Ululahu Samuel 9:3 - Buka Blahi Ka Cheke Holo

³ Kaisei narane keha nogna dongki mae Kis gre tei ne snivi, aonu mana ne cheke eghu ka mae thugna na, “Ghema Sol, iagho hata kaisei mae balumu mala tei hirodi dongki ra.”

Ululahu Samuel 9:3 ပူးပေါင်းရင်းမြစ်များ

Ululahu Samuel 10:2

Kate jifla iagho agne gognarogne, iagho ginauna tei ka nohi Benjamin, eghuteuna iagho ginauna thafodi phei mae Selsa rhegna bekugna Resel tifa ia. Phiamare ginauna cheke eghu ka iagho, ‘Dongki ra kela filodihi mare. Nu mae kmamu iagho na nanga nogna fara ka ghopa, eghuteuna thono ghathoni fara eigna te mala teke thafo ghami ghopa na.’

Jajis 10:4

Mae igne au tolufulu thugna nalhaꞌu, eghuteuna naugna mae igre lida, mare kafe saghe ka dongki. Eghuteuna mare reireghi tolufulu namono ke lamnagna kantri Gilead, eghuteuna nanghadi tolufulu namono igre kilodiu ngala, “Nogna Namono Jaea” ghilei mei posa ka narane igne.

Jajis 5:10

“Fanomho ka igne ghotilo mae iheire te saghe ka famane dongki vegha ra, nei ghotilo mae dedei te gnokro kolho ra, nei ghotilo mae iheire te nolo tafri kolho ra, ghotilo te gnafa na kafe ghaoghatho fakeli.

Ululahu Samuel 9:2

Mae Kis au kaisei thugna nalhaꞌu, nanghagna na mae Sol. Theo kaisei mae gna Israel te jateula mana teu te brahu fara nei famane mae majaghani fara teuna.

Ululahu Samuel 9:4

Aonu mae Sol ne hata balugna kaisei mae ne tei ka thogele ka nohi Efrem mala hirodi dongki te snivi ra ka vido te gnafa falithuini Salisa, nu phiamare jaola ne theome tangomana te kadire ka vido te gnafa igre. Ke leghu, phiamare ne tei ka nohi Salim, nu phiamare ne theome kadi ka nohi Salim. Aonu phiamare ne tei ke lamnagna nohigna Benjamin, nu dongki igre jaola ne dofidi ka nohi igne.

Ululahu Samuel 9:20

Dongki teke dofidihi nabagna thilo narane igre, iagho thosei nanga noudi naugna mare kela filodihi. Fanomho sagho, naiknodi Israel gre magnahagheni fara te hironi mae ihei sigrea? Mare magnahaghei nigho iagho balugna tharaknamu iagho na.”

Ululahu Samuel 10:14

Ke leghugna igne, nebugna mae Sol na ne filoni mana balugna nogna mae gloku na, eghuteuna mana ne ghusna eghu ka phiamare, “Ghopa neke mei funu aheva sia?” Eghuteuna mae Sol ne cheke eghu, “Ghepa neke tei hirodi dongki teke dofidi ra, nu kate dofi nomidi re, ghepa neke tei filoni mae Samuel.”