno agne Masidonia jaola magnahaghei salo keha sileni.

Mae Khuru 18:1

Ke leghugna igne, mae Pol jifla Atens ne tei ka namono Korin.

Mae Khuru 18:12

Ka finogha te Primia mae Galio ka Provins Akaia, goro mae biꞌo Jiure khapru ne lokini mae Pol ne hatani mana ka fate.

Mae Khuru 19:21

Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Letas Teke Riso Tei Mae Pol Ka Khiloau Rom 15:26

Naikno khiloau ka namono Masidonia nei Akaia keli tadi ka iara te tusu lao iara keha sileni mala toghodi naikno khiloau te kuma ka namono Jerusalem.