Ululahu Samuel 9:4 - Buka Blahi Ka Cheke Holo

⁴ Aonu mae Sol ne hata balugna kaisei mae ne tei ka thogele ka nohi Efrem mala hirodi dongki te snivi ra ka vido te gnafa falithuini Salisa, nu phiamare jaola ne theome tangomana te kadire ka vido te gnafa igre. Ke leghu, phiamare ne tei ka nohi Salim, nu phiamare ne theome kadi ka nohi Salim. Aonu phiamare ne tei ke lamnagna nohigna Benjamin, nu dongki igre jaola ne dofidi ka nohi igne.

Ululahu Samuel 9:4 ပူးပေါင်းရင်းမြစ်များ

Fapea Kings 4:42

Kaisei fata ke leghudi igre, kaisei mae jifla ka namono Baal-Salisa hata ne mei varadaki bret balu keha bali. Bret igne eni ka bali te saro ulu ka nagare are. Mana hata ne tei gano igre ka mae Elisa. Aonu profet Elisa ne cheke eghu ka nogna mae gloku na, “Hata tei gano igre ka hatimare mae profet ra mala ghamu mare.”

Josua 24:33

Kate lehe Eliesa thugna Eron igne, mare ne giugiluini mana ka namono Gibea ka thogele nogna rijon Efrem, ke lamnagna glose teke tusu lao mare ka thugna mana Finehas.

Jone 3:23

Ka narane tuare mae Jone ne faꞌapublahi naiknore ka namono Aenon rhegna Salim, naugna jare na au khoꞌu. Kmana naikno ne tei jare mala apublahi ka mana.

Jajis 19:1

Kani theo nodi king teku naiknodi Israel igre, kaisei mae ka vikegna Livae au mata ka thogele ka nogna glose Efrem. Kaisei narane mana hata kaisei fapea khetogna Betlehem jare Juda.

Jajis 17:1

Kaisei mae nanghagna na Maeka, vikegna Efrem. Mana au ka thogele ka nogna glose Efrem.

Jenesis 33:18

Ke leghugna igne mae Jekop jifla Mesopotemia neke pulo ka kantri Kenan ka namono Sekem, ne hohoro nogna suga tapuale rhegna namono na.

Josua 19:42

nei Salabin, nei Aejalon, nei Itla,

Ululahu Samuel 9:3

Kaisei narane keha nogna dongki mae Kis gre tei ne snivi, aonu mana ne cheke eghu ka mae thugna na, “Ghema Sol, iagho hata kaisei mae balumu mala tei hirodi dongki ra.”

Ululahu Samuel 1:1

Kaisei mae nanghagna na Elikana, mana au ka namono biꞌo Rama ka thogele Efrem. Kmagna na mae Jeroham gragna mae Elihu. Mare karha mei ke leghugna gna mae Tohu, ka vike gna mae Sufu jare Efrata.