Ululahu Samuel 9:2 - Buka Blahi Ka Cheke Holo

² Mae Kis au kaisei thugna nalhaꞌu, nanghagna na mae Sol. Theo kaisei mae gna Israel te jateula mana teu te brahu fara nei famane mae majaghani fara teuna.

Ululahu Samuel 9:2 ပူးပေါင်းရင်းမြစ်များ

Ululahu Samuel 16:7

Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Ululahu Samuel 17:4

Aonu mae Golia, kaisei mae nhetagna Gat au ka armi gna Filistia igne. Mana jifla mei ka vido te au mare na ne mei kegra pari ka glogu na. Mae nheta igne thogra thilo mita brahugna na.

Ululahu Samuel 9:3

Kaisei narane keha nogna dongki mae Kis gre tei ne snivi, aonu mana ne cheke eghu ka mae thugna na, “Ghema Sol, iagho hata kaisei mae balumu mala tei hirodi dongki ra.”

Ululahu Samuel 10:21

Eghuteuna mana ne chekedi tharakna ka vike igne mala mei. Eghuteuna Lord ne vahini tharaknagna mae Matri. Eghuteuna mae te gnafa ka tharakna igne ne kafe mei. Aonu Lord ne vahini mae Sol, thugna mae Kis. Nu kate hironi mana teu mare na, mare ne theome tangomana te filoni mana na.

Ululahu Kronikols 8:33

Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.