Ululahu Tesalonika 1:3 - Buka Blahi Ka Cheke Holo

³ Ghehati cheke fakelini God Kmada eidi gloku te keli teke edi ghotilo naugna nomi fatutuani nei namha. Ghehati jaola cheke fakelini God eigna ghotilo te kegra maku fabrahu ka nomi grouronu ka noda Lord Jisas Kraes.

Ululahu Tesalonika 1:3 ပူးပေါင်းရင်းမြစ်များ

Ululahu Korin 13:13

Eghume thilo glepo te ulu igre au fabrahu tifa tifa: fatutuani, grouronu nei namha. Nu namha na ngala te ulu ka thiloi gre.

Thakle 2:19

Iara lase ghamihi ghotilo te namhadi naiknore nei fatutuani ghau la iara. Eghuteuna iara jaola laseni te fari totoghoi ghotilo fari themi na, nei kegra heta fabrahu ka nomi fatutuani na, neuba mare ne para ghami. Famane gloku te edi ghotilo gognaro gre thofno uludi fara gloku teke edi teke mei ghotilo tifa ra.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Fapea Tesalonika 1:11

Naugna igne, ghehati tarai koba eimi ghotilo, nei toreni noda God mala togho ghami nei nabami te au ka nakarha te keli teke kilo ghamihi mana. Eghuteuna ghehati jaola toreni God ka nogna nolaghi mala togho ghami ghotilo mala leghudi gaoghathomi nei loku fahui gloku teke edi ghotilo naugna te fatutuani ni God.

Ululahu Jone 5:3

Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.

Galesia 6:9

Eghume tahati thosei babaꞌo kate eni unha te keli na. Jame te theome lilisei tahati unha teke edire, tahati ginauna tangomana te hata glepo te keli teke kulu tarabanahi ka thofno narane gna na.

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Ululahu Jone 3:3

Eghuteuna iheire fateo te thofno fatutuani ni mae Kraes kate ofoni teu mana na fariuriu au klino, naugna mae Kraes na klino fara.

Ululahu Tesalonika 3:6

Nu mae Timoti gne kela pulo mei ka ghehati funu ka ghotilo. Mana hata mei famane nonomho te keli eigna nomi fatutuani nei namha. Mana toutonu ka ghehati eimi ghotilo te ghatho ghami fabrahu ka puhi te keli, nei magnahaghei filo ghami fara jateula ghehati te magnahaghei filo ghami ghotilo.

Ululahu Jone 3:18

Thuguro, noda namha na theome ka cheke kolho nu tahati thofno fatakleni noda namha ka unha te eni tahati ranghini kheragna fofodu.

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Ululahu Jone 3:21

Uve kheraguro, jame theome fate ghita nagnafada na, tahati theome tangomana mhaghu te mei ka God.

Ululahu Pita 3:4

Nu unha te au ke lamna nagnafami ghotilo na tangomana te mala kekheliana fifilogna na. Eghuteuna te kekheliana fifilomi ghotilo na igne theome tangomana teke mala tughu na, naugna mei ka nakarha te au faleghu nei famane muana. Puhi igre thofno kekheliana fifilodire ka tathagna God nei mana ghatho tahudi fara.

Hibru 11:17

Mae Ebraham neke fatutuani ni God. Naugna igne mana neke snakreni thofno thugna kaisei ngala mae Isak mala fafara ka God kate fariuriuni mana. Neuba tifa na God neke nhaꞌa cheke eghu ka mae Ebraham, “Vikemu iagho na ginauna fufunu ka mae Isak,” mae Ebraham neke tarabana mala fafara mae thugna Isak.

Hibru 6:15

Mae Ebraham ne theome babaꞌo ne ofo neu ne ghilei hatini unha teke nhaꞌa cheke ranghini God na.

Ululahu Timoti 2:3

Tarai jateula igne teuna keli fara, eghuteuna God mae ihei teke fakarhi ghita na jaola keli tagna fara.

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Letas Teke Riso Tei Mae Pol Ka Khiloau Rom 16:6

Ghotilo kubaeni Meri, naꞌa loku heta te mala togho ghami ghotilo na.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Letas Teke Riso Tei Mae Pol Ka Khiloau Rom 12:12

Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Famane Khoje 8:7

Jame namha na jateula khaꞌaghi eghu ba khoꞌu biꞌo na, ba nabritha na theome tangomana te faknoho ni namha na. Eghuteuna neuba jame kaisei mae snakredi gobigna lepo te keli te au tagna re mala foli namha nogna keha mae na, mana ginauna theome magnahagheni.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Jenesis 29:20

Aonu mae Jekop ne loku ranghini mae Laban fitu finogha mala gna te tolaghi ka Resel na. Ka gaoghathogna mae Jekop na fitu finogha igre jateula te phei narane ra eghu kolho ka mana, naugna mana ne magnahagheni fara Resel.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Letas Teke Riso Tei Mae Pol Ka Khiloau Rom 16:26

Tutuani, God mae ihei karha te tifa na ne falalase ranghi ghita u Nonomho te Keli igne ka unha teke riorisohi hatimare mae profet ra. Eghuteuna God cheke ranghi ghita mala toutonuni tahati u Nonomho te Keli igne, mala nu naikno ka namono te gnafa ka nauthoglu gne tangomana te fatutuani ni God nei leghuni mana.

Jone 15:10

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Ululahu Timoti 1:14

Nu mae Jisas Kraes noda Lord neke bruara khokofakasai te biꞌo ke klignagu iara eghuteuna tusu ranghi ghau iara fatutuani nei namha maladi naiknore.