Ululahu Samuel 9:21 - Buka Blahi Ka Cheke Holo

²¹ Aonu mae Sol ne cheke eghu ka mae Samuel. “Iara vikegna mae Benjamin, eghuteuna vike ikoi kolho ke lamnagna vikeda tahati maeda Israel. Eghuteuna vikegna mae kmagu iara na theo nanghagna ka vikegna mae Benjamin. Eghume naugna unha sagho te eni ka iara u nafnata cheke ignea?”

Ululahu Samuel 9:21 ပူးပေါင်းရင်းမြစ်များ

Ululahu Samuel 15:17

Mae Samuel ne cheke eghu, “Tifa na, iagho jame neke kaisei fiti mae kolho neku ka gaoghathomu na, nu gognarona iagho nodi mae mala baubatu vikegna Israel. Eigna Lord neke fablahi nigho iagho mala nodi king maedi Israel.

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Nodi Khoje Hatimare Mae Jiu 68:27

Ke leghudi hatimare mae nifu, vikegna mae Benjamin te theome biꞌo na ne tapla ulu, ke leghugna igne hatimare mae lida ka vikegna mae Juda balugna nodi mavitu na, eghuteuna leghu lahu na, hatimare mae lida ka vikegna mae Sebulun nei hatimare mae lida ka vikegna mae Naftali.

Profet Hosia 13:1

Tifa na kaisei vikegna mae Ifreim kolho teke mala cheke na. Eghuteuna keha nabotho kaisei vikere neke mhaghu neke ghatho tahudi mae igre, naugna mare mae nheta fara. Nu mae igre gognarona tapla jafra ka nakhibo naugna mare pogho soru ka mumuju Baal. Naugna igne, mare jateula mae tela lehehi ra eghu.

Ululahu Samuel 18:23

Aonu mare tei ne toutonu ka mae Devet cheke igre, nu mana ne cheke eghu, “Ghotilo jame ne kaisei glepo ikoi kolho puhi igne eghu ka gaoghathomi na te mala tolaghi iara ka thugna king na teu igne. Theo, eigna iara kaisei mae kuma, nei theome fnakno nanghagu na eghu kolho. Glepo igne kaisei glepo biꞌo fara ka gaoghathogu iara na.”

Ululahu Samuel 18:18

Nu mae Devet ne cheke eghu ka mae Sol, “Iara theome nabagu te tolaghi ka thumu iagho na, naugna vikegu iara na theome fnakno ka tahati agne Israel, eghuteuna iara jaola theome mae biꞌo.”

Ululahu Samuel 10:27

Nu keha mae te diꞌa ne cheke eghu, “Tore! Na tangomanani ngau si mae igne nate fakarhi ghita tahati naia?” Eghuteuna mare ne tirodi tusu lao namha ka mana, naugna mare ne theome magnahagheni mana. Nu King Sol ne au kmu kolho.

Ululahu Samuel 9:22

Ke leghugna te cheke te gnafa mae Sol igne, thilo mare tei ka vido blahi na ne tei ruma ka chogho mala ghamu na. Mae Samuel ne fagnokrodi phiamare ka phaꞌugna tevo na. Ka vido igne, tolufulu mae teke eni gna fafara igne la gnokrohi jare tarabana mala ghamu.

Ululahu Samuel 14:51

Kmagna mae King Sol na, mae Kis. Eghuteuna kmadi mae Kis ghe mae Na igre, neke mae Abiel.

Nodi Khoje Hatimare Mae Jiu 68:28

God, falalase mei ka ghehati nou nolaghi na, jateula teke eni iagho ka ghehati tifa ia eghu.